شێعر و پەخشان

سەباح ڕەنجدەر

لە یەکەم خەڵوەتدام و سەرگەرمى خۆشەویستى خودام / خوداى ناو تەورات/ خوداى ناو ئینجیل/ خوداى ناو قورئان/ تەورات و ئینجیل و قورئان باسى خودایەکم بۆ دەکەن خۆشم بوێ / گەشەى ڕۆح لەدوا خەڵوەتدام و ئەم خۆشویستراوەم بۆ ورد ناکرێتەوە / بولبولێک لەپاڵ گوڵێکدا دڕکى لەژێر پێیەکانى لاداوە / تاسەى خۆى بۆ دەنووسێت و پێى دەڵێت 

تاسەى خودا

سەباح ڕەنجدەر

لە یەکەم خەڵوەتدام و سەرگەرمى خۆشەویستى خودام

خوداى ناو تەورات

خوداى ناو ئینجیل

خوداى ناو قورئان

تەورات و ئینجیل و قورئان باسى خودایەکم بۆ دەکەن خۆشم بوێ

گەشەى ڕۆح لەدوا خەڵوەتدام و ئەم خۆشویستراوەم بۆ ورد ناکرێتەوە

بولبولێک لەپاڵ گوڵێکدا دڕکى لەژێر پێیەکانى لاداوە

تاسەى خۆى بۆ دەنووسێت و پێى دەڵێت

تاسە سادەیە وەک دەستخستنە سەردڵى پەیامبەرێک

پەیامى وەرگرتبێ و لە چاوەڕوانى ڕاگەیاندندا مابێتەوە

یان بارینى ڕشێنەیەک لە هەورێکى تەنکدا

ئەرێ خودا لە شێوەى چیدا مرۆڤى دروستکرد

چیشى بەخۆى چواند