ما 5961 مهمان و بدون عضو آنلاین داریم

سوهەیلا مێهەمی

تەنانەت بۆ یەکجاریش

 ناگاتە دەستەکانم

قۆپچەی کراسەکەت

بێ ئەوەی ئاگادار بی

بە کلیلی وشەکانەوە

دەڕژیتە ماڵی شیعرەوە

 

جگەرەکەت هەڵکە

سوهەیلا مێهەمی

 

دەستێک بێهێنە بە پێستمدا

نەرم

بە مەمک و لێو و

قژەکانمدا

شێت.

 

بە ئەم شیعرەدا

کە ئازای ئەنامی ئاڵۆزە.

 

جگەرەکەت هەڵکە

لە هەڵەمووتی هەتاوێک

کە ناوی بێ تۆێیە.

 

خەریکە خەسار بێ

لە خۆمدا

خەیاڵێکی ڕووت

بە شاوەتی شەوێکەوە و

تامی تاوانی  تەماشایەکت

کە نەمکرد.

 

تەنانەت بۆ یەکجاریش

 ناگاتە دەستەکانم

قۆپچەی کراسەکەت

بێ ئەوەی ئاگادار بی

بە کلیلی وشەکانەوە

دەڕژیتە ماڵی شیعرەوە

 

بۆنی لا ملی وشەیەک

وەشاوەتە

ئەم ئێوارانە

کە هەنارە  و هەر پاییز

لە خۆڕا

بارانێکی بە پەلەم و

(باران)ە  قاوەییەکانم خۆش دەوێ.

 

سنە

سوهەیلا مێهەمی

گەڕان بۆ بابەت