ما 7407 مهمان و بدون عضو آنلاین داریم

سەردار جاف

ئەمجارە دەبمە پەرژين بۆ دەوری يار

با من بخوا و ئەو بێ وەی بێ

نەبا ئەو بڵێ بێ کەسم

نەتزانيوە هەر من هەموو کەسم

ئاشقتم و خۆشم دەوێی خۆشەويسترين کەسم

 

ئێوارانە ٢٧

سەردار جاف

 

 ئێوارەيە و بێ ئەقڵي دارەدارەی کردووە

بە دەم هەنسک و وەنەوزی رێوە

برسێتيم دەچنييەوە

خۆ دەسکەنە دەکەم  بوو

لە سۆراغی رابردووما،

نوقمی خەياڵە پوچەکان بووم 

لە نێو بەيبوون و باغێ ئاڵۆسکاوم

کەچی دڕکە زی دەچێتە پێم

جاوە شەهلاييەکە جار و بار ياغی و ئاڵۆسکاو

من هەر لە چيمەن دوورينەوەم

دايکم چرا قوتيلەکەی بەر پەنجەرەکەی فڕێدا

بە دووی رۆشناييەک عەوداڵ بووم

نغرۆی سەرابێ بووم و لە خود تێنەدەگەيشتم

نازانم تای چ دەردێکی دڵم گرتبوو

پێم وابێ ئيشق بوو

کۆڤيدی شەيدایی ساتەکانمی شەن و کەوی دەکرد

بە دووی ئەو يەقينە وێڵ بووم کە نەنکم بە دەنگە پڕ حەسرەتەکەی بۆی دەگێڕاينەوە

دەمهاوارە گوێی

 درێژەی پێبدا

دەيگوو وريابە يەقين دێ و مەمکەکانی يار دەبڕێتەوە

لەوێوە درۆکانيان جاڕ دەدرێ

بە دەم برسێتی ئەوی رۆژگارەوە

ئەو پەتايە لە پەلوپۆی خستبووم

ژمارە ديارەکەی گوشيەکەم و

عەتری سەر پێڵاوەکان و

سووتانی لاپتۆپەکە و

قرچەقرجی قامکەکانم بە بای گڕەوە

زۆر بێ عەقڵی ديکەم نواند

سبەينێ تەمەن لەو تخوبەوە دەست پێدەکاتەوە

       ئوس ) و ( ئێس ) و ( ڤۆڵتێرس )و ( چەمێ )  بێناونيشان )

دەبێتە جێ تراتێنی هەڵپەڕکێ

وەختە کڵافە رێسەکەم لێ دەبێتەوە خووری

دايکم وەک ئێمە گوێی لە نەنکم نەدەگرت

هەمووی لە بەر کرد بوو

وەڕس ببوو

شەوانيش ، بە ترسی ئەو شەولەبانە سوورە دەيخەواندين

ئێمەيش و دايکيشم لێی تۆقی بووين

نەبا بێتەوە

مەمکم نەبوو بيخوا

ئەو کاتيش لە مەمکی خوشکەکانم دەترسام

ئێستايش مەمکەکانی ئەو ديوی تخوب

يەژن شەو لەبانە سوورەکە دێتەوە

ئەمجارە دەبمە پەرژين بۆ دەوری يار

با من بخوا و ئەو بێ وەی بێ

نەبا ئەو بڵێ بێ کەسم

نەتزانيوە هەر من هەموو کەسم

ئاشقتم و خۆشم دەوێی خۆشەويسترين کەسم

گەڕان بۆ بابەت