شرۆڤە
فەڕۆخ نێعمەتپوور
ئێمە دەنووسین لەبەر ئەوەی بۆ خۆمانی بسەلمێنینەوە کە ئێمەی مرۆڤ سەرەڕای شوێنە جیاوازەکانی ژیانمان و هەبوونی کلتوری جۆراوجۆر زۆر لە یەکتر دەچین. نووسین دۆزینەوەی خەسڵەتە هاوبەشەکانە سەرەرای جیاوازییەکانمان. ئەو خەسڵەتە هاوبەشانەی وا لە رێگای جیاوازییەکانەوە خۆیان دەنوێننەوە!
- توضیحات
- بازدید: 678
فەڕۆخ نێعمەتپوور
بەرنگاری و گۆڕان ئەو دوو هێڵە سەرەکییەن وا رووداوەکان بە دەوری ئەواندا خۆیان دەتەنن. بە بێ ئەوان هیچ چیرۆکێک بوونی نیە. ئێمە دەنووسین لەبەر ئەوەی بیری خۆمانی بێنینەوە تەنیا لەم دوو بوارەدایە وزەکانی مرۆڤ ئازاددەبن و رێگای خۆیان بۆ خۆخەمڵاندن و خۆسەلماندن پەیدادەکەن.
- توضیحات
- بازدید: 664
فەڕۆخ نێعمەتپوور
نووسەر دەنووسێ لەبەر ئەوەی دەیەوێ ئەم حەقیقەتە هەمیشەییە پیشانبدات کە گەمەی نێوان هۆکارە دەروونی و دەرەکییەکانی چێکردنی کەسایەتی ئێمە گەمەیەکی یەکجار ئاڵۆزە و تەنیا لە رێگای گێڕانەوەوەیە دەتوانین سەرەداوەکانیان یەک بخەینەوە. نووسین، تۆمارکردنی مێژووی کاراکتێرەکانە، نوواندنەوەی خەسڵەتە کاراکتێرییەکانە لە رەوتی بزۆزی ژیاندا.
- توضیحات
- بازدید: 816
فەڕۆخ نێعمەتپوور
نووسین وێناکردنەوەی رابردوو و داهاتووە لە ئاست مەرگێکدا کە داهاتووی لەخۆی گرتووە. دەنووسین بۆ ئەوەی ئەژدیهای مەرگ بۆ هەمیشە ژیان و رووداوەکانی قووت نەدا. دەنووسین بۆ ئەوەی دەمانەوێ سەرەڕای مردنمان، ژیان جێنەهێڵین و بەردەوام لەگەڵ مرۆڤەکان بدوێینەوە و پێیان بڵێین دڵمان هەر لای ژیان و لای ئەوانە.
- توضیحات
- بازدید: 697
فەڕۆخ نێعمەتپوور
دەنووسین لەبەر ئەوەی بە هۆی ژیانەوە و بەهۆی دووری و تێپەڕینەکانەوە لێواولێوی نۆستالۆژیاین. نووسین فڕین بە ناو مەوداکان و بە ناو لێڵییەکاندایە. دووبارە ژیاندنەوەی رابردووە. هەستکردنەوە بەو کاتانەیە وا ژیاین و بەڵام دیسانەوە دەمانەوێ هەستیان پێبکەینەوە و بەجۆرێک تیایانا بژینەوە؛ رەنگە لەبەر ئەوەی کاتی خۆی جوان هەستمان پێنەکردن.
- توضیحات
- بازدید: 632
فەڕۆخ نێعمەتپوور
مەرج نیە کاراکتێری دەق کاری گەورە ئەنجام بدات و دەق گێڕانەوەی ئەم کارە گەورەیە بێت. کاراکتێری دەق لە رێگای ئەو کاریگەرییەوە لە زەینی خوێنەردا جێیدێڵێ، دەبێ بە قارەمان. چونکە خەسڵەتێک لە کاراکتێرەکەدا بەرجەستەیە و ئێمە ئەم بەرجەستەبوونە لە رێگای خوێندنەوەوە ئەزمووندەکەین.
- توضیحات
- بازدید: 587
فەڕۆخ نێعمەتپوور
لە رێگای نووسینەوە ئێمە جۆری کارتێکەرییەکانی ژینگە لە سەر مرۆڤ و مرۆڤ لەسەر ژینگە دەنوێنینەوە. رەنگە بە نیشاندانی وێرانیی ژینگە دەتوانین نیشانی بدەین کە مرۆڤ سەرەڕای سەرکەوتنە رواڵەتیەکانی چەندە لە راستیدا بۆخۆیشی وێران بووە. شەڕەکان راستەوخۆترینی ئەو رووداوانەن وا پێکەوە هەم وێرانی سروشت نیشاندەدەن و هەم وێرانیی مرۆڤ.
- توضیحات
- بازدید: 581
فەڕۆخ نێعمەتپوور
ئێمە دەنووسین چونکە نووسین ئاوردانەوەیە لە لوکاڵ و پێناسەکردنەوەیەتی لە رەوتێکی بێکۆتاییدا. هەروەها نووسین تێپەڕاندنی لوکاڵ و بەلوکاڵ کردنی جیهانەکانی تری دەرەوەی لوکاڵە. بەم پێیە نووسین بەلوکاڵ کردنی هەموو جیهانە، جا چ لە ناو جیهانی فیزیکیدا و چ لە ناو جیهانی دەروونیدا.
- توضیحات
- بازدید: 561
فەڕۆخ نێعمەتپوور
ئێمە دەنووسین لەبەر ئەوەی پیشانی بدەین جیهانی دەرەوەی ئێمە دەکرێ زۆر لەوەی هەیە جۆراوجۆرتر و فرەچەشنتر بێت. نووسین ئازادکردنی تەمومژی رۆحی ئێمەیە بە تەمای دۆزینەوەی جیهانەکانی تر لە گەمەیەکی هەستیارانە و ئپیسمتۆلۆژیدا.
- توضیحات
- بازدید: 589
فەڕۆخ نێعمەتپوور
بە بێ بیرەوەری نووسین لەدایکنابێ. بیرەوەری منداڵدانی نووسینە. بەڵام خودی بیرەوەریش بە تەنیا بریتی نیە و ناتوانی بریتی بێت لە دەقیكی ئەدەبی. بیرەوەری تەنیا ماددەیەکی خاو و کاڵە بەدەستمانەوە. دەبێ کاری لەسەر بکرێ. دەبێ پیایا بگەڕێین و گوڵبژێری بکەین و وەهایان لەپاڵ یەکتردا دابنێین بتوانین مانای دەق ئاسای لێ دەربهێنین.
- توضیحات
- بازدید: 492
