سەردار جاف
ئێوارەيەو
شنەبايەک لە شەوێکی گێژەلوکەیی هەڵدەکا و
تا سبەی درێژەی دەبێ
خۆرهەتاوێ
لەم ديو برينێ رێم پێ دەگرێ و
لەو ديو فوارەی خوێن و کون هەڵدەسێ
ئێوارانە ٢٨
سەردار جاف
ئێوارەيەک
عەباس* لەو ديو دەرگاکەوە
لێوە ئەستوورەکانی دەقرچاند
ڕمبەڕمبی کوتانی دەرگاکە
ئاوێتەبوونێکی وەڕس بوون بوو
پێکەنينەکانی هەترەشی بردبووين
تەنافەکەی ماڵمان من وعشقی پێوە هەڵواسرابووين
تەڕتەڕ هيشک نەدەبووينەوە
پێدەچوو گەمەکەی عەباس
لە رۆحمانا يارييە جوانەکانی بکا
بەرەو فەنا بوون غلۆر چووينەوە
نەرمە جوڵە و قسە بێسەروبەرەکان
شين شين دەبوونەوە
خەرمانەيان دەنواند بەنيازی بارانێ
ئەکتيڤيا رۆحێکە و لە داڵدەدانمانە
هەستە نهێنييەکان هاوێر دەکەن
چووە ديداری يارانێ
ئەوی رۆژێ ئەو لە چەمەکە ديقەتی هەترەش چوونێکی دی دا
تەزين و شەختە بوون، پێکەوە لە چاوەکانا بوونە تابلۆيەکی دايلانی
شوشەی قوتووبەندە کريستاڵييەکە
هێشتان وێنای دڵ و تيرەکەی جارانی پێوە مابوو
بە بەرخەرمانی شێت بوونی گەياند
دوێنێ نەوەت و چوارێ سەر تەختی گوشييەکەی داپۆشێ بوو
پێشکەمێکيش
غەزەلێ قسە رووتەکانی بۆ يار چرپاند
جووتێ مەمک لە شيعرێکما نەخۆش کەوتن و
لە بن ساباتەکەی خۆ مەڵاسم دەدا
هەر ئەو رۆژە
لە کلينکەکە دکتۆر لە سۆراغی شيعرەکەيە و
هەتوانی دڵمی بۆ دەنووسێ
ئێوارەيەو
شنەبايەک لە شەوێکی گێژەلوکەیی هەڵدەکا و
تا سبەی درێژەی دەبێ
خۆرهەتاوێ
لەم ديو برينێ رێم پێ دەگرێ و
لەو ديو فوارەی خوێن و کون هەڵدەسێ
ئیدی نغرۆی شیتی و دڵی پەسم
خوشمدەوێی خۆشەويسترين کەسم
عەباس : مەبەست عەباسە شێتی گەڕەکی ئازادی کەرکووکە*
١١ / ٤ / ٢٠٢٣
ئەڵمانيا
