وەرگێڕان: سەردار جاف
هۆ خانمە بەدبەختەکە
تەنها لە بەر ئەوەی بيرم کردی
هەموو دەرگاکانت داخست
پەنجەرەکانت داخست
گريام
کچە بەدبەختەکە
دەقی: ماجد مەتروود
بەلژيک
وەرگێڕان: سەردار جاف
کاتێ بيرمکردەوە بێمە ناوتەوە
پرچم فڕی بە سەر پرچتدا
چاوم بە نێو چاوانتا غلۆڕبوونەوە
کاتێ بيرمکردەوە بێمە ناوتەوە
قاچم لە قاچەکانت ئاڵا
لێوم بە سەر لێوەکانت توانەوە
بەو جۆرە
دڵم بە سەر دڵتدا تليسايەوە
هەر بەو جۆرە
رۆحم بە سەر رۆتا ڕووخا
هەموو ئەوانە
جونکە بيرمکردەوە بێمە ناوتەوە
لێ
هۆ خانمە بەدبەختەکە
تەنها لە بەر ئەوەی بيرم کردی
هەموو دەرگاکانت داخست
پەنجەرەکانت داخست
گريام
ئەسرينەکان قەتيس بوون
بە ئارامی
لە سەر رايەڵەی ژينما پەخشم کرد
بە گازندەوە بە گوێی خۆرم چرپاند
خووەکانم لە نێوانی دوو ڕووبارا ون بوو
تەمەنم لە نێوانی دوو جەنگا ون بوو
کوێت و
ئابڵوقە و سەددام
ئەمريکا و
رەگەزپەرستی و سەگەکان
شپڕيوبوونمم بە دی کرد
هەتيو و پرسە
تەپوتۆز و دووکەڵ
تەپکەی بۆمبڕێژی چالاک
گاڵتەپێکردنی ڕەنگەکان
بە درێژی و پانی
لە ئابروو ... و ڕيشە ... و مێژوو
هەموو ئەوانە .... بەربەستم بوون
کاتێ بيرمکردەوە ... بێمە ناوتەوە
ئەی شارە بەدبەختەکە
