و. نەژاد عزیز سورمێ
تۆ وەك دووپشك
بە ترسنۆكی
لە تاریكیدا دەژی...
تۆ وەك چۆلەكە دەلەرزی
وەك ماسی سەدەفی
هەموو دەرووت لێ گیراون
له (نازم حیكمەت )ه‌وه
و: نه‌ژاد عزیز سورمێ
(١)
بۆ ڤێرا
وتی: بە یارمەتیت وەرە!
وتی: بمێنەوە!
وتی: زەردەمسكە ببەوە!
بمرە!
هاتم ...
مامەوە ...
زەردەمسكە بوومەوە و
مردم.
(٢)
پیاوێكی گەشبین
كە منداڵ بوو
چ جاران باڵی مێشێكی هەڵنەكێشا
تەنەكەی بە كلكی پشیلانەوە نەكرد
یان خاڵخالۆكەیەك
لە پەلكە شخاتە بەند بكا
یاخود ،
پێ لە شارەمێروولەیەك بنێ.
كە گەورە بوو
هەموو ئەو شتانەیان بەو كرد!
من لە تەنیشت جێ و بالنگانی بووم كە مرد
پێی وتم:
قەسیدەیەكم
لەبارەی خۆر و دەریا
لەبارەی
فڕنە ناووكیی و
مانگە دەسكردەكان و
گەورەیی مرۆڤایەتییەوە
بۆ بخوێنەوە!
(٣)
نامۆترین بوونەوەری سەرزەمین
تۆ وەك دووپشك وای براكەم !
تۆ وەك دووپشك
بە ترسنۆكی
لە تاریكیدا دەژی ...
تۆ وەك چۆلەكە دەلەرزی
وەك ماسی سەدەفی
هەموو دەرووت لێ گیراون
وەك دەمی ئاگرپژێنێكی خامۆش
بە سامی برام!
