چیرۆک
ئاڵا محەممەدزادە
کوڕە بە چاوە زەقەکانی لە کچە ئەڕوانێت. دەم پان ئەکاتەوە و، پێئەکەنێت. دیانە چەپ و چیڕ و کرمۆڵەکانی هەمووی دەرئەکەون. کچە چاو دائەخات. سەیری دەستە ڕەش و پیسەکانی کوڕە ئەکات کە گرێیەکی تر لە کەژ ئەدات سەری کەژەکە ئەگرێت مریشکە حەوائەدات؛ مریشک باڵ لێ ئەدات و دورئەکەوێتەوە. لە ناکاو کەژ ئەیکشێنێتەوە بۆ دووایەوە... بۆ بەردەمی؛ کوڕە بە قاقاکێشان خۆی بە پشتدا ئەخات.
- توضیحات
- بازدید: 76
فەڕۆخ نێعمەتپوور
کتوپڕ دەنگی قریوەی منداڵ هاتەگوێی. چووە سەر تەنیشت و بەلای چەپی خۆیدا رووانی. بنەماڵەیەک لەولاترەوە بۆ سەیران هاتبوون. سەماوەر و نان و چا. گوڵەبەڕۆژەیش. سێ منداڵ بەشوێن یەکتردا هەڵدەهاتن و ئاوێزانی یەکتر دەبوون. دایکیان زووزوو دەنگی دەدان. بزەیەک هاتە سەر لێوانی. هەستی بە برسیەتییەکی سەیرکرد. هاتەوە بیری لە نان و ماستەکەی کانی خانەوە هیچی نەخواردبوو. تەنانەت جگەرەیشی نەکێشابوو. تەح لەم هەموو غیرەتە! ئەمەی گوت و، ئازا رابووە سەرپێ.
- توضیحات
- بازدید: 102
وەرگـێڕانی: رەزا شـوان
خۆر که لە پشتی په‌ڵه هه‌ورێکه‌وە بوو، گوێی له هه‌موو قسه‌کانی په‌پووله بچکـۆله‌کان بوو. له دڵسوزی و خۆشه‌ویستی هـاوڕێتی گیانی به گیانیان تێگه‌یـشـت. بۆیه له نێـوان هـه‌ورەکه‌‌وە، به زەردەخـه‌نه‌یەکی ناسکه‌وە، دەموچـاوی دەرخست. پاڵی به هه‌ورەکه‌وە نا و دووری خسته‌وە و بارانه‌که‌ی وەستانـد. تیشکه‌کانی بۆ گـوڵـزارەکه نارد. به په‌لکه زێـڕینـه‌ی حـه‌وت رەنگـیش ئاسمانی رازانـدەوە.
- توضیحات
- بازدید: 120
فەڕۆخ نێعمەتپوور
بەڵام لەلایەکی ترەوە ئاگری حەزی چوونە حەج هەروا لە دەروونیدا نێڵی دەدا و، بەرز بەرز دەکشا. هەستێکی دەروونی پێی دەگوت ئەو پێویستی بەمەیە. ئەو دەبا بچێتە زیارەتی ماڵی خودا و لە نزیکەوە داوای بەخشش و لێبوردنی لێبکا. بەخشش و لێبوردن لەوەی وا بە بۆچوونی خۆی نەیکردبوو، بەڵام بە قسەی خەڵکی کردبووی! ئەو پێویستی بە دەنگی خوا بوو، بە هەناسەی و بە ودمی میهرەبانییەکەی... لە نزیکی نزیکەوە. ئەو دەبووایە نەهێڵێ دەنگی خەڵکی بگاتە خوا. بە خۆی گوت چی دەبوو وەک ساڵی ساڵان بە سواری کەر و وشتر و بارگینەوە بچووایە بۆ حەج. تەیارەی چی و شتی چی. داخۆ بە سواری وڵاغ باشتر هەستی بە خاکی موقەددەسی عەرەبستان نەدەکرد و، زیاتر بۆن و بەرامەکەی نەدەڕژایە ناوگیانییەوە. بێگومان بەم شێوەیە دەرفەتێکی زیاتری بۆ رازونیاز لە گەڵ خودای دلۆڤان دەبوو.
- توضیحات
- بازدید: 100
فەڕۆخ نێعمەتپوور
مامە کە لە وێنەگرییەکە هاتەدەر، هەستی بە برسییەتی کرد. دەیزانی لەوبەر جادەکە هێلکەی کوڵیو دەفرۆشن. بەتەمای هێلکە ویستی لە جادەکە بپەڕێتەوە، بەڵام کاتی نەبوو. دەبووایە چاوەڕوان بایە. بە خۆی گوت زۆر ناخایەنێ. بەڵام خایاندی. کاروانەکە بە زەحمەت تێدەپەڕی. بگرە راوەستابوو. هۆکارەکەیشی ئەوە بوو کە لەوسەری جادەکە کاکی مەسئول کتوپڕ بڕیاری دابوو لە سەیارەکەی بێتە دەرەوە و بە بوونی خۆی لەناو جەماوەردا، خەڵکی تووش سەرسووڕمان بکا. لەپڕ بوو بە قریوەیەک نەبێتەوە. چەکدارەکان، جگە لەوانەی وا بە 'بی کە سی' بەسەر تاقی ماشینەکانەوە مابوونەوە، هەر هەموویان دابەزین.
- توضیحات
- بازدید: 111
فەڕۆخ نێعمەتپوور
ئەوەی وا منداڵترە، دەستی دەکا بە کەپری چاوەکانی و هەوڵدەدا تا چاو بڕدەکا لە دیمەنەکەی بەردەمی خۆی بڕوانێ. یەکەم جارە دەگاتە ئێرە و لێرەوە سەیری سروشت دەکا. هەموو شتێک چەند کتوپڕ جۆرێکی تری لێدێت. بێکۆتایی وەک رۆحێکی سامناک و لە هەمان کاتدا سەرنجڕاکێش بە دەروونیدا دەچێتەخوارەوە. ئەوی تر دەڵێ چۆنە، ها پێت چۆنە… خۆش نیە… جوان نیە؟ ئەم جارێکی تر چاو بە دیمەنە بێکۆتاییەکەدا دەگێڕێتەوە. ئەوسا بێ ئەوەی جواب بداتەوە تەنیا لێی دەڕوانێ. ئەویش کە وەک بڵێی بۆی گرینگ نەبووە وەڵامی بدەنەوە یان نا، بە دەنگی بەرز دەڵێ مەحشەرە… مەحشەر! من کە قەت لێی تێرنابم! گەر بە من بێت هەر ئا لێرە لەسەر ئەم بڵینداییە خانوویەک درووستدەکەم و، بۆ هەمیشە لێرە دەژیم. چی لەمە خۆشتر!
- توضیحات
- بازدید: 119
فەڕۆخ نێعمەتپوور
حەمامەکە هەر هەمان بوو. لە حەوت رۆژی حەفتەدا شەشی هی پیاوان بوو و، رۆژێکیش بۆ ژنان. چەند خەڵوەت دەهاتە بەرچاو. نە دەنگی قاو و قیژ و، نە تەقە و رەقەی جامۆڵکە و، نە شڵپ و هووڕی بێ پسانەوەی ئاو. تەنیا مشت و ماڵی کیسەکێشەکە جاروبارە کە دەیکێشا بە شانی مشتەرییەکەیدا دەنگی دەدایەوە. منداڵیش نەدەبینرا. کیسەکێشەکە، کە زۆر میهرەبانانە لەگەڵ باوکم دەدوا، هەر دووکمانی شۆرد. پاشان لە نمرەیەکدا ئاومان بە خۆماندا کرد. لە کۆتاییدا حەمامچییەکە دوو فۆتەی بۆ باوکم هێناو، خاولییەکیش بۆ من. فۆتەیەک بە شانیدا و ئەوی تریش بە ناو قەدیدا. من کە یەکەم جار بوو ئەو هەموو جەستە رووتەی پیاوانم دەبینی، لە تەواوی ماوەی حەمامەکەدا تەنیا لەوانم دەڕوانی و زۆر ئاگام لە شتی تر نەبوو. حەمامی پیاوان چەند بێدەنگ و جەستەیشیان چەند تووکناوی و ناشیرین دەینواند!
- توضیحات
- بازدید: 112
فەڕۆخ نێعمەتپوور
لەم شارە، لە جادەی مەحکمەوە کۆڵانێکە دەچێتەوە سەر دارەسووتاوەکە. ئەو کۆڵانەی من لام وایە هەتاهەتایە دەمێنێتەوە و، دەستی هیچ نەقشە و پلانی بیناسازییەکی نوێ نایگاتێ. تەنیا بەو هۆیە کە ناوەندی شارە. کۆڵانێکی یەکجار قەرەباڵغ و تێکچڕژاو کە تیایا بۆنی هەرچی شمەکی دونیایە دێ،... هەر لە دۆشاو و لەفە و بەهاراتەوە بگرە تا بۆنی ئۆدکۆلۆنی هەرزان بایی، نانی گەرم، سەموون، هێلکەی کوڵاو، چێشتخانە و کۆنەفرۆشی. بۆنی چڵکاویش دێ. تەنیا ئەوەندەی سەرت دابخەی و لە بەر پێی خۆت بڕوانی. بگرە بۆنی ناوگەڵی ئەو سۆزانییانەیش وا لە پەناوپەسێوی شاراوەی دووکانەکاندا، بەتایبەت کۆنەفرۆشییەکاندا، خەریکی پەیداکردنی رزقی خۆیانن. ئەو رزقەی خوا بە جۆرێکی تر بەوانی دەگەیەنێ.
- توضیحات
- بازدید: 116
ناسر جەعفەری
وتی: "بێ قەزابی، تۆ هەمووکات وا بووی. باشە بۆچی ئاوا ڕووگرژی؟ خوت ئەزانی هەمومان ماڵی مەرگین و، ئەبێ رۆژێک خۆڵی ئەم قەبرستانە بکرێ بەسەرمانا! سەرهەلێنە و، روخساری جوانی ئەو دەشتە سەرسەوزە ببینە و بیکە بە میوانی چاوە فرمێسکاویەکانت!" دەسڕە کاغەزیکەی ناو دەستی دامێ و، وتی: "ها، فرمێسکەکانت بسڕە، پێم خۆش نیە چاوە جوان و بە سوزەکانی کوڕەکەم ئاوا سوور و فرمێسکاوی ببینم."
- توضیحات
- بازدید: 131
موحسین ئەمینزادە
خو باش دەزانم هاوپۆلەکانم و منداڵانی گەڕەک لەو شەوەدا کاتی هەڵات هەڵات ڕەنگە هەر کامەیان بەرەو شوێنێک، بە گوێرەی توانا و دارایی خۆێان، دەرچووبن. ئەو چی؟ ئەو بە بێ باوک خۆی و بنەماڵەکەی گەر جێ نەمابن، لەو بارودۆخەدا زیندوو مابێتەوە، ئەویش وەک من، لە گێژاوی چارەنووس گێژ نەخواتەوە. ئەویش وەک من بووەتە دیلی هەڵەکان، هەڵەی ئەوکەسانەی کە باوکم و ماموستای کۆمەلایەتی زۆر جار باسیان دەکردن و، دەیانوت: ئەوانە تەنیا بەشوێن بەرژەوەندی خۆیاندا دەگەڕێن. هەرچەند دایکم زۆر جار لەسەر ئەم بابەتە بە دوای تماشای کاناڵی سەتەلایتی، دەمەدەمەی باوکمی دەکردوو وەک دۆست هیچیان دانیان پێدا نەدەهێنان.
- توضیحات
- بازدید: 149
