لە فارسییەوە: شیوا مێهری
من هاتبووم
بۆ رۆیشتن
کەتبوومە رێ
بۆ نەگەیشتن
خەریک بوو بۆنی زەلکاوی دەگرت
ئەشق...
شعر ژمارە ٥١
ئاسارە نەزەری
لە فارسییەوە: شیوا مێهری
گوتی
قژە سپییەکانیشتم خۆش دەوێ
من بەڵام
نەمدەویست
خانوویەک چێکەم.
من هاتبووم
بۆ رۆیشتن
کەتبوومە رێ
بۆ نەگەیشتن
خەریک بوو بۆنی زەلکاوی دەگرت
ئەشق...
فەڕۆخ نێعمەتپوور
ئەوسا رۆژە خۆشەکان دێن. ئەو رۆژانەی وا باران دەبارێ و کەچی ناتوانێ زەفەر بە سەقفی خانووەکەی ئێمە ببا. ئا، هیچ دڵۆپەیەک داناکا. تەنیا ئەوەندەی قاتەکان لێرە و لەوێ دەخووسێن. جاری وایە دایکم هەر هەموومان دەباتە دەرەوە،... بۆ ژێر باران. بۆ ئەوەی خۆمان جوان جوان بشۆین. بۆنی ساردی چیمەنتۆ و بۆگەنیوی جاڵجاڵۆکەکان لە جەستەم،... بەرەبەرە دەبنەوە. بۆ شەو پەردە شڕەکانی سەر کونەکان دادەدەینەوە و، خەوێکی خۆش دەمانباتەوە. ئاگام لێیە باوکم لە کونەکەی خۆیەوە بەئەسپایی وەک پشیلە دەگوازێتەوە بۆ لای کونەکەی دایکم و لە دووای مڵچە ملچ و زرمە زرم و سرتەسرتێکی چەند دەگەڕێتەوە شوێنی خۆی. ئەوسا پرخەی سامناکی هەڵدەستێ. بە خۆم دەڵێم باشتر کە هیچ درگا و پەنجەرەیەک لە نێوان کونەکاندا نیە... باشتر!
