چیرۆک
فەرهاد نێعمەتپوور
دۆشەکەکە تەڕ ئەبێت. لە تاریکیا هەموو رەنگەکان رەش دەنوێنن. خۆت ئەسپێریە دەست شەو. چاوەکانت قورس دەبن. خەوت دێت. هەناسەکانت ناڕێک دێنەدەر. ساردتر دەبیت. پەشۆکاوم. دادەنیشم. هەنیشکەکانم لەسەر ئەژنۆکانمن. دەستە لینجاویەکانم دەخەمە سەر سەرم. خۆشم ئەوێیت.
- توضیحات
- بازدید: 176
فەڕۆخ نێعمەتپوور
چەند رۆژ دوواتر لەهەمان وێستگە سواری هەمان پاس دەبمەوە. ئەمجارە قژزەردێکی چاوشینە. لێی ورد دەبمەوە. بڕواناکەم بۆ جارێکیش لە ژیانیدا بیری لە وەرگێڕانی کتێبێک کردبێتەوە. دڵنیا لەوەی قژزەردە چاوشینەکان، بەتایبەت شۆفیرەکانیان، خەون نابینن و مەترسیی جەڵدەیان لەسەر نیە، سوار دەبم. ئەگەرچی زۆریش گرینگ نیە. کلیساکەی ئەوبەری جادەکە، ئەوەندە ترسناکیش نیە کە سەرەتا دەینواند.
- توضیحات
- بازدید: 140
فرخ نعمت پور
یادم می آید کە او آنروز، علیرغم انتظار هزار سالە من، هیچوقت نیامد،... هیچوقت عبور نکرد. نکند آن روز 'عبور' مردەبود،... برای همیشە. آە، من می دانم کە کلمات گاهی می روند،... گاهی می میرند برای همیشە. انگار پیش چشمشان، زندگی بیش از مهملاتی چند نیست. نە شاید او از کوچە کاەگلی دیگری عبور کردەباشد، کسی چە می داند. آن روز کسی کە پشت بام نبود تا این حقیقت پنهان تاریخی را دریابد.
- توضیحات
- بازدید: 139
فەڕۆخ نێعمەتپوور
دیوار کە هەر رۆژەی لە شوێنێک و هەر ساتەی لە لایەکییەوە بە سەریدا دەپەڕیمەوە، ئێوارەیان گریان و ناڵان گلەیی و گازندەی دەبردەوە لای دایکی. خوا زەخمەکانی برین پێچ دەکرد، دڵنەوایی دەدایەوە و بە دەم گێڕانەوەی چیرۆکە ترسناکەکانی دێوی رەش و دێوی سپی دەیخەواندەوە... بە هومێدی رۆژێکی باشتر بۆ سبەی.
- توضیحات
- بازدید: 160
رەسول سەفەریانی
من بەرەو مەکتەب دەچووم و ئەویش بەرەو ئیش، بەڵام رێگاکەمان لە یەک هێڵدا بوو. تەنیا دوو دەققەی مابوو بۆ هاتنی قەتارەکە. من بە پیی عادەت نازانم لە شوێنێک راوەستم و چاوەڕێ بم، بۆیە ئەمسەرو ئەوسەرێکم لەبەر ویستگەکەدا کرد. قەتار هات و سوار بووین. وەک هەمیشە چووم رۆژنامەیەکی"مێترۆ"م هەڵگرت و پێکەوە چووین لە سەر یەكێک لەوشووێنە دوو کەسیانە دانیشتین. قەتار وەک هەمیشە بێدەنگی بەسەریدا زال بوو. زۆربەی خەڵک یان رۆژنامەیان دەخوێندەوە یان کتێب یان چووبوونە نێو موبایلەکەیان و خەریکی خوێندن یان بە شتێک سەری خۆیان قاڵ کردبوو. لەم وڵاتە، بەتایبەت بەیانیان، نێو پاس و قەتار رەنگ و بۆنی کتێبخانەیان هەیە. خوێندنەوە و بێدەنگی. کەس سەیری کەس ناکات، زۆر جار ئاگات لینییە کێ لە پەناتەوە دانیشتووە.
- توضیحات
- بازدید: 182
فەڕۆخ نێعمەتپوور
جەماوەرەکە بێدەنگ دەبن. کاک شیروان درێژەی دەداتێ. دەڵێ سەد ساڵی تر زۆربەی ئەم خانووانە نامێنن، کۆن دەبن یان دەڕمێن، شار دەکشێ و گەورەتر دەبێتەوە، چەمەکەیش گەر وشک نەکا ئاوەکەی یەکجار کەم دەبێتەوە، دەبێ بە جۆگەلەیەک، شوێنێک بۆ مەلە و پیاسەی مێش و مەگەز، هەروەها بۆ ئەو مارمێلکانەی وا رەنگە بەشێکیان لە نەوەی ئەو مارمێلکانە بن وا تەرم و مەیتی ئێمەومانایان خواردووە. بۆیە بۆنی ئێمەیان لێدێ و، چاوەکانیان جاری وایە لە چاوی ئێمە دەکەن، وەک ئێمە هێشتا لایان وایە مردن هێشتا زۆری ماوە و ساڵەکان ئەوەندەیش سامناک نین.
- توضیحات
- بازدید: 128
رەسوڵ سەفەریانی
هێشتا شوێنی دانیشتنەکەی ئەو ساردنابێتەوە کە پیرەژنە قەوی و قٶڵەکە، بە هەیکەلە نیوە چەماوەکەیەوە لە دوورەوە دەردەکەوێت. سەرپۆشێکی بچکۆلەی بە سەرەوەیە ئەڵێی هی سەردەمانی مناڵییەتی و هەر بەسەریانەوە دووریوە! هەر دوو دەستی دەخاتە پشتیەوە و لە یەک قفڵیان دەکات و نەرمە نەرمە رووەو من دێت. ئەوەندە خاو دەجوڵێت کە ئەو ریگا بیست سی متریە بە چەند دەققە دەبڕێت. دێت و هەر لە یەک مەترییەوە دەستی راستی بەرەو شانی من دەکێشێت. کە دەستی گەیشتە سەرشانم خۆی بە من رادەگرێت.
- توضیحات
- بازدید: 258
رەزا شـوان
هـیوا کە گـوێی لەم قـسانەی مامی بـوو، گەشایەوە و هـەستی بە شادییەکی زۆر کـرد. وتی ئەمە ئەو کەسەیە کە من بۆی دەگەڕام. بەڵام شەنگە بە قـسەکانی باوکی سەسام بـوو. لە دڵی خۆیـدا وتی، باوکـم لە جیـاتی ئەوەی کە بە هـیوا بـڵـێـت، واز لەم خەیاڵ پڵاوەت بهـێـنە، کەچی دەسـتخـۆشـیی لێـدەکـات و هـانی دەدات.
- توضیحات
- بازدید: 191
فەڕۆخ نێعمەتپوور
زەردەخەنەیەکی تاڵ نیشتە سەر لێوەکانی. مۆسیقا چەند دەتوانێ سیحری دونیا و بوون فراوانتر بکاتەوە. ئەوەندە فراوان کە خەیاڵ نایگاتێ. مۆسیقا، ئامرازێک خەیاڵ دەیخوڵقێنێ و، کەچی خۆیشی لێی بەجێ دەمێنێ. هەنگاوەکانی ئارامتر کردەوە، پاڵی بە دیوارێکی گڵینەوە داو و کەمێک راما. لە دووای ساڵانی ساڵ هەستی بە ئازاری قاچەکانی کرد، بە قورسایی هەنگاوەکانی،... بە جەستەی کە چین چین نیشتبووە سەر یەک. زەمەن چەند نامەردانە گوشیبووی. بە خۆی گۆت "ئەمەیش ئیعجازێکی تری ژیان، هەمیشە کەسێکی تر هەیە هەست بە بوونت بکا... ئەگەرچی درەنگ."
- توضیحات
- بازدید: 144
فەڕۆخ نێعمەتپوور
قادر سەری هەڵبڕی. وەک هەمیشە لە نیگاکانیدا هیچ نەدەخوێندرایەوە، بەڵام عەتا سات بەسات زیاتر لەوە دڵنیا دەبوو کە هەڵەناکا و هاوڕێکەی چیرۆکێکی شاراوەی ساڵانی دووری لایە. متمانە لەمە، بێدەنگ بوو. نا، نەدەبووایە لەمە زیاتر بچێتە پێشەوە. دەیترساند، دەیسڵەماندەوە. دەبا چاوەڕوان بێ. سێو کە گەیی خۆی دەکەوێتەخوارەوە. چی بکا چی نەکا، خۆی بە خەیارماستەکەوە خەریک کرد. خەیارێکی تری پاک کرد و لەگەڵ سیر تێکەڵی ماستە مانگاکەی کرد. بۆنی خەیاری تازەی گوڵ بەدەم بە ژوورەکەدا ئەوەندەی تر بڵاوبووەوە.
- توضیحات
- بازدید: 155
