ما 1288 مهمان و بدون عضو آنلاین داریم

سەردار جاف

نوێژی ئيشقم دابەستووە، سەرگۆنەتە قيبلە و رووگەم

ياساغە کڕنوشی نمام،  نەبا لێڵ بێ خۆرە نيگا

لەرەی کوڵمت مينا دەفی دەروێشييە و فەنابوونمە

بە شەونمی گومڕا رێ بم ، ژوانم نەگۆڕە نيگا

ئێوارانە ٥٥

سەردار جاف

 

دەرگيلی رووت کڵۆمدراو، لە خەياڵما زۆرە نيگا

ساتێ چارشێوت هەڵماڵە، ئەشکبارم شۆڕە نيگا

پەڕەی گوڵی کوڵمەکانت، ئاونگبارانە زنەيە

هەنار لە دامەنی شەرمن، خەڵکيش هەمەجۆرە نيگا

 نوێژی ئيشقم دابەستووە، سەرگۆنەتە قيبلە و رووگەم

ياساغە کڕنوشی نمام،  نەبا لێڵ بێ خۆرە نيگا

لەرەی کوڵمت مينا دەفی دەروێشييە و فەنابوونمە

بە شەونمی گومڕا رێ بم ، ژوانم نەگۆڕە نيگا

پەرێشان و خەرباتە رۆح و هەستی هەتيوو کەوتووم

زەمەنێ بێ تۆ بخوڵقێ ،ژێوانم لە گۆڕە نيگا

باسەرفترەی رۆژووگرتووی چاوەکانم ماچی لێو بێ

کە من دووری باڵای تۆ بم ئەوکات گڕی زۆرە نيگا

بارانم وێڵی خەڵوەتی کێڵگەی گێلاسی زنناريت

خەراباتە فەنابوونم ساتێ لێم بنۆرە نيگا

سۆفييەکم بە قامەتتا زيکر و تەهليلەی ئيشقمە

شەوارەم لەم بێشەيەدا، ئەندێشەی بير، پۆڕە نيگا

 بە سەر بەرماڵی سيحردا، زەردەی خۆرەتاوان دەفڕم

خوايە بۆم بکە بە نوێژێ، دەيپەرستم تۆڕە نيگا

دييەم کوێر و نابينا بێ، لە ڕێی ديقەت قەت لانادەم

دوا نوزەی چاو گەر بمێنێ، بۆ شەهلايە چۆڕە نيگا

 

١٢/١٢/٢٠٢٣

گەڕان بۆ بابەت