ما 27030 مهمان و بدون عضو آنلاین داریم

سەردار جاف

پێکەنينەکانی دوێنێم بە گريانەکانی ئەمڕۆم سڕی / چارۆکەيەک خەمم بۆ هات  / لە سندوقی پۆستەکەمدايە / پڕ بوو لە فرمێسک و تاريکی شەهلا / تەنهایی منی پێويست بوو / دەرۆزەکەرێکی دەروازەی دەزووی گرێدانی بووم / شەو منی لە تەليسمی تاريکی ئاڵاند / کەچی گڕوگاڵی گريانێکم بوو / حەسرەتەکانمی بە خۆوە گرێ دابوو

 

ئێوارانە  ٣٦

سەردار جاف

 

ئەم ئێوارە

بانێژەيەکی سوتماک

پڕ لە چۆڵەوانی

تاريکی کزکز باڵ دەکێشێ بە سەر گەڵا بە گەڵای  دارەکە

مانگ بە پێپليکانەی رۆشناييدا دێتە خوارەوە

لە پەيژەی قرچەقرچی دڵمدا هەڵدەخزێ

پێيەکانی بە سەر لەشمدا دەترازێنێ

هەنسکی خۆر

دوا ترپەی ماڵئاوایی بە نێو چەوانی شەبەقی رۆژدا دا

ئيدی چۆلەکەی سەردارەکەی دراوسێی ناجريوێنێ

تەنها زەنگی مۆبايلەکە نەبێ

بە داڵانی ماڵە تەنهاييەکە دێ و دەچێ

پياسەيەک بە بەر دەرگا بە دەرگای ژوورەکانا دەکا

هاوارێک لە پەنهانی 

سوورمەی سوخمەکەی دەترازێنێ و رۆژ دەبريسکێنێ

ئەو لەو ديو هاوار و ناڵينە

من لێرەی گڕگرتنا تاڵاويم لە جێی شيرينە

هەناسەم داوەتە بەر گڕی ئاگرەکەی

دەسوتێم گڕ بە جەستەمەوە ديار نييە

گڵۆڵەی بەن

لە زەمەنە ئاوەژووەکانەوە هەڵدێ

پێکەنينەکانی دوێنێم بە گريانەکانی ئەمڕۆم سڕی

چارۆکەيەک خەمم بۆ هات 

لە سندوقی پۆستەکەمدايە

پڕ بوو لە فرمێسک و تاريکی شەهلا

تەنهایی منی پێويست بوو

دەرۆزەکەرێکی دەروازەی دەزووی گرێدانی بووم

شەو منی لە تەليسمی تاريکی ئاڵاند

کەچی گڕوگاڵی گريانێکم بوو

حەسرەتەکانمی بە خۆوە گرێ دابوو

تۆ هێشتان

لە دەرۆزەکردنەکەی من ناگەی

من سواڵی بزەی لێوت و

نيگای تيلە و

ماچی گۆنا و

شەرابی سينە و

مەستبوونی خەرەندی توانەوەی تۆمە

هەر وێڵ و لە سۆراغی

کۆتا تاريکی و تەنهایی و

بە ئاگابوونەوەی مەستی و

سەمای لێو و

 ماچی تەڕ و

تێربوونی نيگا و

دارەدارەی ئيشقی بی حەوسەڵەیی خۆمە

ئیتر نازانم بۆ دەڵێی بێکەسم

ئەوە نييە هەر لە ناو چاومی و

  خۆشم دەوێی خۆشەويسترين کەسم

 

 

 

 

گەڕان بۆ بابەت