دوو شێوازی جیای ناسین
بێگومان هونەر و ئەدەبییات شێوازێكن بۆ ناسینی دیاردەکان، بەڵام شێوازێک بە شێوازی خۆی، نەک وەک زانست کە تێیدا فاکت و وردبوونەوەی بابەتیانە لە بابەت دەوری سەرەکی دەگێڕێ.
لە ئەدەب و هونەر ناسین لە رێگای فەنتازیاوە دەستەبەردەبێ. نووسەر، خەیاڵ ئاوێتەی دیاردەکان دەکا و بەم ئاوێتەکردنە بەرهەم دەخوڵقێنێ.
کەواتە ناسینی هونەری جیاوازە لە ناسینی زانستی. هەندێ کەس پێیان وایە زانستی هونەری زانستی راستەقینەیە و هەندێکی تر زانستەکەی تر. دیارە هەندێکی تر بایەخ بۆ هەردووکیان دادەنێن و پێیان وایە هەر کام بە شێوازی خۆیان زانیاری لەسەر گەردوون و دیاردەکانی نێوانیان بە مرۆڤ دەدەن.
بێگومان زانیارییەک کە لەسەر خەیاڵ دامەزراوە جیاوازە لە زانیارییەک کە لەسەر فاکت و لێکۆڵینەوەی زانستی دامەزراوە. بەو هۆیەوە میتۆد جیاوازە، بێگومان دەرئەنجامیش جیاواز دبێت.
دیسان دەبێ بڵێین کە زانیاری هونەری و زانستی، زانیارییەکە کە برەو بە خەیاڵ و هەست دەدا بۆ شۆڕبوونەوەی زیاتر بە ناو دیاردەکاندا و زانیاری زانستی چەق بەستنە لەوەیدا پێی گەیشتوون. بۆیە زانیاریی هونەری و ئەدەبی تەڕ و پاراوە و زانیاری زانستی وشک. زانیاریی هونەریی رەنگین و ئەوی تر رەش و سپی!
سایتی قەڵەم
٨ سێپتەمبەری ٢٠١٨