و: نه‌ژاد عزیز سورمێ
كرمێكی دی
بە قولابەكەدا شۆڕدەبێتەوە
ماسییەكی دی
كرمێكی دی دەگەزێ و
ئەوەتا ژیانێكی نوێ
لە نێو وێرانەدا سەردەردێنێ .
كـۆرت شویتەرز
ئه‌و قه‌سیدانه‌ی
وه‌ك قه‌سیده ده‌رده‌كه‌ون
و : نه‌ژاد عزیز سورمێ
(1)
ئه‌و ڕۆژه
ئەو ڕۆژەی
دەگەیتە تافی لاوی
كەچی هێشتا
یاری لەگەڵ
بووكەڵۆكەكەتدا دەكەی
تۆیش
وێنه‌ی هەموو فریشتان
وەك لە پێشدا كردووتە
وادەزانی
ئەوانە كیژی شۆخن
وادەزانی
تۆیش وەكو ئەوانی
كە جحێڵ بووی
بەڵام ،
تۆ ئێستا پیری،
سەرمات دەبێ
دەمری.
(2)
ئاسكه‌كه له‌رزی پێوه نووساوه
كە شێر دەنەڕێنن
وەختێ كەمتیار بۆن دەكەن
ئاسكەكە دەلەرزێ
بەڵام هونەر زیاتر دەبەخشێ.
(3)
قه‌سیده‌یه‌كی لاڵ
كرمێك
بە قولابێكدا شۆڕدەبێتەوە .
ماسییەك كرمەكە دەگەزێ
قولابەكەیش دەگەزێ
قولابەكە ماسییەكە دەگرێ و
ئەوەتا ماسییەكە،
بە قولابەكەدا شۆڕ دەبێتەوە
قولابەكە،
ماسییەكە لە ئاو ڕادەكێشێ
ماسییەكە لە دەرەوەدا دەمرێ
قولابەكە ماسییەكە دەكوژێ .
كرمێكی دی
بە قولابەكەدا شۆڕدەبێتەوە
ماسییەكی دی
كرمێكی دی دەگەزێ و
ئەوەتا ژیانێكی نوێ
لە نێو وێرانەدا سەردەردێنێ .
(4)
وه‌ختێ، كه‌سێ، جارێ، وتی
وەختێ، كەسێ،
جارێ
وتی :
كە برادەرێك جارێ وتی
كە برادەرێكی دی وتی
من بە برادەری سێیه‌مم وت
كە برادەری چوارەم وتی
برادەری پێنجەم وتی
كە برادەری شەشەم وتی
من جارێ وتوومە
كە جارێ نەموتووە دەڵێم
تا بە هەموو ڕاستگۆییەوە
بە هەموو برادەران بڵێ
كە من ڕاستە وتوومە
هیچم نەگوتووە .
(5)
بیری لێ بكه‌وه
چوار ڕێهەڵكەن
لەسەر بانێكدا وەستا بوون
یەكەمیان وتی ((ئۆف))
دووەم: ((كەواتە چۆن دەگونجێ))
سێیەم: ((ئەو بانە بەرگەمان بگرێ،
لە كاتێكدا))
چوارەم: ((ئەو بانانەی
بێ كاریتەن ناتوانن))
لەو دەمەیدا
بان ڕما و كەوت
بینیت چۆن؟
* كۆرت شویتەرز: ساڵی 1887 لە هانۆڤەر لە دایك بووە. هونەری لە كۆلیژی هونەرەكانی دریسدن خوێندووە. بە شاعیرێكی (دادا )یی دەناسرێ، هەرچەندە ئەو شێوەیەكی پێدابوو بەوەی دژی بە سیاسەتكردنی دادا بوو .
* له ماڵپه‌ڕی (ئیلاف)ـه‌وه كراوه به كوردی .
http://elaph.com/Web/Culture/2010/4/550176.html
