ما 671 مهمان و بدون عضو آنلاین داریم

تێگەیشتن بە بێ تاوانبارکردن

چیرۆک ئەوەندەی دەبێتە هۆکاری تێگەیشتنمان لە کردە و لە دەروون و زاتی مرۆڤ، نابێتە هۆکاری ناسینی هۆکارەکانی کردە و دەروون و زات. هەندێ جار، تێگەیشتن، گرینگترە لە ناسینی هۆکارەکان و ئەمە دەبێتە هۆی تۆلێڕانس و وشیاری زیاتر بەرامبەر بە یەکتری.

زۆر جار هۆکاری کردەکانی مرۆڤ نادیارن، یاخود دۆزینەوەیان دژوارە، یان رەنگە هەر لە بنەڕەتدا هۆکارێک جگە لە ئیرادە و حەزی لە پشت نەبێ. مرۆڤ لە چوارڕێیانی پێکەگەیشتنی دونیایەک رووداو و شتە، جاری وایە هۆکاری کردەکانیشی لە خۆی نادیارن.

چیرۆک بە بێ ئەوەی بمانگەیەنێتە هۆکار، دەمانگەیەنێتە ئەوەی کە مرۆڤ لە ئاڵۆزی خۆیدا ببینین و بۆیە زیاد لە رادە چاوەڕوانیمان لێی نەبێ. زۆر جار دەبێ مرۆڤ تەنیا وەک خۆی ببینین.

چیرۆک، دەروازەیەکی گرنگە بۆ تێگەیشتن لە یەکتر بە بێ تاوانبارکردن.

سایتی قەڵەم

١٦ دێسێمبری ٢٠٢١