ما 1343 مهمان و بدون عضو آنلاین داریم

سەردار جاف

کە هاتمەوە

 بە دووی گەڵا سەوزەکانی ژوان دەچم

دەنک دەنک گەڵا گەڵا وەک قەڵا کۆ دەکەمەوە

نەبا ئيتر ون بێ و نەيانبينمەوە

ئێوارانە ٥٧

سەردار جاف

 

ئەم ئێوارە

کە هاتمەوە نە سۆراغی بەفر بکە

نە بە دووی بارانا وێڵ بە

بۆ خۆم نافورەی گڕکانم

ئاوابوون و هەڵاتنت دەدۆزمەوە

شەرم لە چرای چاو مەکە

هێڵی ئاسنين مەدۆزە

لە کنەی شارێکی ترا ئەندێشە ختوکە مەدە

لە بەرزی و نزمی شەپۆلی دەريای سەرشێتا مەگەڕێ

لە باڵا دەگەڕێمەوە

کە هاتمەوە

 بە دووی گەڵا سەوزەکانی ژوان دەچم

دەنک دەنک گەڵا گەڵا وەک قەڵا کۆ دەکەمەوە

نەبا ئيتر ون بێ و نەيانبينمەوە

بە دۆراندۆری مەرقەدی پيری موغان

زيکر و تەهليلەت بۆ دەکەم

دەچمە خەڵوەت

نزا دەکەم

شەهلاوی بم

هەتا لەسەر سفرەی ماڵما دەيبينمەوە

کە هاتمەوە

کراس بە باڵا و دامانی ئاسمانی شينا دەدوورم

کراسێ لە رەنگی چاوی دايک بچێ

 کراسێ لە خەندەی لێوی کچە جوانی  رەحيماوا و ئێسکان بچێ

کراسێ ورشەی لە دەنگی

دەڵاڵی پاسەکان بچێ

کە هاواری ئەحمەدحاغا و تسن دەکەن

کراسێ لەرەکەی

لە لەنجەی پێی شەهلا بچێ

تا شيرينی لە رێی بەغدا بخۆمەوە

کە هاتمەوە

جارێکی تر بەرەو يادی مناڵی خۆ ناچمەوە

رێگای هەڵەت و سەختی تۆ نادۆزمەوە

بەرەو ساباتی کۆن و کۆن و

هەورە بارانی تريشقە و

مێژووی ئاڵتون

خەرمانی پێکەنينەکان دەدوورمەوە

مينا رۆژيشم لا روونە ناتبينمەوە

کە هاتمەوە

تەنها خەياڵ بۆ يەکەم ژوان دەمبا

عەلە تورکە و

سەرم گێژگێژ

چاو لە گەڕان

زار لە دووان

هەناسەيش بەرەو پياسە

کە پێت دەگەم

شەربەتی هەناری لێوت دەخۆمەوە

تۆ مەڕۆ من هەر لە دووتم

خەم بەرۆکی ئێوە نەگرێ بە ئێوەوە من هەر خاسم

خۆشمدەوێی خۆشەويسترين کەسم

 

 

 

 

گەڕان بۆ بابەت