فه‌ریدوون ئه‌رشه‌دی
هه‌ر چی سنووری دونیاس دوورمان بکاته‌وه
تۆ دراوسێی بێستانی ڕۆحمی،
بۆنی شه‌مامه‌ی سینگت
ئارامیی له دارچناره‌کانی ئێواره بڕیوه .
هه‌ستێکی نه‌ناسراو
ئێوارانم به‌ره‌و بێده‌نگیی به‌رد ئه‌بات .
دڵه به‌رده‌که‌ت، بۆ هه‌میشه ده‌مێنێته‌وه
فه‌ریدوون ئه‌رشه‌دی
سپاس بۆ شکۆفه‌ی گێلاس
که هه‌وڵ ئه‌دات له ناوه‌ڕاستی هاوینا
تامی گۆنات بدات .
هه‌ر چی سنووری دونیاس دوورمان بکاته‌وه
تۆ دراوسێی بێستانی ڕۆحمی،
بۆنی شه‌مامه‌ی سینگت
ئارامیی له دارچناره‌کانی ئێواره بڕیوه .
هه‌ستێکی نه‌ناسراو
ئێوارانم به‌ره‌و بێده‌نگیی به‌رد ئه‌بات .
گوێ له هه‌ر به‌ردێک ده‌گرم،
ترپه‌ی دڵێکی ئاشقی تێدا ئه‌ژنه‌وم.
هیچ بینایه‌کی مرۆڤ نیه، وه‌ک بینای گیانی من،
بناغه‌ی له به‌رد نه‌بێ .
با دڵت له به‌رد بێ، دڵی منی پێ بشکێنی
به‌ڵام که قاڵاو گێلاسه‌کانی زامدار کرد و خاک
باوه‌شی بۆمان کرده‌وه،
چاوه‌ڕوانی یه‌کانی من و
چاوه جوان و په‌نجه ناسکه‌کانت
له‌نجه و پێکه‌نینت، ڕه‌نگی لێو و سه‌رگۆی مه‌مکت
ده‌پرتووکێن و کاڵ ده‌بنه‌وه،
ته‌نیا دڵه به‌رده‌که‌ی تۆ
بۆ هه‌میشه
ده‌مێنێته‌وه .
سەرچاوە: فەیسبوکی شاعیر
