فەڕۆخ نێعمەتپوور
هیچ گۆڕانێک لە دونیای سیاسەتدا بێ منەت لە جۆرێک لە فەلسەفە نیە. خەونە گەورە و بچوکە سیاسییەکان کە بیر لە گۆڕان دەکەنەوە، هەر هەموویان پشت ئەستوورن بە فەلسەفە. گەر دەمانەوێ بزانین رەوتێکی دیاری سیاسی تا چەندە حەزی بە گۆڕانە و بە راستی پلانی هەیە بۆی، دەبێ بزانین پشت ئەستوور بە چ فەلسەفەیەکە و فەلسەفە تا چ رادەیەک لە پلان و قسە و کرداریاندا رەنگ دەداتەوە.
و: نەژاد عزیز سورمێ
هەمیشە سبەی هەیە و ژیان هەلمان دەداتێ كاری چاتر بكەین، بەڵام ئەگەر من هەڵەبم و ئەمڕۆ دوا ڕۆژم بێ، پێم خۆشە بڵێم خۆشم دەوێی، هەرگیز لەبیرت ناكەم ، چونكە سبەی بۆ گەنج و پیر مسۆگەر نییە، ڕەنگە ئەمڕۆ دواجار بێ ئەوانە ببینی خۆشت دەوێن.
سۆران محه‌مه‌د
چەند خۆشە بە دڵشکاوی ماڵئاوایی نەکەین، دنیا زوویرەکان ئاشتبکەینەوە، ئەوسا هەمیشە یادەوەریەکان هیوایەکمان بەبەردا دەهێننەوە، ئاسوودەییەکمان پێ دەبەخشن، وەك ئەوەی بەشێك لە گیانمان لەو جێیانە جێهێلابێت بۆ موتابەعەی گۆڕانکاریەکان تیایاندا، پرسینی هەواڵی ئەزیزان و جۆرێک لە ژیان لەگەڵیاندا.
رەسوڵ سەفەریانی
عاموز عوز نووسەری لیبراڵی ئیسرائیلی تەواوی تەمەنی پشتگیری لە ئیدەی دوو دەوڵەت بۆ حەلی کێشی ئیسرائیل و فەلەستین کرد. هەر بەو بۆنەوە لە نێۆ ئیسرائیل لە لایەن توندرەوەکانی ئیسرائیلەوە بە خائن ناویان دەبرد و لە دەرەوەی ئیسرائیلیش تەنیا لە لایەن کەسانی لیبراڵ و واقێع بینەوە گوێی لێدەگیرا.
رەسوڵ سەفەریانی
ئەمڕۆ رۆژئاوا دەیەوێت ئاگر بفرۆشێت و درگاکەی خۆی دابخات بەڕۆی گڕتێکەوتوەکاندا. هەموو ئەو چەکانەی لە رۆژهەڵاتی نێوەڕاست خەڵکی پێدەکوژرێت یان ماڵوێڕان دەبێت دروستکراوی رۆژئاوان و بە خەڵات دراونەتە دەست پیاوکوژان، بەڵام لێرەشەوە باس لەوەدەکرێت کە چۆن دیوارەکانی خۆیان بەرزکەنەوە با پرشەی ئاگر و قیژەی سوتاوەکان نەکەوێتە ماڵی خۆیان.
هاوڕێ نەهرۆ
نوینەرانی (ئەکەپە) گوتارەکانیان چەواشەکاریە. بۆ نموونە یەکێ لە لیپرسراوانی دەڵێ ئەردوغان خوای ئێمەیە. یان ئەوەی دەنگ بە ئەکەپە بدات دەچێتە بەهەشت. لە پروپاگەندەکردن بۆ هەڵبژاردنەکانی شارەوانی بەنی عەلی یلدریم چووە دیاربەکر و دیاربەکری بە کوردستان ناوزەدکرد تاوەکو دەنگی کوردەکان دەستەبەربکا.
رزگار لوتفی
ئێمەی رۆژهەڵاتی بە گشتی و کورد بە تایبەتی، تا ئاسۆکانمان بەربڵاو نەکەین و نیگامان نەبەینە دەرەوە و لەوێوە خۆمان (نە بۆ دەروونمان) نەبینین ئەستەمە لەم دۆخەی ئێستامان دەرباز بین و لە بەرخۆری رزگارمان بێت؛ واتە دەبێ ژاپۆنیانە لە دەرەوەی هەسارەکەمانەوە بڕوانینە گۆی زەوی و پاشان کیشوەرە(قارە)کەمان و دواتر ناوچەکەو، ئەمجا ژینگەی دەروبەرمان، تا ئەوەی وا هەست نەکەین تەنها ئەم جوغرافیا بچووکەی ئێمە لە جیهاندا هەیە.
لالە ئەحمەد
دیموکراسى و دیموکراسى پەڕلەمانى هاوتایە لەگەڵ دەوڵەتى چینایەتى، کارى بەسەر ماهیەت و کارکردى دەوڵەتەوە نییە و هاوتا نییە بە یەکسانى و ئازادى. لە یۆنانى بەر لە زایین پەڕلەمان و دەوڵەتى دیموکراسى پەڕلەمانى هەبوو، بەڵام ژنان و کۆیلەکان بۆیان نەبوو نەخۆیان بەربژێر بکەن و نەدەنگیش بدەن، مافى دەنگدان و خۆ کاندیدکردن تا نزیک بە ناوەڕاستەکانى سەدەى بیست لە هەندێک وڵاتى ئەوروپى خاوەن پەڕلەمان و دیموکراسى لیبڕاڵانە بە نان نەدرابوو، دواییش کە مافیان پێدرا بە خەباتى ژنان و پیاوانى ئازادىخوازبوو نەک بەخشیشی دیموکراسى لیبڕاڵی و پەڕلەمانى. لە هەر کوێ دیموکراسى پەڕلەمانى و لیبڕاڵى هەبوو نایەکسانى و نادادپەروەرى هەیە. کۆمەڵگاى سەرمایەدارى و کۆمەڵگەى چینایەتى هەیە. هەر لە بەر ئەوە ((دیموکراسى چوارچێوەیەکى یاساییە بۆ پرۆسەى بڕیاردان نەک شێواز و پێوەرێک بۆ ناوەڕۆکى خودى بڕیارەکان)).
فەڕۆخ نێعمەتپوور
لەو وڵاتانەی ئەم دەرفەتە نیە، رەخنەکان شەخسی دەبنەوە و دەگەنە ئاستی سووکایەتی کردن بە کەسەکان و بگرە بە گیانبەختکردووان و مردووەکانیش. کەواتە رەخنەگرتن لە بیری شەهیدان، پاراستنی کەرامەتی ئینسانیی ئەوانیشە. رەخنە و جۆراوجۆر دیتن، شاڕای ئاسوودەییە. رنگە هەر بەو رادەیەیش بەربەستێک بۆ کوژرانی زیاتری خەڵکی.
شاهۆ حەسەنپوور
لە کاتی دیالۆگدا دەبێ ئاگامان لەوە بێ کە مامۆستا بەڕێوەبەرێکی باش بێ و هەوڵ بدا کۆبوونەوەکە بەڕێوە بەرێ و هاوکات بۆ خۆی لە دەرەوەی مووناقشەکە بێت و لە منداڵەکان بگەرێت سەربەستانە قسەکانیان بکەن. دیارە ئەوە بەو مانایە نیە کە مامۆستاکە دەخرێتە پەراوێزەوە.
شاهۆ حەسەنپوور
گرمەی لەناکاوی فرۆکەیەک دارچێوەکەی ڕاتڵەکاند و پیاوەکەی هێنایەوە سەرخۆی. دەنگی چەند تەقینەوە لە دوورەوە هاتن. دوو تەقینەوە زۆر نزیک بوون. دارچێوەکە ڕاتڵەکایەوە.
