ما 2722 مهمان و بدون عضو آنلاین داریم

چیرۆک، دەروازەی مەعریفە

دەگوترێ چیرۆک یەکەمین فۆڕمی تەعبیری مرۆڤە لە بوون. مرۆڤ سەرەتا بۆ ئەوەی بزانێ چی لە دەورووبەری دەگوزەرێ وەک چیرۆک دەیگێڕایەوە. تەنانەت کاتێک کەسەکانی دەمردن و لە ژیان ماڵئاواییان دەکرد، ئەوە تەنیا لە قەوارەی چیرۆکدا بوو هەوڵیدەدا لە مردنەکەیان بگا و پاشان هەر لە چیرۆکدا بوو سەر لە نوێ دەیهێنانەوە ناو ژیانی راستەقینە.

بەم شێوەیە چیرۆک بنەمای هەموو شیوازەکانی تری تەعبیری مرۆڤە لە بوون و لە جیهان. بۆ وێنە فەلسەفە و کۆمەڵناسی و دەروونناسی و هتد، هەر هەموویان دەکرێ رەگیان لە چیرۆکدا بێت، هەرچەند دوواتر بوونێکی سەربەخۆ پەیدادەکەن و دەتوانن بە گوێرەی یاسا و رێساکانی خۆیان بڕواننە دەورووبەر.

کەواتە هەموو چیرۆکێک رەگێکی مەعریفیی قووڵی تیایە. تەنیا ئەوەندەی دەبێ کاتی بۆ تەرخان بکەین و بە وردی بیخوێنینەوە تا بیگەینێ.

چیرۆک دەتوانێ توانای لێکدانەوە و هێزی فەنتازیا لە ئێمەدا بجووڵێنێ و بەم شێوەیە لەگەڵ خۆی بمانباتە دونیای شرۆڤەی ئەبستراکتی.

چیرۆک دەروازەی مەعریفەیە.

سایتی قەڵەم

٨مانگی چواری ٢٠٢١

گەڕان بۆ بابەت