نژاد عزیز سورمێ
/ پرسیار/ تهنگیان/ پێ/ ههڵچنیوم../
/ سهرابه/ ڕێ../
/ چهندی/ ڕۆیشتم/ نهگهیشتمه/ مرۆڤ/
/ چهندی/ ڕۆیشتم/ نهگهیشتمه/ دڵم/
/ که/ له/ نێوان/ شکان و/ نهشکاندایه./
لهیادمانی گوڵه بڵێسهدارهکانهوه
نژاد عزیز سورمێ
(( ئێمه ئهوهین زیندان
لهخۆمان دهکهینه گوڵستان،
که زیندانمان گوڵستان بێ
گوڵستانمان دهبێ چی بێ؟
"شهمسی تهورێزی"
( (1
/ ئێواره/ ڕهنگی/ ڕووباره/ شینه/ زهردباوهکان/
/ دهداتهوه/.. /
/ ترس/ به/ کڵاوێکی/ بهڵهکهوه/
/ سهرهتاتکێمان/لهگهڵدا/ دهکا../
/ ههڵپهی/ کارامهیی/ یاڵی/ به/ ئهسپه/
/ چهقیوهکانهوه/ نههێشت./
گوڵاڵه سوورهی کانی مرادان
هانا بۆ عاشقان دێنن؛
تۆ مهنووه، ئهستێرهگهشبوونان بگهڕێوه!
که هاتییهوه دهبینی
چۆن دونیا
دهست لهبهر پشتی شهو دهنێ.
(2)
/ تهمهن/ بایی/ ئهوه/ نهبوو/
/ پهرژین/ به/ دهوری/ ئاوباران/ ههڵچنین/
/ شووشهی/ شهبهنگی/ پاڵ/ چرا/
/ ئادگاری/ تێکشکاو/ ئهلهای/ مهرگ/ و/
/ ههتاو/ له/ یهک/ کاتا../
/ له/ یهک/ کاتا/ ئهلهای/ مهرگ/ و/ ههتاو/
بای واده ،
لهپاڵ پاردهی بیرهوهرییهکاندایه.
بوولێڵم له کاژهکانی بهندهن داماڵی.
نهمهێشت گهڵاکان
پهیمان بشکێنن.
نهمهێشت لێڕهوار،
گلاراو.. پێکوڕه،
له هاژهی سهههندی
ئهم چهرخه غهدداره بخنکێ.
(3)
/ فرمێسکی/ ماندوو/
/ له/ بۆسهیهکی/ ئهفسانهییدا/
/ کهنار/ به/ گوڵی/ ههڵایساوهوه/
/ خهملێنرا / بوو/
/ ئهی / ئاههنگی/ ههنسکاوی/
/ که/ له/ پێش/ قافڵهی/ بادهنۆشانهوه/
/ بارت/ لێ/ خستووه/
/ دهمهوێ/ باخچه/ خۆڵهمێشییهکانی/
/ تهنیاییت/ ببینم./
بادهگێڕ
به پهیمانهی پیرۆزی
برینهکانمی درهوشاندهوه .
بێ هاوتایه ئهزهل، پهری دێم!
خۆت بهنیازی
پهیژهیهکی شکاوهوه مهسپێره !
بێ هاوتایه ئهزهل.
(4)
/ پرسیار/ تهنگیان/ پێ/ ههڵچنیوم../
/ سهرابه/ ڕێ../
/ چهندی/ ڕۆیشتم/ نهگهیشتمه/ مرۆڤ/
/ چهندی/ ڕۆیشتم/ نهگهیشتمه/ دڵم/
/ که/ له/ نێوان/ شکان و/ نهشکاندایه./
لهڕێوهڕهسمی ئاههنگی مهرگی گوڵهمێخهکدا
وێستگهی پاسی
شارهکانم بیرکهوتهوه..
له شۆستهی باغه سیمکراوهکانی
ئهم بهر و ئهوبهری ڕێگا
گۆڕهپانی نوێکردنهوهی ناسنامه!
(5)
/ ههمیشه/ دهیگوت/ نامهوێ/ تهنیا/ بم/
/ ئهو/ شانۆییه/ تا/ دێ/ ماندووترمان/ دهکا/
تۆ بیرت لێ کردووهتهوه
لهناو ههنارێکی قهڵهشتوودا ،
چ دهگوزهرێ؟
بیرت لێ کردووهتهوه
لهبن چیلهمێوێکدا ،
چ ژانێکی ئاسنین پێدهکهنێ؟
(6)
/ خۆشهویستیت/ به/ من/ نهدهشاردرایهوه/
/ له/ کۆڵ/ خۆمدا/ هاتبووم/
/ کورسییهکی / تهنیا/ لهو/ لاوه/ کهوتبوو/
/ شانی/ بۆ/ ههڵدهتهکاندم/
/ ئهفسووس/ ئێستاش/
/ له/ ئاماژهکانی/ نهگهیشتم/
لهرینهوهی قامچی
جێوڕێیى خۆمم پیشان دهداتهوه .
چهقی کاتژمێر ئینجانه.
(7)
بارانمان/ بۆنى/ خاکى/ پێوه/ نهماوه/
/ جهسته/ شێوێنراوهکان/ بردوویانه/
/جۆگهلی/ بنار/ خهمی/ حهوزهکانی / خۆیانه/
/ ههموومان/ چاوهڕێی/ گهڕانهوهی/ جهنازهی/
/ خوێناوی/ڕووبار/ دهکهین/ ههموومان../
له کهپهنهکی شوانێکدا نوستبووم
خهونم به بارانهوه بینی
بهدیار ئاگری باڵانوێنی کۆچهرییانهوه ؛
زمانی شازادان فێربووم ..
ئهرخهوان، زێڕئاژن ..
ئهرخهوان، دهنگی با، وینگهی بهرد ..
ئهرخهوان، شهیدایی خهڵوهت،
ئهرخهوان، ئاڵا ...
(8)
/ ئاسمان/ له/ حهزو/ ئهڤینمان/ ههڵدێ../
/ سێبهر/ شهفهقمان/ لێ/ دهتۆرێنێ/
/ نه/ دهرگا/ نه/ ئاراسته/ نه.../
بمانهوێ دهتوانینله دڵۆپێک باراندا ،
زستان ببینین.
بمانهوێ دهتوانین
له زهردهخهنهی کهویه بهفرێکدا
هاوین ببینین.
بمانهوێ دهتوانین
لهسهر قهنهفهیهکی شکاوی (مهچکۆ)دا ،
دونیا ببینین.
((9
/ به/ خهڵوهتی/ بێ/ نهواییدا/ دهڕۆن/
/ کهس/خۆی/ له/ هاوڕێکهی/ ناکاته/ خاوهن/
/ ئهم/ پهنایه/ ئیتر/ ژیانی/ لێ/ نهماوه/
کهپکه شاخێکی زیز
له کهنارێکی شێتدا
چاوی بڕیبووه دارستان ..
تارمایی مردن نهبوو ،
خۆڵبارانی تهم بوو ..
له هۆشیارییهکی مهستدا،
له قۆزاخهی گوڵێکی نهپشکووتوودا ،
له بنکهی ئهبهدییهت..
کهپکه شاخێکی زیز
لهکهنارێکی شێتدا
چاوی بڕیبووه دارستان.
(10)
/ هیوای/ ڕهش/
/ ڕهش/تا/ تاریکی/
/ تاریکاییهکی/ شێت /
/ شێت/ تا/ هیوا/
من لهنێوان دوو شوورهی دڕکاویدا
لهنێوان دوو شووره
لهبهر پڕشنگی نیگاکانت ،
ئیمتیحانی وانهی
مۆمی دهم بام دایهوه..
(11)
/ ئهو/ گوڵهی/ له/ دهستت/ گرتووه/
/ بڵێسهیهکه/
/ له/ حیلهی/ ئهسپ/ ئهچێ/
/ دهنگ/ دهداتهوه/
/ ئایا/ بۆمان / ههیه/
/ خهم/
/ بۆ/ ڕهنگپهڕیویی/ خۆمان/ بخۆین؟/
/ بۆمان/ههیه/
/ ئهندازهیهک/ بۆ/ گۆڕستانهکانمان/ دابنێین؟/
بیرهوهرییهکان
پێشزانییان فێرکردم؛
ههموومان دهڕۆین ..
قهسیده خهماوییهکانمان دهمێننهوه
کێشمانهی خۆیان دهدهن.
((12
/ ژهنگ/ ژهنگ/
/ له/ هاتی/ دا/ ژهنگ/
/ له/ قاتی/ دا/ ژهنگ/
شووشهیهکی بهتاڵ ،
له پیادهڕۆییهکی بنبهستدا کهوتبوو ..
ڕێگر نهبوو، جهرده نهبوو ..
بوونهوهرێکی ئهفسانهیی نهبوو
شووشهیهکی بهتاڵ بوو
شهڕی مان و نهمانیان لهسهرکرد !!
((13
/ چرپهم/بۆ/ نهخوێندرایهوه/
/ ئهم / جاره/
/ سروه/ له/ میحرابی/ پاییزدا/ ههڵناکا/
/ خۆر/ لهسهرمان/ پاڵتۆی/ ههورانی/ پۆشیوه/
له ترافیک لایتی ئهوسهری شهقامدا
درهختێکیان ڕاقهناند
شاعیرێکیان سارد کردهوه..
له ترافیک لایت
درهختان بهردهدهنهوه
شاعیران سارد دهکهنهوه..