شێعر و پەخشان

و. سوەیلا مەیهەمی

رۆژگارێکی نامۆیە نازەنین

ئەحمەد شاملو

و. سوەیلا مەیهەمی

 بۆن دەکەن دەمت

نەکا رۆژی وتبێتت خۆشمدەوێ

بۆن دەکەن دڵت

چ رۆژگارێکی نامۆیە نازەنین

ئەڤینیش

لە کەناری داری بەربەست

شەلاق دەدەن

 ئەڤین لە پەسێو بشارینەوە

لەم بونبەستی گێڕ و قەمچی سەرما،

ئاگریش

بە سووتانی سروود و شیعر

رووناک دەکەن

بە هزرت مەترسی مەکە

رۆژگارێکی نامۆیە نازەنین

  ئەوەی دەرگا دەکوتێ شەوە سات

هاتووە چرا بکۆژێ

 رووناکی لە پەسێوەکان بشارینەوە

ئەوە ئیستا قەساوەکانن

جێگیر بە ڕێگاکاندا

بە کۆتە و ساتورێکی خوێنین

رۆژگارێکی نامۆیە نازەنین

 نەشتەرگەری بزەی سەر لێو و

دەمی بە گورانی دەکەن

تاسە لە پەسێوی ماڵ  بشارینەوە

قەناری دەبرژێنن..

لە سووتانی سویسەن و یاس،

رۆژگارێکی نامۆیە نازەنین

شەیتان سەرکەوتوو و سەرخۆش

ماتڵی ئاهەنگی تەعزیەی ئێمەیە

 خودایش لە پەسێوی ماڵ بشارینەوە