سەرحەد شوکری
لەســــەردەمی رۆم و فارس تامەلەکــــــــــــی و جووت حیزبەکە
ئێمە مەڕو شـــــوان گورگ و قەسابەکان بۆمان دەکوتن تەنەکە
چرای ئاوات
بۆ دکتۆر کەنعان مەدحەت
سەرحەد شوکری
سەرسوڕماوم نازانم چۆن بانگت بکەم هۆ ئەسڵزادەی گەرمیانی
چ نورێ بووی کە دەرکەوتی لەشـــــــــــەوەزەنگی کوردایەتی!
دەفرۆشــــــــرێین وهەموو دەگرین دەناڵێنین شین و واوەیلامانە
کوشـــــتەی دەستی غەدرو خیانەتی ئەم گورگــــــــــە دوو پێیانە
لەســــەردەمی رۆم و فارس تامەلەکــــــــــــی و جووت حیزبەکە
ئێمە مەڕو شـــــوان گورگ و قەسابەکان بۆمان دەکوتن تەنەکە
لـە چ شەوێکی دەیجورا خۆری ئاواتی شــــۆڕشت وا تاوی سەند
پێویســـــــــــــــتمانی رزگارمان کە لەم خەراباتەو کۆسپ و کەند
نوری بینایی پیرەمێرد،هەتیوی روت و رەجاڵ و بێوەژنانی بێکەس
خنکاو پەل دەکوتێ بۆ چڵێك، تاوەکو بێتە هانای وەك فریادڕەس
گەندەڵکاران پێشڕەون شێری زگی میللەت و ڕێوی بەرقاپی داگیرکەر
بۆ پێشەوە مەشخەڵ بەدەست ئەی کەنعان پشتیوانت گەلی رەنجبەر
ئەم شــــیعرە وەفاو خەڵاتە بۆ هیمەت و هیوای بەرزت باڵا چنار
کەی دەژین وەك مرۆڤ ئێمەش دوور لە دەڵەك و واشەو زۆردار؟
