له ئینگلیزیه‌وه: سۆران محه‌مه‌د
با بڕۆین، دوور بڕۆین، هه‌ستده‌که‌م
مه‌له‌کان سه‌رخۆشن و ده‌فڕن بۆ قولایی که‌فی نه‌زانراو و ئاسمان!
شنه‌ی ده‌ریا
شیعری: ستیڤان مالارمێ
له ئینگلیزیه‌وه: سۆران محه‌مه‌د
جه‌سته خه‌مناکه، مه‌خابن! ومن هه‌موو کتێبه‌کانم خوێندووه‌ته‌وه.
با بڕۆین، دوور بڕۆین، هه‌ستده‌که‌م
مه‌له‌کان سه‌رخۆشن و ده‌فڕن
بۆ قولایی که‌فی نه‌زانراو و ئاسمان!
هیچ- ته‌نانه‌ت باخه کۆنه‌کانیش نا که چاو ده‌یداته‌وه-
ناتوانن ڕێ له‌م دڵه بگرن له نغرۆ بوون،
ئا شه‌وه‌کان، یا ڕووناکی جێهێڵراوی لامپه‌که‌م،
له سه‌ر بۆشایی په‌ڕه‌که، سپیاتییه‌کی به‌رگریکاره،
نا، ته‌نانه‌ت ژنه گه‌نجه‌که‌ش خۆراك به منداڵه‌که‌ی نادا.
من ده‌ڕۆم! که‌شتییه‌که گوریسه‌کانت ڕاکێشه
له‌نگه‌ره‌که‌ت بڵندکه ڕووه‌و زبریه‌کی سه‌یر
بێتاقه‌تی، فه‌رامۆشی دێنێته‌دی به ئاواتی زبر
هێشتا باوه‌ڕدار به ماڵئاوایی ده‌سڕه‌کان!
و ڕه‌نگه چارۆکه‌کان، بانگهێشکردنی ڕووناکییه‌کان،
ئه‌وانه‌ی گه‌رده‌لوله‌که چه‌ماندنیه‌وه به‌سه‌ر پارچه‌ی که‌شتییه‌که،
ون بوو بێ چارۆکان، بێ چارۆکان، دوورگه‌کانیش بێپییت...
به‌ڵام، ئای دڵم، گوێ له ئاوازی ده‌ریاوانه‌که بگره
...
پرۆفایل:
ستیڤان مالارێ شاعیری ناوداری فه‌ره‌نسی؛ له‌ساڵی 1842 له پاریس له‌دایك بووه، داده‌نرێت به یه‌کێك له پێشڕه‌وانی ڕێبازی سیمبۆلیزمی شیعریی.
پاش مردنی دایك و باوك و براکه‌ی، هه‌ر له منداڵییه‌وه توشی خه‌مۆکی بوو، له‌ساڵی 1863دا هاوسه‌رگیریی کردو منداڵێکیان بوو، به‌ڵام باری خه‌مۆکی ئه‌وی سوك نه‌کرد.
ئه‌و ده‌یویست باز بدات به‌سه‌ر ئه‌و ڕه‌وته باو و لاساییکاره‌ی ئه‌و کات له فه‌ره‌نسا له ئارادا بوو، هه‌روه‌ها به ڤیگتۆر هۆگۆ سه‌سام بوو.
هۆنراوه‌کانی به ڕه‌سه‌نایه‌تی ناوزه‌د ده‌کرێن، به هۆی ئه‌و سروشته داخراو و بیرکردنه‌وه قوڵ و سۆزدارانه‌ی هه‌یبوون، ئه‌مه وایکرد به یه‌کێك له شاعیرانی نوخبه ڕیزبه‌ند بکرێت... ئاڵۆزیی ده‌قه‌کانی و سیمبوڵه جیاوازه‌کان ڕۆڵییان هه‌بوو له‌م ئه‌فراندنه جیاوازه‌ی ئه‌ودا، تا له فالفان له به‌رواری 9/91899/دا کۆچی دوایی کرد.
...
سه‌رچاوه‌کان:
1- Poemhunter
2 en.wikipedia-
