ئەمیر کەریم‌نژاد
هێندەم هەسان
بە لێوی هەتاودا
هێنا
هەتا
شەقم بە شەو برد
شەقام تا چاو بڕکا
ئەمیر کەریم‌نژاد
دڵتەنگی من
ئاسمانێکه
هەموجارێ
له ژێر چەتری
دیدارمانا
هەور ئەکات و
دا ئەبارێ
*****
هێندەم هەسان
بە لێوی هەتاودا
هێنا
هەتا
شەقم بە شەو برد
*****
زریانێک
ترساوم
لە وەرینی
چرۆی ئەشق.
بارانێک گریاوم
بێ هیچ شتێک
ئەلۆیەک
تا ژیربونەوەم مەوەدایە
***
درەنگانەو
پێ، سەری
پێ هەڵگرتوم
شەقام
تێم ئاڵاوە
هەنگاو لە دوی هەنگاو
فوو لە دوکەڵی بیرەوەریم دەکاو
جەستەم تیربارانی
جگەرە
لەم نازانم چی بکەمەدا
پێ، بیر لە هەڵاتن دەکاتەوە و
شەقام تا چاو بڕکا....
من
تا خوا حەزکا.....
