رەسوڵ سەفەریانی
کاتی سەفەرێکیتر هات و نیشتمان خەفەت دایگرتەوە. ئەو هەمیشە لەسەفەر و رێگا دەترسا. دەیگوت رێگاکان هۆی جوداییەکانن. کە ملی رێگات گرت ناچار بەشێک لە خۆشەویستی و خۆشەویشتییەکانت جێ دێڵیت. رێگا دووری دێنێت. هەمیشە دەیگوت خۆزگا رێگا قەت نەبووایە. هەمیشەموسافیریش لەم کاتانەدا هەمیشە دەیگوت هەر ئەم رێگانە جارێکیتر دەمانباتەوە لای یەک.
پەشێۆ مەریوانی
ئێوە بەهار، بۆنی گۆڵی لێ دزیون / ئێوە هاوین، / تامی هەموو مێوەی خۆشیی / عەرزی خودای / لێ بڕیون / بۆ دەبێت من لە بر ئەوان / ببمە سەرچاوەی پەرۆشی و / دەرد و ڕەنج و ئازار و ژان./ ئەوا نیە؟ / ڕۆژێک / دەبمە بووکی پرچ زەرد / ڕۆژێک هێمای بێ وەفایی و / ڕۆژێک کانگەی هەناسەی سەرد. / ئێوە کاتێک / هەموو دەرد و ڕنجی خۆتان / لە هاتنی من دا دەبینن / لام سەێر نیە / لە ناو هەموو ئەو رەگانەدا / کە وەکو تابلۆ دەینەخشێم /تەنیا ڕەنگی زەرد دەبینن.
سەباح ڕەنجدەر
ئەو ئاوە ڕوون و ڕەوانەی ڕشتی بۆ ئەبەد ڕۆحی تەڕ کردووم و لە ناخی دڵەوە لەگەڵم دەدوێ و ناخی کردووم بە مێزگرد و مێزی گفت و گۆ، بەڵام ھەستی شیعریی من لەسەر ھەستی شیعری ئەو دانەمەزرا، ھەروەھا بەھیچ ڕێبازێکی سیاسی و ئایدیۆلۆژیش کاریگەر نەبوویمە، بێجگە لە شیعر خۆی نەبێت، شیعری بێگەرد. دوای ئەوەندە ساڵە و بڕینی ھەزار و یەک ڕێگای سەخت، نازانم چۆن دەربڕین لە پایە و بەھای تۆ بکەم و پاداشت بدەمەوە.
رەسوڵ سەفەریانی
"خۆشەویستم! بەڕاستی ژیان بە بێ تۆ لەلام وەک دووری و نامۆێی لێدێت و چرکەکان قورس دەبن، بەڵام کە لەلاتم، ئاگام لە سەعات و روژیش نییە. تۆ وەک نیشتمانی، لە ئامێزتا ئارام وئۆقرە دەگرم. بۆنی تۆ مایەی قەرارمە، بۆیە من پێم وایە تۆ نیشتمانی منی. تەنیا لەلای تۆ هەست بە ئاشنایی و ماڵە خۆ دەکەم.
محەمەد ئەدیبی ـ بۆکان
لەم یەک دوو دەیەی ئاخریدا شێعر و هۆنراوە داکشانی بە خۆیەوە بینیوە و شەیدایانی هۆنراوە وەک جاران مۆمی هەستیان بە ئاگری ئەوێستایی شێعر داناگیرسێ و شەپۆلانی پڕ لە جۆششی شێعر تاسە و مەیل کەیل ناکەن. بۆچی وەک جاران خوێنەران بە لەزەوە هەڵناکوتنە سەر سنگی شێعر و لەو خوانە پڕ پیت و بەرەکەتە داوای بەش و حەسانەوە ناکەن.
لە سویدیەوە: سایتی قەڵەم
"چیارا سانگیورگیو" کارناسی بەشی سزای کوشتن لە ئەمنێستی ئینتێرناسیونال دەڵێت: جێگەی داخە هێشتاکە وڵاتانێکی زۆر لەسەر ئەو بۆچونە هەڵەیە راوەستاون کە پێیان وایە کوشتنی مرۆڤ لەسەر ئەو تاوانە دەبێتە هۆی کۆتایی هێنان بە کەسانی گیرۆدە بوو یان کەمکردنەوەی ژمارەی تاوانکاران.
گۆران رەئوف
ئێوارە دێمە دەرێ، دنیا ساردى ساردە،
هەواى پایزان هەمیشە دڵتەنگییەکى لەگەڵدایە
کەمن خۆشمدەوێت!
ئێستاش هەروایە،
بێدەنگییەکى ترسناک لە کوچە و کۆڵانەکاندا هاژەیان دێت.
سەباح ڕەنجدەر
لە یەکەم خەڵوەتدام و سەرگەرمى خۆشەویستى خودام / خوداى ناو تەورات/ خوداى ناو ئینجیل/ خوداى ناو قورئان/ تەورات و ئینجیل و قورئان باسى خودایەکم بۆ دەکەن خۆشم بوێ / گەشەى ڕۆح لەدوا خەڵوەتدام و ئەم خۆشویستراوەم بۆ ورد ناکرێتەوە / بولبولێک لەپاڵ گوڵێکدا دڕکى لەژێر پێیەکانى لاداوە / تاسەى خۆى بۆ دەنووسێت و پێى دەڵێت
رەسووڵ سوڵتانی
پار لەگەڵ هەڵگیرسانەوەی شەڕ ئێوارەیەک چەک و رەختی لەخۆی دابوو و هاتە بەردەرگا بۆ ماڵاوایی. گوتی: ئەوە رێی هات و نەهاتە. دەڕۆم. ئەگەر هاتمەوە و چاوم پێت کەوتەوە زۆر شت هەیە بۆتی باس دەکەم، ئەگەر نەشهاتمەوە، کلیلی ماڵەکەمم لە فڵانە شوێن داناوە، دەفتەرێکی بەرگ قاوەیی لە ریزی یەکەمی کتێبەکانمدا لە تەنیشت رۆمانەکەی دۆن کیشۆتەوەیە. بیکەوە موو بە موو هەموو شتێکم تێدا نووسیوە. ماچم و کرد و رۆیشت.
وەرگێڕانی: هاوڕێ نەهرۆ
دەرگای شانەکان هەمیشە کراوەیە
تامی هەنگوین لە هەموو جۆرەکان، بەڵام
ئەمساڵ هیچ مێش هەنگێک لەروومەتم بوونی نییە
تەماشای هەڵی لە وەسف نەهاتووی خۆم ئەکەم
فەڕۆخ نێعمەتپوور
ئێوارە ئەو دەمە بوو وا هەر چرکەیەک هەنگاوێکی گەورەیە بەرەو تاریکیی شەو. هەر چرکەیەک لە گەڵ خۆی دونیایەک رەنگی رەشی هەڵگرتبوو. کچەکە ناهومێدی قورسایی گۆزەکە و تاریکیی شەو و قسە سەیروسەمەرەکانی کوڕەکە، پێی هەڵگرت و رۆیشت. کە گەیشتە قوژبنی دیوارەکەی خۆیان، دوو فرمێسکی روون بە گۆنا ئاڵەکانیدا هاتنە خوارەوە.
سۆران محه‌مه‌د
چەند خۆشە بە دڵشکاوی ماڵئاوایی نەکەین، دنیا زوویرەکان ئاشتبکەینەوە، ئەوسا هەمیشە یادەوەریەکان هیوایەکمان بەبەردا دەهێننەوە، ئاسوودەییەکمان پێ دەبەخشن، وەك ئەوەی بەشێك لە گیانمان لەو جێیانە جێهێلابێت بۆ موتابەعەی گۆڕانکاریەکان تیایاندا، پرسینی هەواڵی ئەزیزان و جۆرێک لە ژیان لەگەڵیاندا.