محەمەد محەمەدمرادی

لە وەرگێڕانی ئەم وتارە بۆمان دەردەکەوێ کە پێشڕەو چەندە فارسی دەزانێ. ڕەنگە لە وەرگێڕانی ڕستەگەلی سادە و هەواڵیدا بێکێشە بێت بەڵام هەرکە بگات بە ڕستەیەکی بڕێک ئاڵۆز یاخود ئیدیۆم و دەستەواژەیەکی لێکدراو ئیتر سەری لێدەشێوێت.

 

ڕۆشنبیریی کوردی، بوارێکی لەبار بۆ شاڕڵاتانیزم (٢)

"پێشڕەو محەمەد: نووسەر و وەرگێڕی لاو یان دزی ئەدەبیو شاڕڵاتانیکی تەواو؟"

محەمەد محەمەدمرادی

[بەشی دووەم]

ئەم وتارە درێژە و بەشی دووەمی وتارێکە کە پێشتر بەشی یەکەمی بڵاو کراوەتەوە. لە بەشی یەکەمدا بیست کتێب و بیست و سێ وتاری پێشڕەو محەمەدم تاوتوێ کرد و هەروەها چەند قۆناغی جۆربەجۆر کە پێشڕەو کاریگەریی لێیان وەرگرتووە و ئەوەی کە پێشڕەو بەهیچ شێوە لە قووڵایی فکر و ئەندێشەی خۆیەوە تەنانەت وتارێکی وەرنەگێڕاوە.

بەڵام لێرە بەولاوە پێشڕەو دەچێتە فازێکی سەیروسەمەڕەترەوە. پێشڕەو لەدوای تێپەڕاندنی ئەو قۆناغانە، کەسێکی ئێرانی دەناسێ بە ناوی ئارام نەوبەخت، لێرەدا کارمان بەوە نییە کە ئارام نەوبەخت کێیە و ئاراستەی چالاکییەکانی بەرەو کوێ دەچێ بەڵام وەک دیارە پێشڕەو یەکجار زۆر موعجیبی ئەم کوڕە ئێرانییە دەبێت و هەوڵێکی حیماسی دەدات چ لەباری فکری و چ لەباری ڕەفتارناسییەوە بەتەواوی خۆی لەگەڵی هاویەک بکات. ئارام جگە لە چەندین تریبۆن کە بابەتەکانی تێدا بڵاو دەکاتەوە پەیجێکی فەیسبووکیشی لەبەردەستدایە بەناوی ترۆتسکی، کە پێشڕەویش لە دوای ناسینی ئارام پەیجێک بەو ناوەوە دروست دەکات و ڕێک هەمان ناوەڕۆکی پەیجە فارسییەکەی تێدا بڵاو دەکاتەوە. ئارام نەوبەخت تا ئەو شوێنەی بۆم دەرکەوتووە ناوێکی خوازراوە کە بەهۆی کێشەی ئەمنی و مەترسیی گیانییەوە هەڵبژێردراوە و لە ئەساسدا کاسایەتییەکی حەقیقیی بەو ناوە بوونی نییە و لێرەدا پێشڕەو بووەتە کۆیلەی ناوێکی خوازراو کە ئەمەش شتێکی تازە نییە، بەداخەوە لە ڕۆشنبیرانی کورددا نموونەی تریشمان زۆرن کە نەک وەرگێڕ یان هاوبیر و هاوفکر بەڵکوو کۆیلەی فارسەکانن، بەڵام پێشڕەو زۆر ناشییانە هەوڵ دەدات ئەم کۆیلایەتییە بشارێتەوە و حاشای لێبکات کە ئیتر ئەمە کۆیلایەتی تێدەپەڕێنێت و دەچێتە خانەی شاڕڵاتانیزم و دزیی ئەدەبییەوە. بەڵام خۆشبەختانە ئەمڕۆکە ئێمە لە سەردەمێکدا دەژین کە زۆر بە ئاسانی و بە چەند سێرچێکی سادە ئەم دزی و کۆیلایەتییە ئاشکرا دەبێت.

٢٤ـ پەیجی تروتسکی:
لینکی فارسی:
https://www.facebook.com/Torotsky

لینکی کوردی: https://www.facebook.com/kant.hegel.39/posts/941261892687294

 

٢٥ـ وتاری «لینین، ترۆتسكی و ئەنتەرناسیۆنالیزم» پۆڵ داماتۆ. ئارام نەوبەخت July 24, 2016 ئەم وتارە وەردەگێڕێت بۆ فارسی و لە فەیسبووکی خۆی دایدەنێت، پێشڕەو دوو ڕۆژ دوای ئەو واتە July 26, 2016 هەمان وتار دەکات بە کوردی و ڕێک وەکوو ئارام لە فەیسبووکەکەی دایدەنێت.

لینکی فارسی: https://www.facebook.com/aram.nobakht.archive/posts/1763223890558702:0

لینکی کوردی: https://www.facebook.com/kant.hegel.39/posts/937170489763101

 

٢٦ـ وتاری «ئەلفوبێی ماتریالیزمی دیالەكتیكی»، لیۆن ترۆتسكی. ئارام نەوبەخت ئەم وتارە دەکات بە فارسی و لە پەیجی تروتسکیی فارسی دایدەنێت، پێشڕەویش بە چاولێکەری لە تیپ ئایدیاڵەکەی هەمان کار دەکات بە کوردی و لە پەیجی ترۆتسکیی کوردی دایدەنێت.
لینکی فارسی:
https://goo.gl/VDuCP1

لینکی کوردی: https://www.facebook.com/kant.hegel.39/posts/941888752624608

 

٢٧ـ وتاری «پروپاگەندەى دژەئایینی»، لیۆن ترۆتسكی. ئارام نەوبەخت ئەم وتارە دەکات بە فارسی و لە پەیجی تروتسکیی فارسی دایدەنێت، پێشڕەویش بە چاولێکەری لە ئارام هەمان کار دەکات بە کوردی و لە پەیجی ترۆتسکیی کوردی دایدەنێت.

لینکی فارسی: https://goo.gl/tULlV5

لینکی کوردی: https://goo.gl/ualT0t

 

٢٨ـ وتاری «ڕۆڵ و نەخشی من لە شۆڕشی ئۆكتۆبەردا»، لیۆن ترۆتسكی. ئارام نەوبەخت ئەم وتارە دەکات بە فارسی، پێشڕەویش دەیکات بە کوردی.

لینکی فارسی: https://goo.gl/5UlXzk

لینکی کوردی: https://goo.gl/oELv7V

 

٢٩ـ  وتاری «حەفتاوشەشەمین ساڵیادی تیرۆركردنی لیۆن ترۆتسكی»، جۆزێف كیشور. ئەم بابەتە بەبۆنەی حەفتاو پێنجەمین ساڵیادی تێرۆری ترۆتسکییەوە نووسراوە و ئارام نەوبەخت کردوویە بە فارسی. بەڵام ئارام نەوبەخت بەبۆنەی حەفتاوشەشەمین ساڵیادی تێرۆری ترۆتسکییەوە خۆی وتارێکی جیاواز دەنووسێ. لەم نێوانەدا پێشڕەو سەری لێدەشێوێت و بابەتەکەی جۆزێف کیشوەر کە بەبۆنەی حەفتاو پێنجەمین ساڵیادەوە نووسراوە دەکات بە کوردی و ناونیشانەکەی بە هەڵە دادەنێت. واتە دەنووسێ «حەفتاوشەشەمین ساڵیادی تیرۆركردنی لیۆن ترۆتسكی» کە لەڕاستیدا ناونیشانی وتارەکەی ئارام نەوبەختە نەک ئەو وتارەی وەریگێڕاوە. لێرەدا و بە نێوەنجیی ئەم شپرزکارییەی پێشڕەو بۆمان دەردەکەوێ کە ئەم برادەرە لە پێگەی وەرگێڕدا ئەساسەن دەتوانێ چەندە بڕواپێنەکراو بێت! تەنانەت لە دزیکردنیشدا زۆر سادە و ساکار ڕەفتار دەکات و زۆر خێرا گێژ و حۆل دەبێت و شتەکان تێکەڵ دەکات.  

لینکی فارسیی بابەتەکەی جۆزێف کیشوەر: http://militaant.com/?p=5807

 لینکی فارسیی وتارەکەی نەوبەخت: https://goo.gl/bKMiQ3

لینکی کوردیی وەرگێڕانەکەی پێشڕەو: https://goo.gl/rXceqj

 

٣٠ـ وتاری «لەبەردەم دەروازەى شۆڕشێكدا»، لیۆن ترۆتسكی. ئەو وتارە ئارام نەوبەخت کردوویە بە فارسی. پێشڕەویش کردوویە بە کوردی.

لینکی فارسی: https://goo.gl/Yk7Zrz

لینکی کوردی: https://www.facebook.com/kant.hegel.39/posts/973136609499822

 

٣١ـ وتاری «شورا و شۆڕش (1907 – پەنجا ڕۆژە)»، لیۆن ترۆتسكی. ئەو وتارە ئارام نەوبەخت کردوویە بە فارسی. پێشڕەویش کردوویە بە کوردی.

لینکی فارسی: https://goo.gl/aLbKIX

لینکی کوردی: https://www.facebook.com/kant.hegel.39/posts/974976842649132

 

٣٢ـ وتاری «میراتی میڵتۆن فریدمەن: شێتیی بازاڕی ئازاد»، كریس هارمەن. ئەم وتارە ئارام نەوبەخت کردوویە بە فارسی. پێشڕەویش کردوویە بە کوردی. ئەڵبەت ئەم وتارە بەشێکە لە نامیلکەیەکی کریس هارمەن بە ناونیشانی  «میلتون فریدمن: نگاهی به کارنامۀ یک جنایتکار اقتصادی» کە ئارام کۆی نامیلکەکەی وەرگێڕاوە و لێرەدا تەنها بەشێکی بچووکی لە فەیسبووکەکەیدا داناوە و پێشڕەو دەقاودەق هەر ئەو بەشە بچووکەی کردووە بە کوردی.

لینکی کورتکراوەی بابەتەکە بە فارسی: https://goo.gl/62VQ4p

لینکی کورتکراوەی بابەتەکە بە کوردی: https://goo.gl/aeJs0u

لینکی کۆی نامیلکەکە بە فارسی: https://goo.gl/lxELHZ

 

٣٣ـ وتاری «مەبەست لە "چینی كرێكار" چییە؟»، پۆڵ داماتۆ. ئەم وتارە ئارام نەوبەخت کردوویە بە فارسی. پێشڕەویش کردوویە بە کوردی.

لینکی فارسی: https://www.facebook.com/aram.nobakht.archive/posts/1692065064341252:0

لینکی کوردی: https://goo.gl/cNBT9J

 

٣٤ـ وتاری «چەند ئایدیایەك دەربارەى ڕۆمانی مەزرای ئاژەڵان»، ئەندی فۆرد. ئەم وتارە October 2015 لە ماڵپەڕی SocialismToday بڵاو بۆتەوە. ئارامی نەوبەخت بەرواری  December 28, 2015 کردوویەتی بە فارسی و دواجار پێشڕەو ساڵێک دوای ئارام واتە بەرواری December 26, 2016 دەیکات بە کوردی. پێشڕەو دیسانەوە هەر لە ناونیشانەکەیەوە هەڵەی کردووە. ناونیشانی ئەم وتارە ئەمەیە  Revisiting Animal Farm واتە ئاوڕدانەوەیەکی دووبارە لە مەزرای ئاژەڵان ئیتر پێشڕەو چۆن کردوویە بە « چەند ئایدیایەك دەربارەى ڕۆمانی مەزرای ئاژەڵان » ئەبێ خۆی وەڵام بداتەوە.

لینکی ئینگلیزی: http://www.socialismtoday.org/192/orwell.html

لینکی فارسی: https://goo.gl/DCh4HH

لینکی کوردی: https://www.facebook.com/kant.hegel.39/posts/1054564604690355

 

٣٥ـ وتاری «چارلی. بەبیانووی 38 ساڵیادی كۆچی دوایی "چارلی چاپلین"، كۆمیدیكاری دیار و مەحبوبی چینی كرێكار» نایل مال هۆلەند. ئارام نەوبەخت December 26, 2015 ئەم وتارەی کردووە بە فارسی و پێشڕەو ساڵێک و دە ڕۆژ دواتر واتە January 4, 2017 کردوویە بە کوردی. بەڵام دیسان پێشڕەو بەهەڵەدا دەچێت و بۆمان دەردەکەوێ کە تەنانەت بۆ چێککردنێکی سادەی وتارەکەش بووبێت سەردانی دەقی سەرەکیی وتارەکەی نەکردووە.  دەقی سەرەکیی ئەم وتارە لە دوو ماڵپەڕدا بڵاو بووەتەوە کە لە هەردووکیاندا ناونیشانی سەرەکی ئەمەیە:  « Playing the underdog» کە ئارام نەوبەخت ئەم ناونیشانەی سڕیوەتەوە و بە دڵی خۆی ئەم ناونیشانەی بۆ داناوە: « به مناسبت سی و هشتمین سال درگذشت «چارلی چاپلین»، کمدین برجسته و محبوب طبقۀ کارگر, چارلی چاپلین» بەڵام پێشڕەو دیسان تێدەکەوێت هەر ئەم سەلیقەی ئارام نەوبەخت دەکاتەوە بە کوردی.

لینکی ئینگلیزی١: http://www.socialismtoday.org/191/chaplin.html

لینکی ئینگلیزی٢: http://www.socialistworld.net/doc/7442

لینکی فارسی: https://goo.gl/JG0ww4

لینکی کوردی: https://www.facebook.com/kant.hegel.39/posts/1061105617369587

 

٣٦ـ وتاری «كاڕڵ لیبكنیخت و ڕۆزا لۆكسمبۆرگ، (بەبۆنەى تیرۆركردنیانەوە)»، لیۆن ترۆتسكی. ئارام نەوبەخت January 12, 2016  کردوویە بە فارسی و پێشڕەو ڕێک ساڵێک دواتر واتە January 12, 2017 دەیکات بە کوردی.

لینکی فارسی: https://goo.gl/mpNRkA

لینکی کوردی: https://www.facebook.com/kant.hegel.39/posts/1069783973168418

 

٣٧ـ وتاری «هەڵبژاردنی دۆناڵد ترەمپ لە ڕوانگەى ئەوروپاوە»، ئەلێكس لانتیە. ئەم وتارە November 20, 2016 لە لایەن ئارام نەوبەخت کراوە بە فارسی، پێشڕەو January 28, 2017 کردوویە بە کوردی.

لینکی فارسی: https://www.facebook.com/aram.nobakht.archive/posts/1814928815388209:0

لینکی کوردی: https://www.facebook.com/kant.hegel.39/posts/1079582602188555

 

٣٨ـ وتاری «میراتی ئۆباما: جەنگ و سەركوت و نایەكسانیی»، جۆزێف كیشور. ئەم وتارە  January 10, 2017 لە ماڵپەڕی  wsws.orgدا بڵاو کراوەتەوە و ئارام نەوبەخت دەیکات بە فارسی و بەرواری  February 1, 2017 کاتژمێر 5:45pm  لە فەیسبووکی خۆیەوە بڵاوی دەکاتەوە. پێشڕەو هەر ئەم وتارە هەمان ڕۆژ کاتژمێر  10:31pm واتە پێنج ساعەت دوای ئارام دەکات بە کوردی و لە فەیسبووکی خۆیەوە بڵاوی دەکاتەوە. دیسان لێرەدا پێشڕەو دەیسەلمێنێت کە بەڕاستی نەک هەر ئینگلیزی و فارسیش نازانێ بەڵکوو تەنانەت پشکێکی کەم لە بەهرە و هۆش و زیرەکیشی بەرکەوتووە، دیسان لە کاتی دزییەکەیدا سەری لێ دەشێوێت، چونکە ئارام نەوبەخت نەک هەمووی وتارەکە بەڵکوو تەنها بەشێکی وەردەگێڕێت و بەشێکیشی خۆی پێی زیاد دەکات و ئاماژەشی بەوە داوە کە ئەم بابەتە «وەرگێڕان/تەلخیسە»، بەڵام پێشڕەو لەمە تێناگات و هەر ئەم «وەرگێڕان/تەلخیسە»ی ئارام نەوبەخت دەکات بە کوردی و بە ناوی وتاری جۆزێف کیشوەر بڵاوی دەکاتەوە. بۆ نموونە ئارام نەوبەخت لە کۆتایی بەشی دووەمی ئەم وتارەدا ئەم ڕستەیەی وەرنەگێڕاوە و پێشڕەویش بە هەمان شێوە:

Obama has expanded the militarization of police departments and intervened in court to uphold police abuses that violate the Constitution.

کە کوردییەکەی دەبێت بەمە: ئۆباما پەرەی دابوو بە میلیتاریزەکردنی دایرەکانی پۆلیس و لە کاری دادگەکاندا دەستێوەردانی دەکرد تاکوو پاڵپشتی بکات لە گەنەکەڵکوەرگرتنەکانی پۆلیس کە یاسای بنەڕەتیی پێشێل دەکرد.

لینکی ئینگلیزی: https://www.wsws.org/en/articles/2017/01/10/pers-j10.html

 لینکی فارسی: https://www.facebook.com/aram.nobakht.archive/posts/1851202251760865:0

لینکی کوردی: https://goo.gl/C55bRr

 

٣٩ـ وتاری «دەربارەى شۆڕشی ئەڵمانیا»، وتار بۆ كرێكارانی كانزای مۆسكۆ. لیۆن ترۆتسكی. ئارام نەوبەخت بەرواری February 15, 2015 ئەم وتارەی کردووە بە فارسی و پێشڕەو دوو ساڵ دواتر واتە بەرواری February 8, 2017 ئەم وتارەی کردووە بە کوردی.

 

فارسی: http://www.marxistsfr.org/farsi/archive/trotsky/works/1923/enghelab-alman.htm

کوردی: https://www.facebook.com/kant.hegel.39/posts/1087702608043221

 

٤٠ـ وتاری «دەبەنگ دەدوێت: سلاڤۆی ژیژەك تەئیدی دۆناڵد ترەمپ دەكات»، ئەندرە دامۆن. دیارە ئیتر پێشڕەو بە تەواوی ترازاوەتە ناو کۆیلایەتییەکی خۆویستانەوە، بەجۆرێک کە چاوەڕوانە ئارام نەوبەخت بە ئاستەم بکۆکێت و ئەو بیکاتەوە بە کوردی. ئەم وتارە بەرواری  November 9، 2016 لە ماڵپەڕی https://www.wsws.org دا بڵاو کراوەتەوە بەڵام پێشڕەو کاری پێی نییە و ڕەنگە هەر نەشزانێ ماڵپەڕێکی وا بوونی هەیە تاکوو ئارام نەوبەخت چوار مانگ دواتر واتە بەرواری February 9 at 12:01am ئەم وتارە دەکات بە فارسی و بڵاوی دەکاتەوە و پێشڕەو کەسێک نەزانێ دەڵێی چەکیان ناوە بەلای سەریەوە و تەنها سێ کاتژمێر کاتی لەبەردەستدایە بۆ ئەوەی کە بەپەلە بیکاتەوە بە کوردی و بەروار و کاتژمیری February 9 at 3:03pm بڵاوی بکاتەوە.

لینکی ئینگلیزی: https://goo.gl/VP3cwz

لینکی فارسی: https://goo.gl/fpSbiJ

لینکی کوردی: https://goo.gl/bU96yr

بەڵێ ئەمە هەر ئەو پێشڕەو محەمەدەیە کە کتێبێک دەنووسێ و تێیدا باسی «پەیامی بێنیامینیی وەرگێڕان»مان بۆ دەکات و وەرگێڕان «وەکوو ئەکتی سیاسی» پێناسە دەکات. ڕەنگە ئەکتی سیاسی لای پێشڕەو بەپێی پێگەی چینایەتیی پێشڕەو یاخود مێژینەی سیاسی و فکریی کوردستان و بەهۆکارگەلی مێژوویی، دەلالەت لە دزی و خەڵک بە گەمژەزانین و شاڕلاتانیزم بکات.

لە درێژەی ئەم وتارەدا وەکوو نموونەی ئەم کارانەی پێشڕەو دوایین وتارێک کە وەریگێڕاوە لەگەڵ فارسییەکەی بەراورد دەکەین با بزانین سەرەڕای هەموو دزی و شاڕڵاتانیزمی پێشڕەو، ئایا ئەم کارانە بایی ئەوە دەبن تەنانەت وەکوو وەرگێڕان [لە فارسییەوە بۆ کوردی] سەیر بکرێن یاخود لە ئەساسدا هەر فارسی و کوردیش نازانێ؟  ئێمە ئەگەر بمانەوێ هێگلییش سەیری کۆی ئەم پڕۆژە ڕەنگاڵەیەی پێشڕەو بکەین بە نێوەنجیی پارچەیەک دەتوانین پەی ببەین بە کوالێتیی بابەتیی و واقعیی گشتییەتی پڕۆژەکەی. جگە لەوەش ئەم وتارە بەهەرحاڵ دوایین کاری وەرگێڕانی پێشڕەو محەمەدە و دیارە لەدوای چەند ساڵ کار و ئەزموونی وەرگێڕان دەبێ وەکوو ئەوپەڕی کوالێتیی وەرگێڕانی پێشڕەو سەیری بکەین:

وتاری دەبەنگ دەدوێت: سلاڤۆی ژیژەك تەئیدی دۆناڵد ترەمپ دەكات. ئەندرە دامۆن.

لینکی ئینگلیزی: https://goo.gl/VP3cwz

لینکی فارسی: https://goo.gl/fpSbiJ

لینکی کوردی: https://goo.gl/bU96yr

تەنها بە وردبوونەوە لە وەرگێڕانی ئەم وتارە بۆمان دەردەکەوێ کە پێشڕەو چەندە فارسی دەزانێ. ڕەنگە لە وەرگێڕانی ڕستەگەلی سادە و هەواڵیدا بێکێشە بێت بەڵام هەرکە بگات بە ڕستەیەکی بڕێک ئاڵۆز یاخود ئیدیۆم و دەستەواژەیەکی لێکدراو ئیتر سەری لێدەشێوێت.



1) «اسلاوی ژیژک، استاد اسلوونیایی و نمایندۀ برجستۀ پُست مدرنیسم و فلسفۀ روانکاوی و سیاست‌های چپ نمایان، از ریاست جمهوری دونالد ترامپ حمایت کرده است.»

 

«سلاڤۆی ژیژەك، مامۆستای سلۆڤینیی و نوێنەری دیار و بەرجەستەى پۆستمۆدێرنیزم و فەلسەفەی دەروونشیكاریی و سیاسەتە چەپڕەوییەكان، پشتیوانیی لە سەرۆكایەتیی دۆناڵد ترەمپ بۆ ویلایەتە یەكگرتووەكان كردووە.»

لەم ڕستەدا دەبینین پێشڕەو لە دەستەواژەی چپ‌نما یان شبەچپ pseudo-left تێنەگەیشتووە و وەریگێڕاوە بە چەپڕەوی. نووسەر لێرەدا دەیەوێ ئاماژە بدات بەو کەسایەتی و لایەنانەی کە بەڕوواڵەت خۆیان بە چەپ دەنوێنن بەڵام ماهیەتێکی تریان هەیە و سلاوی ژیژەک بە نوێنەری سیاسەتەکانی ئەوان دەزانێت بەڵام پێشڕەو بەهۆی ئەم هەڵەیەوە بەجۆرێک دەقەکەی داڕشتۆتەوە کە گوایە نووسەر دەڵێ ژیژەک نوێنەری بەرجەستەی سیاسەتە چەپڕەوییەکانە.  ئەم هەڵەیە ڕەنگە بە ڕوواڵەت سادە دیار بێت بەڵام ئەگەر لێی ورد بینەوە مانای ڕاستەقینەی ئەم ڕستەیەی کە پێشڕەو دایڕشتۆتەوە ئەوەیە کە ژیژەک نوێنەری بەرجەستەی سیاسەتە چەپڕەوییەکانە، کە ئەمە ڕستەیەکی زۆر گشتی و هەمەگیرە چەپڕەوی بە هەموو جیاوازی و لایەنە جۆربەجۆرەکان لە گشتییەتی خۆیدا دەگرێتەوە و پێمان دەڵێ کە ژیژەک نوێنەری ئەم گشتییەتەیە و کەواتە گشتیەتی چەپ پشتیوانیی لە سەرۆکایەتیی دۆناڵد ترەمپ کردووە.

2) «به زعم ژیژک این باعث «نوعی بیدارسازی بزرگ» می شود. ژیژک در دفاع از حمایت خود از ترامپ اعلام کرد که ترامپ «معرف فاشیسم نخواهد بود.» »

«بۆ ژیژەك ئەمە دەبێتە هۆى "هەڵسانەوەیەكی نوێ". ژیژەك لە بەرگریكردنی خۆیدا لە ترەمپ ڕایگەیاند كە ئەو "نیشانەى فاشیزم نابێت"»

پێشڕەو لەم دەستەواژەیە « نوعی بیدارسازی بزرگ » تێناگات یاخود نازانێ بە کوردی دایڕێژێتەوە.

ئەمە ئینگلیزییەکەیەتی «a kind of big awakening » کە بە کوردی بەم شێوە دادەڕێژرێت «جۆرێک وشیارکردنەوەی مەزن» یاخود «جۆرێک بەخەبەرهێانەوەی مەزن» کە جیاوازییەک هەیە لەنێوان بەخەبەرهێنانەوە و هەڵسانەوەدا. سووژەبوون لە بەخەبەرهێنانەوەدا لای بەخەبەرهێنەرە بەڵام لە هەڵسانەوەدا سووژەبوون لای ئەو کەس/خەڵکەیە کە هەڵدەسنەوە.

 

3) «ژیژک، این عزیزدُردانۀ محیط‌های آکادمیک که پایۀ اجتماعی اصلی سیاست‌های چپ نمایان را شکل می دهند،»

«ژیژەك، ئەم ئازیزەى فەزا ئەكادیمییەكان كە بناغەی كۆمەڵایەتیی سەرەكیی سیاسەتە چەپڕەوییەكان پێكدەهێنن،»

لێرەدا نووسەر دەیەوێ پێمان بڵێ ژیژەک ئازیزکراو و خۆشەویستی فەزا ئەکادیمییەکانە کە بناغەی کۆمەڵایەتیی سیاسەتەکانی کەس و لایەنە بەڕوواڵەت‌چەپەکان پێک دەهێنێن بەڵام دیسان پێشڕەو لە چپ‌نما تێناگات و ئەنجامی هەڵەکەی دەبێتە ئەوەی کە گوایە نووسەر پێمان دەڵێ بناغەی کۆمەڵایەتیی سەرەکیی سیاسەتە چەپڕەوییەکان بەگشتی فەزا ئەکادیمییەکان پێکی دەهێنن، کە لە ڕاستیدا ئەمە بێڕێزییەکی گەورەیە بە گشتیەتی چەپ لە جیهاندا.

 

4) «در واقع ژیژک یک شارلاتان روشنفکر از بدترین نوع ممکن است. موضوعات کتابهایی که سرهم‏بندی می‏کند، شامل همه چیز می شود؛ از مدفوع شناسی تا الهیات و هر چیزی بین این ها، سرشار از گنده گویی‌های فاضل مآبانه و خالی از محتوای فکری.»

« لەڕاستیدا ژیژەك زمانباز و شارلاتانێكی ڕۆشنبیرییە ئەویش لە خراپترین شێوازی خۆیدا. بابەتی ئەو كتێبانەى كۆیان دەكاتەوە و لەسەریەك هەڵیان دەچنێت، هەموو شتێك دەگرێتەوە؛ لە پرس و مەسەلەى ئاودەستناسییەوە تا ئیلاهیات و هەموو شتێكی نێوانیان، پڕ لە قسەى هەڵیت و پەڵیت و بەتاڵ لە ناوەرۆكی فیكریی. »

 

لێرەدا نووسەر بەشێوەی نێگەتیڤ باسی ناوەڕۆکی کتێبەکانی ژیژەک دەکات و دەیەوێ بڵێ لەبری ئەوەی کە کتێب بنووسێ زیاتر ناوەڕۆکەکانیان لەملاولا کۆ دەکاتەوە کە دەکرێ لە کوردیدا بەم شێوە کەسانە بڵێین کتێبساز، بەڵام پێشڕەو لەم بابەتە زۆر سادەیە تێناگات و بە جۆرێک بە هەڵە دایڕێژاوەتەوە وەک بڵێی ژیژەک کۆلێکسیۆنەرێکی کتێبە و لەملاولا کتێب کۆ دەکاتەوە و لە شوێنێک لەسەریەک هەڵیان دەچنێت.

هەر لەم پەرەگرافەدا پێشڕەو لە دەستەواژەی از گنده گویی‌های فاضل مآبانه « pompous verbiage » تێناگات.

 

5) «ژیژک پای ثابت انتشارات چپ نمایان است، مثل نشریۀ «نیو لفت ریویو» که او به سهم خود تاکنون ۱۰ مقاله به آن تقدیم داشته. »

 

«ژیژەك پێگەى سەقامگیری بڵاوكراوە چەپڕەوییەكانە، بۆنموونە بڵاوكراوەى "نیو لێفت ڕیڤیو" كە لەلایەن خۆیەوە تائێستا 10 وتاری پێشكەشی ئەو كردووە.

 سەیری ئەم ڕستەیە بکەن کە پێشڕەو چۆن یەکسەر پێچەوانەی کردۆتەوە. نووسەر دەڵێ ژیژەک هەمیشە لە هەموو چاپەمەنییەکانی بەڕوواڵەت‌چەپەکاندا ئامادیی هەیە، بۆ نموونە نیو لێفت ڕیڤیو، و دیارە نووسەر نیو لێفت ڕیڤیوی پێ دامەزراوەیەکی بەڕوواڵەت‌چەپە. بەڵام پێشڕەو تووشی دوو هەڵەی گەورە بووە، لە وشەی «پای ثابت»  و «چپ‌نمایان» تێنەگەیشتووە، واتە وشەی «پای ثابت» ی لەگەڵ«پایەی ثابت ـ استوار» تێکەڵ کردووە و ئەنجام کەلامی نووسەری وا داڕشتۆتەوە کە ژیژەک [دیارە بە تەنیا خۆی] پێگە و بناغەی سەقامگیری چاپەمەنییە چەپڕەوەکانە و بەپێچەوانەی ڕای نووسەر نیولێف ڕیڤیو_یش یەکێک لەوان. جگە لەوەش داڕشتنەکەی پێشڕەو بە جۆرێکە کە گوایە نیولێفت دە وتاری پێشکەش بە ژیژەک کردووە کە ئەمەش ڕێک پێچەوانەی کەلامی نووسەرە.

 

 6) «ژیژک در این­جا با ردّ مفهوم «تحمل پذیری به عنوان راه حل»، اعلام کرد که «مسلمانان بنیادگرا تحمل تصاویر کفرآمیز و شوخی‌های بی‌پروایی را که برای ما جزئی از آزادی‌های‏مان هستند غیر ممکن می بینند.» »

 

«ژیژەك لێرەدا بە ڕەتكردنەوەى "تەحەمولكردن وەك ڕێگاچارە"، ڕایگەیاند "موسڵمانانی فەندەمێنتالیست تەحەمولكردنی وێنە كوفرئامێزەكان و گاڵتەپێكردنەكان بەمەحاڵ دەزانن كە بۆ ئێمە ئەم كارە بەشێكە لە ئازادییەكانمان". »

"تەحەمولكردن وەك ڕێگاچارە" [تۆلێڕانس وەک ڕێگا چارە] چەمکێکە کە لە ئەورووپادا هەندێک لایەن بۆ شێوازی مامەڵەکردن لەگەڵ قەیرانی پەنابەری باوەڕیان پێیەتی بەڵام لێرەدا پێشڕەو بە سڕینەوەی وشەی مفهومچەمک] کە لەپێش ئەم دەستەواژەدا هاتووە، لە چەمکبوون دایدەماڵێت و وەکوو دەستەواژەیەکی سادە بەبێ هیچ دەلالەتێکی سیاسی و کۆمەڵایەتی دەینوێنێتەوە. جگە لەوەش پێشڕەو ئەم ڕستەیەی بە ڕادەیەک سەقەت داڕشتۆتەوە کە ناوەڕۆکی کەلامی نووسەر ناگەیەنێت. وەرگێڕانی ئەم ڕستەیە دەتوانێ بەم شێوە بێت:

ژیژەک لێرەدا بە ڕەتکردنەوەی چەمکی « تۆلێڕانس وەک ڕێگا چارە»، ڕایگەیاند کە بۆ موسڵمانانی توندڕەو تەحەموڵکردنی وێنە کوفرئامێز و گەپ‌وگاڵتە بێدەربەستانەکانی ئێمە، کە بەشێکن لە ئازادییەکانمان، مەحاڵە.

 

7) «اوایل امسال ژیژک در مجلۀ «نیو استیتس­من» اعلام کرد »

«سەرەتای ئەمساڵ  ژیژەك لە گۆڤاری "نیو ستەیتمێنت"دا ڕایگەیاند »

لێرەدا پێشڕەو  ناوی ئەم گۆڤارە New Statesman [نیو ستەیتسمەن] بە هەڵە دەنووسێتەوە و لانیکەم ئەوندە زەحمەت بە خۆی نادات کە سێرچێکی سادەی بۆ بکات. یان لانیکەم ئەگەر لە فارسییەوە ئەیکات بۆ بەراوردکردنێکی سادەش بووبێت چاوێک بە دەقە ئینگلیزییەکەدا بخشێنێت تاکوو گۆڤارێکی خەیاڵی بەناوی "نیو ستەیتمێنت" لە زەینی خۆیدا نەخولقێنێت.

 

8) «ژیژک در همان مقاله با ردّ دمکراسی گفت «رویه‌های دمکراتیک رسمی نباید سیاست رهایی بخش را پیش فرض بگیرند، »
 
«ژیژەك لە هەمان وتاردا بەڕەتكردنەوەى دیموكراسیی، دەڵێت "ئاراستە و لایەنە دیموكراتییە ڕەسمییەكان نابێت سیاسەتی ڕزگاریخواز بە پێشمەرجی خۆى دابنێت،»

لێرەدا وەرگێڕی فارس و کورد دەستیان داوەتە دەست یەک تاکوو دەقی نووسەر یەکسەر بەلاڕێدا ببەن.

نووسەر ئەڵێ:

Emancipatory politics should not be bound a priori by formal democratic procedures of legitimization.

بە فارسی واتە: «سیاست رهایی‏بخش نباید به صورت پیشینی توسط رویه‏های صوری مشروعیت دموکراتیک مقید گردد.»

بە کوردیش ئاوا دروستە: «سیاسەتی ڕزگاریبەخش نابێ بەشێوەی پێشینی بە شێواز و ڕێوشوێنە فۆڕماڵەکانی مەشرووعییەتی دیمۆکراتیکەوە گرێ بدرێت.»

لێرەدا نووسەر مەبەستی لە شێواز و ڕێوشوێنە فۆڕماڵە دیمۆکراتیکەکان برێتییە لە پڕۆسەکانی دەنگدان و هەڵبژاردنەکانی پەڕلەمان و شوورای شارەکان و شارەوانییەکان و دیتر پڕۆسەکانی ناو کۆمەڵگا کە خەڵکی پێوە سەرقاڵن. و لێرەدا دەڵێ سیاسەتی ڕزگاریبەخش ماهیەتێکی ڕوون و مێژوویی هەیە و شتێکی ڕاستەقینەتر و گرنگتر لەوەیە کە خۆی گرێ بدات بە نمایشە ڕوواڵەتییەکانی دیموکراسیی فۆڕماڵەوە، بەڵام ئەوەی وەرگێڕی فارس و کورد دایانڕشتۆتەوە ڕاست پێچەوانەی کەلامی نووسەرە. تەنانەت ئێمە ئەگەر هەڵەی وەرگێڕێ فارس لەسەر پێشڕەو حسێب نەکەین پێشڕەو هەمان وەرگێڕانی سەقەتی فارسیشی دووقات سەقەتتر کردووە. واتە هەڵەی کردووە لەناو هەڵەیەکی گەورەتردا. ئەگەر هەمان وەرگێڕانی هەڵەی فارسی بکەین بە بنەما پێشڕەو دیسان لە وشەی «رویە ـ procedure ـ شێواز» تێناگات و وەریدەگێڕێت بە ئاراستە/گرایش و لایەن، کە ئەمە پێوەندیی بە کەلامی نووسەرەوە نییە. و لە کۆتایی ڕستەکەشدا لەبری ئەوەی بنووسێ: «نابێ سیاسەتی ڕزگاریبەخش بە پێشفەڕزی خۆیان دابنێن»

دەنووسێ: «نابێت سیاسەتی ڕزگاریخواز بە پێشمەرجی خۆى دابنێت» کە ئاشکرا دەریدەخات پێشڕەو بەداخەوە تەنانەت لە سادەترین و سەرەتاییترین ڕێساکانی گرامری کوردی و فارسیشدا ماوەتەوە. چونکە وشەی پێشفەڕز لەگەڵ پێشمەرج جیاوازییەکەیان ئاسمان و ڕێسمانە و  ڕستەکە لەخۆیدا کۆیە کە ئەو بە تاک دایدەڕێژێتەوە.

 

9) «این­که ژیژک علنی تر از قبل به آغوش سیاست‌های راست می رود، به موازات همان روند محیط‌های آکادمیک مرفهین چپ نما است که خود بدان تعلق دارد.»

«ئەمە پەیوەندیی بە هەمان پرۆسەى ناوەندە ئەكادیمییە خۆشگوزەرانییە چەپڕەوییەكانەوە هەیە كە ژیژەك ئاشكراتر لە ڕابردوو خۆى دەهاوێتە نێو باوەشی سیاسەتە ڕاستڕەوییەكانەوە كە خۆی سەر بەمجۆرە ئەكادیمییەیە.»

لێرەدا پێشڕەو هەمان هەڵەکانی پێشوو دووپات دەکاتەوە و بەجۆرێک لەم دەقە تێدەگات و دایدەڕێژێتەوە کە هیچ پێوەندییەکی بە کەلامی نووسەرەوە نییە! داڕشتنەوەی ئەم ڕستە لە ڕاستکردنەوەی زۆر ئاسانترە:

ئەوەی کە ژیژەک ئاشکراتر لە ڕابردوو دەچێتە نێو ئامێزی کراوەی سیاسەتە ڕاستڕەوانەکانەوە، هاوتەریبی هەمان شوێنگە ئەکادیمیکە خۆشگوزەرانە بەڕوواڵەت‌چەپەکانە کە خۆیشی سەر بەوێیە.

 

10) «این عناصر بر حوزۀ مطالعات فرهنگی تسلط دارند و در همه جا به وفور یافت می شوند.»

«ئەمجۆرە ئایدیایانە بەسەر بواری لێكۆڵینەوەى كولتوورییدا باڵادەستن و لە هەموو شوێنێكدا بەشێوەیەكی بەرچاو دەبینرێنەوە. »

لێرەدا دەردەکەوێ پێشڕەو لە مانای وشەی «عنصر» [Element] تێناگات، بەڕاستی کارەساتە. لە ئینگلیزییەکەیدا These elements هاتووە. ئەوە هیچ کە پێشڕەو دەقی سەرەکیی نەدیوە بەڵام کارەساتە کەسێک مانای وشەی «عنصر» بە فارسی نەزانێ و دەست بکات بە وەرگێڕانی دەقی فارسی ئەویش لەم ئاست و ڕادەدا کە پێشڕەو کردوویەتی. عنصر لە فارسیدا دەتوانێ مانای جۆربەجۆری هەبێت بەڵام لێرەدا بەدوور لە هەموو مانا ئابستراکتەکانی نووسەر باسی تاکی مرۆیی دەکات.

 

11) « «پژوهش» آن‏ها، مملو از لفاظی‌های سرگیجه آوری است تا کم و بیش ایده‌ها و سیاست‌های راست‏گرایانه‌شان را پنهان کند.»

«"لێكۆڵینەوە"كانیان، پڕییەتی لە قسەى پڕوپووچی سەرگێژكەر بۆ ئەوەى كەم و زۆر ئایدیا و سیاسەتە ڕاستڕەوییەكانیی ئاراستەكانیان بشارنەوە. »


 
لێرەدا پێشڕەو بە زیادکردنی وشەی ئاراستەكانیان دەریدەخات کە لە پێکهاتی ئەم دەستەواژەیە و ئەساسەن لە پێکهاتە گرامرییەکانی زمانی فارسی بەهیچ شێوە تێنەگەیشتووە! لە کوردیدا بۆ وشەی گرایش هامبەر یا هاوتای ئاراستە دادەنرێت کە پێشڕەو کاتێک ئەم چەند وشە « سیاست‌های راست‏گرایانه‌شان» پێکەوە دەبینێت لێی تێک دەچێت و ناتوانێ لە جیاوازیی «گرایش» و «گرایانەشان» تێبگات. کارەساتە!

 

12) «همین‏ها هستۀ جامعه شناختی اقشار فوقانی مرفه طبقۀ متوسطی را شکل می دهد که اعضایش برای پول زدن به جیب به سراغ سیاست‌های هویتی و چپ نما رفته اند.»

«هەر ئەم مەسەلانە ناوكی كۆمەڵناسیی توێژە سەرووییە خۆشگوزەرانەكانی چینی ناوەڕاست پێكدەهێنێت كە ئەندامانی بۆ پڕكردنی گیرفانەكانیان بەرەو سیاسەتە شووناسییەكان و ئاراستەى چەپڕەوی ڕۆیشتوون.»

لەم بەشەدا وەگێڕە فارسەکەش بڕێک هەڵەی کردووە، ئەمە ئینگلیزییەکەیەتی:

It forms the sociological core of the affluent upper-middle class, whose members have embraced identity and pseudo-left politics in pursuit of their own personal enrichment.

کە تەرجومە دروستەکەی بەم شێوەیە:
ئەمانە ناوکی کۆمەڵناسانەی چینی دەوڵەمەندی مامناوەند بەرەوسەر پێک دەهێنن کە ئەندامانی ئەو چینە بەدوای ەرژەوەندیی کەسیی خۆیانەوە شوناس و سیاسەتی بەڕوواڵەت‌چەپ دەگرنەبەر.

 

لێرەدا دەبینین پێشڕەو وێڕای دووپاتکردنەوەی هەڵەکانی وەرگێڕی فارس، لە سەرەتای ڕستەکە و لە مەبەستی نووسەر تێناگات کە خەریکە باسی مرۆڤ دەکات، باسی ئەندامانی چینی مامناوەند بەرەوسەر دەکات، نەک مەسەلە. نووسەر مەبەستی لە عناصر [ژیژەک و] ئەو توێژە کۆمەڵایەتییە بەڕوواڵەت‌چەپەیە کە وەک پێشتر دەڵێ ژیژەک نوێنەرایەتیی سیاسەتەکانیان دەکات چونکە ڕێک لە ڕستەیەک پێشووتردا دەڵێ:

This social layer is unprincipled and corrupt.

واتە: ئەم توێژە کۆمەڵایەتییە بێپڕەنسیپ و گەندەڵە.

وەرگێڕێ فارسیش هەر وەریگێڕاوە: این لایۀ اجتماعی، فاسد و بی‌اصول است. بەڵام پێشڕەو لەمە تێناگات و لەبریی ئەمە دەنووسێ « هەر ئەم مەسەلانە» و لە درێژەشدا وا دەکات لەو ڕستە کە هیچ پێوەندیی بە ڕستەکەی نووسەرەوە نامێنێت.

 

13) «همۀ آن‌ها مقابله با امپریالیسم را که زمانی در دهۀ ۱۹۶۰ وِرد زبان‌شان بود کنار گذاشته و در عوض به حامیان گوش‏خراش مداخلۀ نظامی بدل شده اند.»

«هەر ئەوانەى دژایەتیكردنی ئیمپریالیزم لەڕۆژگاری دەیەى 1960دا وێردی سەر زمانیان بوو، ئێتسا وازیان هێناوە و لەبەرانبەردا بوونەتە پاڵپشت و لایەنگرانی ئەڵقەلەگوێی دەستێوەردانی سەربازیی و میلیتاریی. »


 
لێرەشدا پێشڕەو بەجۆرێک پێکهاتەی ئەم ڕستە سادەیە دەشێوێنێت کە بەزەحمەت لە دەقی نووسەرەکەی دەچێت! بەڵام لەم ڕستەدا پێشڕەو «حامیان گوش خراش» وەردەگێڕێت بە «لایەنگرانی ئەڵقەلەگوێ» کە بە قووڵی دەریدەخات چەندە لە زمانی فارسی تێدەگات!

 

14) «ژیژک به آن شکل نفرت انگیر خاص خود نشان داده که این نوع سیاست و ایدئولوژی مستقیماً به کجا می انجامد: ابتذال.»

«ژیژەك بەوجۆرە ڕقی تایبەتی خۆى دەرخستووە كە ئەمجۆرە سیاسەت و ئایدیۆلۆژییە بەرەوكوێ دەڕوات: قێزەونیی.»

پێشڕەو کاتێک لە وەرگێڕانی ئەم ڕستە زۆر سادەیەدا ئاوا تراژیک تووشی هەڵە دەبێت و بەوپەڕی باوەڕبەخۆبوونیشەوە مانیفێستی کۆمۆنیست وەردەگێڕێت ئیتر مرۆڤ بە جوانی قووڵایی دۆخی کارەساتباری ڕۆشنبیریی کوردیی بۆ دەردەکەوێ.

ئەمە دەقی ئینگلیزیی ڕستەکەیە کە وەرگێڕی فارسیش بڕیک دەستکاری و هەڵەی تێدا کردووە:

Žižek has shown, in his own particularly disgusting way, where this type of politics and ideology leads: directly into the gutter.

ئەمە وەرگێڕانی دروستی ئەو ڕستەیە:

«ژیژەک، بەو شێوازە نەفرەتاوییەی تایبەت بە خۆی، نیشانی داوە کە ئەم جۆرە لە سیاسەت و ئایدۆلۆژیا بەرەو کوێ دەچن: ڕاستەوخۆ بۆ ناو ئاوەڕۆ.»

 

ئەم دوو پەرەگرافەش کە ماوە، پەڕاوێز و زیادکراوی نووسەری فارسین کە لە کۆتاییدا بە دانانی پیتی ـ‌م ڕوونی کردۆتەوە کە پەڕاوێزی مترجم یان وەرگێڕن بەڵام پێشڕەو کە دەقی سەرەکیی نەدیوە تاکوو بەراوردی بکات لەم ئاماژەی وەرگێڕی فارسیش تێناگات و بە وەرگێڕانی ئەم دوو پەرەگرافە حەماسەتەکەی کامڵ دەکات.

 

1) ژیژەك لە چاوپێكەوتنێكیدا بەناونیشانی "میلیتاریزەكردن، ڕێگاچارەى قەیرانی پەنابەرییە" (2015) دەڵێت: "تەنها ڕێگاچارەیەك كە لەئێستادا دەیبینم، میلیتاریزەكردنە. بەڵێ، بەدروستی بیربكنەوە. ئاژاوە و گەڕەلاوژەى ئێستا بە بوونی دەیان هەزار كەسی سەرگەردارن لە ئەوروپا كە نازان بەرەوكوێ مل دەنێن، چیتر قابیلی تەحەمولكردن نییە. تەنها ڕێكخراوێكی گەورەى وەك سوپا دەتوانێت ئەم كارە ئەنجام بدات. یەكەم لەڕێگای بەڕێوەبردنی سەنتەرەكانی لێكۆڵینەوە لە خاڵەكانی قەیران: باشووری توركیا و لوبنان و لیبیا. لەم سەنتەرانەدا ناویان دەنووسرێت و دواتر دیاریدەكرێت كامیان لەڕاستیدا مەترسین و تەنها ئەوانە بنێردرێنە ئەوروپا... نابێت ئەم فەوزایە بەردەوام بێت، كەواتە میلیتاریزەكردن زەروورییە". 
2)
ژیژەك لە ساڵی 20133 لە چاوپێكەوتنێكدا لەگەڵ گۆڤارێكی یۆنانیدا گوتبووی: "بێزاربووم لە بینینی ئەو چەپانەى دەیانەوێت وەفادار بمێننەوە بە پرەنسیپ و خەونی ڕێگاچارەى ڕادیكاڵ و هەمیشە بەرەو پەراوێز دەچن. ئەوانە لەڕاستیدا هیچ حەزێكیان بۆ سەركەوتن پێ نییە... بەپێچەوانەوە سیریزا هاتووە سەردەمی قورسی حكومەتی وڵاتەكەتان لەئەستۆ بگرێت، بەبێ ئەوەى بەڵێنی ڕێگاچارەى خێرا بدات. ئەمان چەپگەلی تەمبەڵ نین بیانەوێت یۆتۆپیا بەدیبهێنن و دواتر كە شكستیان هێنا، بیخەنە گەردەنی ئیمپریالیزم". 

۱.) ژیژک در مصاحبه‌ای با عنوان «میلیتاریزه کردن، راه حل بحران پناهندگی» (۲۰۱۵) می گوید: «تنها راه حلی که در کوتاه مدت می بینم، میلیتاریزه کردن است. بله، درست شنیدید. هرج و مرج فعلی با ده‌ها هزار نفر سرگردان در اروپا که نمی دانند کجا می مانند، غیرقابل تحمل است. فقط یک سازمان بزرگ مثل ارتش می تواند این کار را انجام دهد. اول از طریق دایر کردن مراکز بازرسی در نقاط بحران: جنوب ترکیه و لبنان و لیبی. در این مراکز پناهندگان ثبت می شوند و بعد تعیین می شود که کدام یک واقعاً در خطر اند و تنها این‌ها به اروپا فرستاده خواهند شد... این اختلال نمی تواند ادامه پیدا کند، بنابراین میلیتاریزه کردن ضروری است» - م

۲.) ژیژک سال ۲۰۱۳ در مصاحبه‌ای با یک نشریۀ یونانی گفته بود: «از دیدن این چپ هایی که می خواهند به اصول و رؤیای راه حل رادیکال وفادار بمانند و همیشه هم آخر سر به حاشیه رانده می شوند، سیر شده ام. این‌ها واقعاً علاقه‌ای به پیروزی ندارند.... برعکس سیریزا آماده است در دوران سختی حکومت کشور شما را به عهده بگیرد، بدون این­که وعدۀ راه حل فوری بدهد. این‌ها چپ‌های تنبلی نیستند که بخواهند یک اتوپیا را محقق کنند و بعد که شکست خوردند، بیاندازند گردن امپریالیسم غرب»- م

 

***                  ***            ***

ئەم تێکستەی کە بەراوردم کرد، لەڕاستیدا تەنها وتارێکی زۆر سادەی سەر ماڵپەڕێک بوو و دەقێکی نەک زۆر فەلسەفی و تیۆریک بەڵکوو تێکستێکی تەواو ژۆرناڵیستییە و قەبارەکەی بە زەحمەت دەگاتە ٧0٠ وشە، پێشڕەو دەبوا ئیتر وەکوو وەرگێڕی کتێبەکانی مارکس و لێنین و ترۆتسکی لانیکەم ئەم بابەتە سادەیەی بەبێ هیچ کێشەیەک وەرگێڕایە بەڵام وەک دەبینن وەرگێڕانەکەی ١٤ کێشەی گەورەی تێدایە کە ئەمە لە دۆخێکی جدیی و تەندروستی ڕۆشنبیریدا تەواوە بۆ ئەوەی کەسێک لەناو بچێت جگە لەوەش لە ئەساسدا لەوە تێنەگەیشتووە کە ئەم بابەتەی وەریدەگێڕێت وەرگێڕان/تەلیخیسە. ئیتر دەبێ بە نێوەنجیی ئەم کارە بچووکەی پێشڕەو بێننە پێش چاوتان داخۆ لە ناوەڕۆکی ئەو کتێبە فەلسەفییانەدا چیی کردبێت. لە توێی هەر دوو بەشی ئەم وتارەدا بۆمان دەرکەوت کە کێشەی ئەم برادەرە لەم پڕۆژەیەدا تەنها درۆکردن و ئاماژەنەدان بە سەرچاوەی کارەکانی نییە بەڵکوو ئەم پڕۆژەیە تێکەڵەیەکە لە خەڵک و بەردەنگ بە گەمژەزانین، نەزانینی هیچ زمانێک تەنانەت کوردیش، بەڵاوکردنەوەی ڕێژەیەکی زۆر تێکستی شڕوشپرز، ڕووداری و باوەڕبەخۆبوونی ڕادەبەدەر... ئەم پڕۆژەیە لە گشتیەتی خۆیدا لە ئەنقەست یان نائەنقەست هەوڵێکە بۆ ناشیرینکردنی ڕۆشنبیری و ئەندێشەی چەپ و نەهێشتنی ئابڕوو بە هەموو کارێکی فکرییەوەیە!   

بەداخەوە من بەهۆی کۆمەڵێ هۆکاری شەخسییەوە لە ئێستەدا دەستم بە کتێبەکانی ناگات و ناتوانم بەراوردیان بکەم بەڵام تکاتان لێدەکەم ئەو هاوڕێیانەی کە کتێبەکانیان لەبەردەستدایە ئاوا بە ئاسانی بەتەنیشت ئەم کارانەدا تێنەپەڕن.

ئەوەی کە لەم دوو وتارەدا خوێندتانەوە تاوتوێکردنی کار و پڕۆژەی تەنها یەکێک لەو دەیان و سەدان کەسەیە کە لەم کۆمەڵگای ئێمەدا لەڕێگای دزیی ئەدەبی و جەعل و درۆ و خەڵک‌بەگەمژەزانینەوە ناو و پێگەیەکیان بۆ خۆیان دروست کردووە. نموونەی ئەم برادەرە ڕەنگە بەهۆی بەدشانسییەوە یاخود بەهۆی حەجمی زۆری کارەکانیەوە بووبێت کە سەرنجی منی ڕاکێشا و منیش بەهەرحاڵ بەم توانایی و ئیمکاناتە سنووردارەمەوە توانیم بەشێکی بچووك لە واقعیەتی کارەساتباری پڕۆژەکەی بخەمە ڕوو، بەڵام بە دڵنیاییەوە ئەم کۆمەڵگای ئێمە دزی زۆر پڕۆفیشیۆناڵتر و ترسناکتری تێدایە و تکا دەکم لە کەسانی دڵسۆز و ڕاستگۆ و شەرافەتمەندی ناو ئەم کۆمەڵگایە ئەم پرسە بە جدی بگرن و دیسانەوە دەڵێم ئاوا بە ئاسانی بە تەنیشت ئەم ناو و پڕۆژانەدا تێنەپەڕن. نموونەی ئەم برادەرە پرسیارێکی گەورە کە دروستی دەکات ئەوەیە کە چۆن توانیویەتی لەم دوو سێ ساڵەدا، لەناو ئەم کۆمەڵگادا بەم شێوەیە پڕۆژەیەکی ئاوا بباتە پێشەوە و زۆر خۆش و شادومان بژی و کتێب بە کتێب بڵاو بکاتەوە و هیچ کەسیش کاری پێی نەبێت؟! ئەسڵەن ئەو ناوەندانەی کە وەها کارگەلێک چاپ و بڵاو دەکەنەوە کێن و چ کەسانێک بەڕێوەیان دەبەن؟ ئەم برادەرە بە بەردەوامی لەگەڵ ئەم سێ ناوەندە [ناوەندی توێژینەوە و هزریی شەهید ئارام] ـ[ ناوەندی لێكۆڵینەوەى سۆسیالیستیی – كوردستان] ـ [دەزگای رۆشنبیریی جەماڵ عیرفان] کاری کردووە. چۆن دەبێ هەر کەسێک بچێتە لایان و بانگەشەی هەر شتێک بکات ئەوان ئاوا بە ئاسانی لێی قبووڵ بکەن و هیچ لێپرسینەوە و میکانیزمێک بۆ تاقیکردنەوەی ڕاستی و دروستیی بانگەشەکانی لە ئارادا نەبێت؟ میکانیزمی ئیدیت و پێداچوونەوە و بەراوردکردنیان دەبێ چۆن بێت؟ ئەم ناوەندانە لە باشترین حاڵەتدا [و ئەگەر تۆمەتباریان نەکەین بەوەی کە بەهۆی سیاسەتی بازاڕەوە شەریکن لەگەڵ ئەم برادەرە] دەتوانین بەچاوی لێبوردنەوە بڵێین لەم پڕۆژەیەدا بەرپرسیارن و تا ئێستە نەیانزانیوە بەڵام ئەگەر لێرەبەدوا ڕاشکاو و شەفاف هەڵوێستی خۆیان بەرامبەر بەم کارانە و هاوشێوەکانیان ڕانەگەیەنن ئەوا ئەمانیش شەریکی ئەم شاڕلاتانیزمەن. و لەڕاستیدا گشتمان لە دروستبوونی کەسانی هاوشێوە و هاوکاری ئەم برادەرەدا بەرپرسیارین و هەمووی بەرهەمی ئەم دۆخە ئەتۆمیستییەیە کە تێیدا کەس کاری بە کەس نییە و کۆمەڵگا زیاتر بە کارناڤاڵی لایک و دەستخۆشی و مامۆستا و ئوستاز گیانەوە سەرقاڵە و کەمتر پێش دێت بە چاوی ڕەخنە و گومانەوە بەرەوڕووی خۆمان و ڕفێقەکانمان و دەوروبەرمان ببینەوە.

لە کۆتاییدا پێویستە بڵێم بەهیچ شێوە ڕێگە نادەم ئەم وتارە ببەنە ناو شەڕ و باندبازیی لایەنە جۆربەرەکانەوە و هیچ کەس بۆی نییە لە ئاراستەی کێشەی شەخسیی خۆی لەگەڵ ئەم برادەرەدا کەڵک و گەنەکەڵک لەم وتارە وەرگرێت چونکە لە ئەساسدا هیوا و ئاواتی ئەم وتارە ئەوەیە بتوانێ ببێتە هۆی ڕەخنەی جدی و بەردەوام لە دۆخی فکریی کوردەواریدا و خولقاندنی فەزای ڕەخنەگرانە و کریتیکاڵ بەرامبەر بەو کەسانە و ئەو کار و پڕۆژانەی کە وەک بۆردیۆ دەڵێ، ئەندامی ئەم مەیدانە کولتوورییەن.

 

 

بازدید: 2243