ما 762 مهمان و بدون عضو آنلاین داریم

سەردار جاف

جێ ژوانی ئێوارانم سەرەولێژە

مەگەر خودا فريادڕەس بێ

دەنا لە نێو پەتووی مەرگ

ئاوازی خاڵخاڵۆکەی شين دەڵێمەوە

 ئێوارانە ٦٢

سەردار جاف

 

ئەم ئێوارە

گێژەڵوکەی بەر دەربەندی ياخی بوونی لوولم دەدا

چين چين تونێلی تاريکی قوتم دەدا

رێ دەرنابەم

نازانم لەو ديوی تونێل رێ دەدۆزم

قورتار دەبم

يا هەر لە هەناوی نەبوون دەخولێمەوە

جێ ژوانی ئێوارانم سەرەولێژە

مەگەر خودا فريادڕەس بێ

دەنا لە نێو پەتووی مەرگ

ئاوازی خاڵخاڵۆکەی شين دەڵێمەوە

باڵقرتاوی فەنابوونم

بە هەشت سەکۆی شەهلايەکە

بێگەردی مەی، ئيشقم نۆشی

خەڵوەت دوا مەنزڵێ سڕە

سەردەستەی شاژن و حۆری

مەی و نيگا

چاوانم کوليتە و کونجی

ئەو ژنە ميهرەبانەيە

لە ناو هەر دەقە شيعرێکا بۆ خۆی گڕە

کە ياخی دەبێ و لێم دەڕوا بۆم دەنووسێ

  ئيرەييم دێ))

بە کزە بای سارد و ڕچيوی ئێواران

کە بە چوار دەورت دەسووڕێ

بەو شەقام و توولە ڕێيەی

دەمتاسێنێ

ئيرەييم دێ

بە شاڵەکەی دەوری ملت

لە ئامێزی خۆيت دەنێ

بەو هەموو گوڵ و گەڵايە

لە سەر ڕێگات کڕنوش بردوون

بۆنی گوڵاوی تۆ دەمژن

بەهار هات و ئاسمان ساماڵ

 شکۆفەی سەردارێ کە هات

چەم فێنک و سەوز سەوزە

زێباترين نامەی ئيشق

 ئەوينێ سوور

(( هەروەک پاکیی ئاوی حەوزە

کوا ئيتر دەڵێم بێکەسم

ئەوە نييە هەر تۆی ئەوينترين کەسم

 

 

 

٢٢ / ٢ / ٢٠٢٤

گەڕان بۆ بابەت