وتارەکان

مێژووی ململانی نێوان  KGB و CIA              

بێگومان ئەم دوو رێکخراوە باڵا دەستە بە نهێنی ئیش دەکەن بەڵام وەک دەرکەوتنی پشتی ماسی لە نێو رووبار جارو بار خۆ دەرئەخەن، ئەم دوو رێکخراوە یەکێکیان سەر بە شورەوی جاران بوو، ئێستا لە ژێر ناوی FSB ئیش دەکا، ئەوی دیکەیان سەر بە وڵاتە یەکگرتووەکانی ئەمریکایە، یەکەمیان ساڵی ١٩١٧ ئەوی دیکەیان ساڵی ١٩٤٧ دروست بوون، شان بە شانی مێژووی ململانی جیهان، هێزو روحیەتی ئەم دوو رێکخراوە باڵا دەستە لە ژێر ناوی جیا جیا ئیشیان کردووەو ئیش دەکەن، تا ئێستا کەم نووسەر توانیویەتی بە زەقی باسی چالاکی و هەڵسوڕانی ئەم رێکخراوانە بکا بە شێوەی ڕاستەوخۆ یان ناڕاستەوخۆ، بۆ نموونە نووسەری تورک نەژاد عەزیز نەسینی بە شێوەی میتافوری باسی ململانی ئەم دوو رێکخراوە باڵا دەستە ئەکا لە ژێر ناوی حزبی سەلامەت و حزبی کەرامەت، هەروا نووسەری یونانی بە ناوبانگ نیکۆس کانتزاکی بە شێوەیەکی سیمبۆلی باسی ململانی نێوان كڵاو ڕەش و کڵاو سوورەکان دەکا لە رۆمانی براکوژی، یان نووسەریک وەک جەنگیز ئیتماتۆڤ لە رۆمانی سەگی ئەبڵەق، باسی میکانیزمی ئیش کردنی ئەم دوو رێکخراوە دەکا، گوایا وەک سەگی ئەبڵەق هەمیشە چاویان کراوەیە، وردوو درشتی خەڵک و یادەوەرییەکان دەبینن بە شێوەی ناڕاستەوخۆ، تەنانەت عەزیز نەسینی لە چیرۆکێک دا بەتەوسەوە باسی کارخانەی ئاوێنە دەکا، گوایا رۆژێکیان پروپاگەندە بڵاو دەکاتەوە کە هەر کەس سەیری ئاوێنە بکا، مێژووی کارو کردەوەی دراوسێ یەکەیان دەبینێ، ئیدی خەڵکەکە دەکەونە شکاندنی ئاوێنەکان دواتر وا دەرئەخا ئەمە پروپاگەندەی کارخانەی ئاوێنەیە تاوەکو بەرهەمەکانی بە زووترین کات ساغ بکاتەوە، لەراستی دا  تائێستا نووسەرەکان نەیانتوانیوە بە زەقی باسی باسی روونی و شەفافی و ترانسپارینتی یادەوەریی بکەن بە شێوەیەک کە یادەوەریی مرۆڤەکان کوپی یەکی لەسەر لاپەڕەی گەردوون و سروشتە، بێگومان گەردوون و سروشت یادەوەریی زیندوو گؤڕاوی هەیە و لە پەردەی ئاتمۆسفیرو فەزای سروشت جێگیرە، بە رێگای تیشک و شەپۆلی کهروموگناتیسی یادەوەریی مرۆڤەکان کە فریکوینسیان لە سەرەوەیە توانای خوێندنەوەی مێژووی یادەوەرییەکانی دیکەیان هەیە، هەر بۆیە هەندێ لە پارتە سیاسی چەپەکان هەمیشە داوای ڕاستگۆیی و شەفافیەت و روونی دەکەن بەمەبەستی پێکهینانی مۆڕاڵێکی ستاندار لای ئەندام و دوست و لایەنگرانیان، بەڕای من دروست نەبوونی دەوڵەتی کوردستان تا ساتەوەختی ئێستا پەیوەندیی بەوەوە هەیە، لە تاقیکردنەوەی ڕاستەوخۆ و ناڕاستەوخۆ بە شێوەیەکی روون یادەوەریی ئەندامانی کۆمەڵگای کوردستان بە گەورەو گچکە لە تاقیکردنەوەی جیهانی و هەریمایەتیەکان تا ئێستا دەرنەچوون، هەر چەند لەبەر ئازادی زیاتر و مافەکانی مرۆڤ نابێ پەردەی شەفافیەت بەتەواوەتی لەسەر ئاوێنەی یادەوەریی هەڵماڵی، وەک زمانحاڵی ئەو دروشمە کە دەڵێ (لێگەڕە باخەڵک بژێ، باخەڵک چێژ لە ساتەکانیان وەرگرن) بەڵام بە دیویکی دیکە ئەگەر خەڵک هوشیار نەکەیتەوە و زەنگی مەترسی ئاشکرا بوون لێ نەدەی، خەڵک لە ڕێڕەوی ژیانیان دەکەونە هەڵەوە، هەڵەی دزی کردن، هەڵەی درۆ کردن، هەڵەی رەفتاری نەشیاو، هەڵەی زوڵم کردن لە یادەوەریەکانی دیکە، کاتێ هەر یاوەرییەک هەڵەی کرد، قەدەری ستانداری سروشت بە شێوەی ماتماتیکی و فیزیکی خاڵی لێ ئەبڕن بەشێوەیەکی دی دەشێ بڵێن ژیان پروسەیەکی کێبەرکێ یە لەسەر ململانی لەسەر خاڵی ئەرینی و نەرینی، هەرچەندە زیاتر خاڵی ئەرینیت هەبێ زووتر پەیژەکان ئەبڕی و دەگەی بە لووتکەی سەرکەوتن، هەر بۆ نموونە شاعیری بەناوبانگی نەتەوەکەمان شیرکۆ بێکەس دیوانێکی هەیە بە نێوی مارو و پەیژەوە رۆژمێری شاعیرێک دەبوایە بنووسی یادەوەریی میللەتێک وەکو میللەتی کورد. 

تەنیا رێکخراوە جیهانیەکان وەک KGB;CIA  بوونی نییە بەڵکو رێکخراوی لۆکاڵی و هەریمایەتی هەن وەک ئیتلاعات و میت و موخابەرات لە سەردەمی بەعس، ئەم رێکخراوانە چ جیهانیەکان و چ لۆکاڵیەکان وەک یەک خێزان لە نێو یەک دان بەشێوەی ڕاستەوخۆو ناڕاستەوخۆ، بۆ نموونە ئەگەر خێزانێک بە نموونە بهێنینەوە دایک وباوک سەر بە رێکخراوە جیهانیەکانن بە شێوەی ناڕاستەوخۆ لە رووی یادەوەرییەوە کەچی مناڵەکانیان لەلایەن رێکخراوە لۆکاڵیەکانەوە پەروەردە دەکرێن، لە هەریمی کوردستانیش لەمەر خۆمان دوو رێکخراوی نهێنی هەیە، ئەوانیش دەزگای زانیاری و پاراستنن، یەکەمیان سەر بە یەکیتی یە ئەوی دیکەیان سەر بە پارتی یە، وەک ئاشکرایە ئەم دوو رێکخراوە ئاسایشی حزب دەپارێزن لە کاتێکدا دەبێ ئەرکیان ئەوە بێ ئاسایشی نەتەوە بپارێزن، پارتی و یەکیتی و پەکە کە، رێکخراوە نهێنیە جیهانیەکان لە نێوان خۆیان تەڕاتێنیان پێ دەکەن، تا ئێستا من ساغ نەبۆتەوە لام حزبانی ناوبراو سەر بە کام خەتی جیهانین، دەبوایە ئەم حزبانە بە درێژایی مێژوو هاوکاری و هاریکاری یەکتریان بکردایە لەبەر بەرژەوەندی ڕەوای گەلی کورد گەرچی سەر بە خەتی جیاواز بن. 

جواهر لال نەهرۆ دەیگوت، ئەگەر لە ژێر دەریا دوو ماسی شەڕیان بکردایە ئەوە دەستی ئینگلیز یان ئەنتلەگنس سرویس جاران و MA5 ئێستا لە پشتی دایە، بەڵام من لێرەدا دەڵێم، ئەگەر لە رووی کۆمەڵایەتی یەوە لە نێو خێزانێک شەڕ بەرپا بێ، ئەوە بەڕاستەوخۆ و ناڕاستەوخۆ دەستی دوو سازمانە زلهێزەکەی تیایەو لە پشتە، ئەم دوو سازمانە زلهێزەی جیهان، تابلوی جیوپولتیکی جیهان لە نێوان خویان وەک شووتی قاژ کردووە، هەر کە تۆڕە بوون یان مەزاجیان تێکچوو، توێکڵە شووتیەکان دەگرنە یەکتر، لێرەدا توێکڵە شووتی میتافورە بۆ کەرەستەی جەنگی، چەکی مۆدرێن و کلاسیکی، بەدرێژایی مێژوو سەدەی بیستەم و سەدەی بیست و یەک، شەڕ نییە بەرپا کرا بێ، دەستی ئەم دوو سازمانەی تیا نەبێ، وەک ئاگری بن کا خۆیان خزاندۆتە هەموو کونج و کەلێنێک، تێکڕای ماڵ و خێزان و گروپ و خێڵ و پارتێکی سیاسی و لایەنی ئاینی تەنانەت ئەم سازمانە لە ژێر ناوو نیشانی دیکە پێش چەندین سەدە دەستیان هەبووە لە داهێنان و دروستکردن و داڕشتنی ئاینە ئاسمانیەکان، بۆ نموونە کاتێ ئاینی جوو هاتە کایەوە ئەو دەمە گەرای مۆساد دانراوەو ستراتیژی بوون بە دەوڵەت لەسەر ئاستی جیهان بە شێوەی ناڕاستەوخۆ، ئەگەر CIA خاوەنی ئاینی مەسیحی بێ و دەستی لە دروستکردن و پەرەپێدانی هەبێ ئەوە KGB خاوەنی ئاینی ئیسلام و دەستی لە دروستکردن و پەرەپێدانی هەیەوهەبووە. 

ئەم دوو سازمانە باڵا دەستەی جیهان و وڵاتانی زلهێز تەنانەت خۆیان خزاندۆتە بواری هونەری وەرزشی و فوتباڵ و بوارەکانی دیکە بۆ نموونە میسی سەر بە کڵاو ڕەشەکان و روناڵدویش سەر بە کڵاو سوورەکانە، دەبێ خوێنەری بەرێز هەڵێبێنێ کڵاوڕەش کامن سازمانە، کڵاو سووریش کامن رێکخراوە، تەنانەت یانە وەرزشیەکانی ئیسپانیا و ئینگلتەراو فەرەنسا و بگرە تێکڕای جیهان لەسەر بنەماو وباکگراوندی سیاسی و کۆمەڵایەتی و نەتەوەیی دادەمەزرێن و کایەو گەمە لە نێوانیان دەکرێ، گەرچی وەرزش بەگشتی و فوتباڵ بەتایبەتی بەدیوی رواڵەتیی بۆ چێژو خۆشی بەڵام بەدیویکی دیکە بۆ یەکخستنی شوناس و یادەوەریی یە، تواندنەوەیانە لەنێو ئامانجێکی مرۆڤ دوستانەی بەرز، فوتباڵ گەرچی کێ بەر کێ یە بەڵام روح و گیانی وەرزشی بە نموونە دێننەوە بۆ بوارەکانی پەیوەندی سیاسی و کۆمەڵایەتی و چارەکردنی گرفتەکان. 

ئەگەر زیاتر ورد بینەوە بڕوانینە تابلوی سیاسی و سەربازی و کارەساتەکانی جیهان و ناوچەکەو جیهان بە ئاشکرا شوین دەستی ئەم دوو سازمانە باڵا دەستەی جیهان پێوەیان دیارە، بۆ نموونە دەرهێنەری کارەساتی هەڵەبجە و دەرهێنەری شانۆگەری ئەنفال لە واقیعی سیاسی دا دوو کارەکتەری جیاوازن سەر بە دوو رێکخراوی سازمانی جیهانین، رۆژێکیان یادی کارەساتی هەڵەبجەمان کرد لە ناوچەیەکی جیهان لە گوتارەکەی دا نەفرەتمان لە ڕژێمی سەدام و خودی سەدام کردبوو، کابرایەکی عەرەبی بەغدایی، پێدەچوو سەری لە پلانە نهێنیەکان دەربچی هەر بۆیە گوتی، سەدام هەقی چی یە بەسەر هەڵەبجەو ە سی ئای ئەی ئەنجامی دا، سەبارەت بە کارەساتی ئەنفالیش شێوەی ئەنجامدانی پروسەکە لە سیاسەتی سوڤیەتی جارانەوە نزیکە بەتایبەت لە سەردەمی ستالین، لێرەدا وەک دەرئەنجام دەبێ بزانین کێ یان چ سازمانێک کارەساتی ئەنفالی ئەنجام داوە، ڕاستە بە کەرەستەو ڕەگەزی عەرەبی و هەندێ سیخۆڕی کورد ئەنجام درا بەڵام دەرهێنەرە سەرەکیەکەی کەی جی بی بوو وەک سازمان، لە ڕاستی دا ئەم سازمانانە باکگراوند و دەرهێنەری تێکرای تابلۆوە سیاسی و سەربازی و شەڕو جەنگەکانە لە ناوچەکەو جیهان لەهەمان کاتدا خاوەنی پروژەی مرۆڤ دوستی و کۆکن لەسەر بوونی کۆمەڵگایەکی ئەستانداری جیهانی، بۆ نموونە ئەگەر باسی شەڕ بکەین ئەوە شەڕی نێوان روسیاو ئوکراین وەک دەرئەنجام دیارە سازمانی باڵادەستی روسی FSB و سی ئای ئەی لێ بەرپرسیارە، هەر بۆیە وڵاتانی ئەوروپی و ئەمریکی پاڵپشتی ئوکراین دەکەن و چەک و تەقەمەنی و فروکەی ئیف ١٦ پێ ئەدەن، تەنانەت ئەم شەڕەی دوایی نێوان بزوتنەوەی حەماس و ئیسرائیل کە حەماس دەستپێشخەر بوو بە هێڕش کردنی بۆ سەر ئاهەنگێکی هاوڵاتیانی ئیسرائیل، لەڕاستی دا شەڕە لە نێوان دوو سازمانی باڵادەستی دونیا، شەڕە لە نێوان ئیف ئیس بی روسی و موسادی ئیسرائیلی، بێگومان سی ئای ئەی و موساد لە نێو یەک بێشکەدا بەخێوکراون، هەر بۆیە پاڵپشتی یەکتر دەکەن، وەک لە دەقە ئاینیەکان دەڵێ (انصر اخاک ظالما او مظلوما) بە واتای پاڵپشتی براکەت بکە ئەگەر زاڵم بوو یان زوڵم لێکراو بوو، لە ڕاستی دا ئەم بابەتە وردەکاری زۆرتر هەڵدەگرێ، دەکرێ زۆر نموونە دیکە بخرێتە روو لەسەر ئاستی جیهان و ناوچەکە بەڵام تائیرە بەسە بەهیواین لە گوتارێکی دیکە ئاوەڕی لێ بدەینەوە .