رەسوڵ سەفەریانی
چاوم کردۆ خۆرم بینی
کە ئاڵاوە لە باڵای گوڵ
گوڵیش جەستەی رووت ونەرمی
لەگەڵ هەناسەی پڕ هەوەس
تێکەڵ بە ناز و ناڵە ناڵ
سپاردووە بە ماچی خۆر
دوو کورتە شێعر
رەسوڵ سەفەریانی
١
چاوم لە چاوی تۆ بڕی
چاوت چاومی یەکسەر دڕی
دڵ وەک کۆترلێی دەرپەڕی
لەسەر گۆی مەمکت نیشتەوە
هەر بە گمە و بە گۆرانی
بەدەم گوشینی مەمکەوە
دڵت دێنێتە سەر یاری و
تۆ خۆت دەدەی بەدەستەوە
٢
بەیانی زوو بە دەنگی گوڵ لە خەو هەستام
چاوم کردۆ خۆرم بینی
کە ئاڵاوە لە باڵای گوڵ
گوڵیش جەستەی رووت ونەرمی
لەگەڵ هەناسەی پڕ هەوەس
تێکەڵ بە ناز و ناڵە ناڵ
سپاردووە بە ماچی خۆر
بە پەنجەی پڕ لە سێحری تیشک
بۆ بەردەوامی بوون و مان
بۆ مانەوەی ئەشق و ژیان
