ما 737 مهمان و بدون عضو آنلاین داریم

و. نەژاز عەزیز سورمێ

هەناسەت

بۆ ڕێبوارانی ماندووی خۆرنشین  

چایەكی گەرمە

تۆ دەڕۆی

جوانیشت

لەسەر پەیژە دانیشتووە.

 

لە شیعری نوێی ئەفغانییەوە

ئەلیاسی عەلەوی

          

و : نه‌ژاد عزیز سورمێ

 

 

(1)ـ بە پێڵاوی لۆكەوە

 

بە پێڵاوی لۆكە و

باڵتۆی سەوزەوە

لەسەر پەیژەكە دانیشتووی

بێ پێڵووبزاوتێك

لە گۆنات ڕاماوە.

هەناسەت

بۆ ڕێبوارانی ماندووی خۆرنشین  

چایەكی گەرمە

تۆ دەڕۆی

جوانیشت

لەسەر پەیژە دانیشتووە .

 

 

  (2)ـ لە دەساڵیدا كۆتاییم پێ هات

برسیم،

وەك قورئانێك

هەزار ساڵە

دەلاقە دەبوغزێنێ

 

تینووم و

(عەباس) یش

هەموو ئاوەكەی

بۆخۆی دەویست!

پێستی سكم

بە ئێسقانی پشتمەوە نووساوە.

سیمای براشم

لە هی من وێرانتر

من تێكشكاوم

وێنەی (كابول)ی دایكم و

(بوزا)ی باوكم

تەماشای هەنییەم كە!

من وەك ئەو سپییەتی و ڕەشاییە

لە بەردامە كۆتاییم پێ بێ  

 

 

 

* ئه‌لیاسی عه‌له‌وی شاعیری ئه‌فغانی ساڵی 1981 له‌دایك بووه‌ ،  یه‌كه‌مین كۆشیعری ( من گورگێكم خه‌ون ده‌بینم) له‌ تاران  بڵاوكردووه‌ته‌وه‌ ، ئێستا له‌ ئوستورالیا ده‌ژی .

 بۆ شیعری یه‌كه‌م بڕوانه‌ ماڵپه‌ڕی ( جدار الصوت ) ڕۆژی 11-12-2015 و شیعری دووه‌م له‌ ڕۆژنامه‌ی (العالم)ی عێراقی ژماره‌ی ڕۆژی 22-12-2015 كراوه‌ به‌ كوردی .