ما 7285 مهمان و بدون عضو آنلاین داریم

پێشەوا کاکەیی

بۆق،
وەکوو سەرکردە دیکتاتۆرەکانم دێتە پێشچاو،
کە لە نێو چەمەنزاراندا:
بێ گوێدانە کیسەڵ لێی دەخەوێت.

 

خەوننامەی دیکتاتۆر، لە ڕەنگ و دەنگی جانەوەرەکاندا
پێشەوا کاکەیی


-
١-
بۆق،
وەکوو سەرکردە دیکتاتۆرەکانم دێتە پێشچاو،
کە لە نێو چەمەنزاراندا:
بێ گوێدانە کیسەڵ لێی دەخەوێت.
کە جلە مغاویلییەکەی دەبینم:
ڕێک لەو کەسە دەچێت، بە نێوی پێشمەرگەوە
لەسەر کورسی دەخەوێت!

 

-٢-
دایناسۆڕ، گوتی
من ملیۆنان ساڵ دەبێت هەم و، 
بە مێزۆپۆتامیادا هاتم و، 
کەچی ئاساوەرێکیشم لە کوردستاندا نییە.
خێرە، ئێسکوپرووسکی مرۆڤێکتان هەیە:
کردۆتانە فیرعەون و،
گەرچی لەو ناوچەیە بترازێ، بوونیشی نییە!

-٣-

کیسەڵ و مەیموون، گفتوگۆیان بوو لەگەل مە، دەیانگوت:
من بە خشۆکی جیهانیان پێ بەخشیم و، فێری فڕین نەبووم.
کەچی هەموو دونیا چاوی بڕیوەتە تەمەنم.
مەیموونیش، کەڵپەکەی گڕ کردن و، گوتی:
بەو هەڵەبەزودابەزەی من قەڵسن و،
داروینیشیان لێ بە نەفرەت کردم.
کەچی ئێوە غیرەتتان نییە:
شەقێک دە کورسییەکەی ئەم قەزەمە هەڵبدەن و،
یەکێ بڵێ: من دژی دیکتاتۆرییم!

 

 

گەڕان بۆ بابەت