ما 1192 مهمان و بدون عضو آنلاین داریم

سەردار جاف

ئەمشەو دەبمە

سەرەنێڵێکی سەرەڕۆ

لە تەک گڕ و گرمەی تەقينەوەيەکدا

خەون دووکەڵێکی رەشە

بە باڵای شارما دەبارێ

 ئێوارانە ٥٦

سەردار جاف

 

ئێوارەيەک

 نەعشێ پێکەنينەکانم ختوکە دەدا

تارماييەک چاوەکانی

زەردەپەڕی بولێڵ دەکا

تەمتومانێ

بەر لە ئاوابوونی خۆر دنەی حەسرەتەکانم دەدا

ژنێ فرمێسکەکانی لە سەر رێگاکەم دەچێنێ

دايکێ قوڵپی گريانی بە هەستەکانم دەسپێرێ

باوکێ دەستە

 لەرزيو و ئاهی ئاوابوونی کوڕەکەی

دەداتە بەر چرا گومەزی مەرقەدی

 شار و بە نێو نيگاکانم ترپەيەکن

دەمهەژێنێ

شەو لە خەرەندی تەمەن خۆ دەبينمەوە

لە دامێنا

کراسێ خوێنين لە بەر کڕێوەی بەفرا

خاک تەڕ دەکا

سۆما لێڵی دايک دەسڕێ

شەهلايەک

لە ئاتەشی ئەم گڕکانەوە

رێی بە رەو دەيجور بڕيوە

نازانم لە کام کۆلاژی

ئەوين و بەفر و خوێن و رۆح هەڵقوڵاوە

فرمێسکەکانی بە دێر بەدێری شيعرەکانم سڕيوە

ئەمشەو دەبمە

سەرەنێڵێکی سەرەڕۆ

لە تەک گڕ و گرمەی تەقينەوەيەکدا

خەون دووکەڵێکی رەشە

بە باڵای شارما دەبارێ

خەونێ ئيدی وەئاگابوونێ ون دەکا

ئاوابوونێ

ئەسرينێکی ڕێژنەڕێژە

لە تاودانی ئەسپا گلا

کە ژوانێ چاوەنواڕی فووی قەدەمی ئاگر دەکا

سێڵاوی مۆم ئەوکی ئێرە و ئەوێ دەگرێ

شنەبايەک لە زەردەيا رۆحی گێژە

ئەم شەبخونی هاڕينە

تا دێ بڵێسەی هەڵدەسێ

شەو گەڕانێکی ورد وردە

چاوێ وێڵی قەرەوڵ و

پەلەپيتکە لە بن دەستێ

شيپی* دەربازبوون دەگرين و

دێينەوە ژين

تۆی گشت کەسم

خۆشم دەوێی خۆشەويسترين کەسم

 

 

١٨ / ١٢/ ٢٠٢٣

  *شيپ ؛ دەرەتەنگ، خڕ و دۆڵی باريک لە چيا

 

گەڕان بۆ بابەت