ما 5143 مهمان و بدون عضو آنلاین داریم

 

نه ژاد عزیز سورمێ

گوڵەکان هاتن
پێچەکی بارانییان لەسەر نابوو
بە چل ئاواز دەیانخوێندو دەیانگێڕا
بەڵام ئەوان باران شۆر بوون، ڕانەچەنین

 

کەش و هەوا

نه ژاد عزیز سورمێ

 

(1)

ئەسپەکان تەراتێنیانە

گەردەلوولی سمەکانیانم لێ دیارە

گێژەنێکی سەرەوژوورە

گیزەی بەفر

لە هەناسەی سواری ڕێبواران وەردەدا

کۆستی ماری ئارەزووشکێن 

دێ دەبێتەوە ئەفسانە و

بەیانیی مێژوو بەردەدا.

(2)

چ ئەستێرە لە ئاسمانێدا نەڕژا بوو

چ کیژێ پرچی نەبڕیبوو

 

نە ئەو مەلی بێ مەفتەن بوو

نە ئاشیانەی تورەکەڕێژ..

بەیداخە ڕەش و سپییەکان چۆن هەڵدران ؟

مێرگی سۆتەڵ و ئەرخەوان

ئەو هەموو شیعرە جوانانەی چۆن لێ ڕوان ؟

 

(3)

ئاسکەکانم تارماییان دی و

تێیان تەقاند

خوایە هەرگیز

ئاگرودوویان لە ماڵێدا نەکرێتەوە

ئاسکەکانمیان ڕاچڵەکاند .

 

(4)

گوڵەکان هاتن

پێچەکی بارانییان لەسەر نابوو

بە چل ئاواز دەیانخوێندو دەیانگێڕا

بەڵام ئەوان باران شۆر بوون، ڕانەچەنین

گریان

پێکەنین

گریان

بە نەورۆز کەوتن

خەونیان دی:

ڕووبارێ زێڕ

بە ناو تاسەی تینوویەتییان ڕێى گرتووە

کولێرەی سووری پێدا دێ

گریان

پێکەنین

بە نەورۆز کەوتن

باران شۆر بوون ڕانەچەنین

بەردەوام بوون لە خەوبینین.

 

 Image result for værmelding kunst

گەڕان بۆ بابەت