چیرۆک
فەڕۆخ نێعمەتپوور
بۆ پاییز، مامۆستا لەبەر تەختەڕەشەکە بە دارەکەی دەستی ئاماژە بە نەقشەی دونیا دەکا و، دەڵێ ئێرە رۆژهەڵاتە، ئێرە رۆژئاوا، ئێرە باکوورە و ئەوێیش باشوور. من بیری ئەو رۆژەی هاوین دەکەمەوە، دەست هەڵدەبڕم و دەپرسم داخۆ ئەگەر فڕۆکەیەک لە پشت دیوارەکەی ماڵی ‘خا سوعدا’وە بەرەو ماڵی حاجی برایمی بەزاز بفڕێ، لە رۆژهەڵاتەوەیە بەرەو رۆژئاوا، یان بەپێچەوانەوە؟ هێشتا پرسیارەکەم تەواو نەبووە کە منداڵ دەستدەکەن بە پێکەنین. مامۆستا تووڕەدەبێ و، بێدەنگیان دەکا. پاشان بە تاوانی پرسیاری بێ ئەدەبانە دەمباتە بەر تەختە رەشەکە، رێک لە ژێر نەقشەی دونیا چەند شووڵی چاکم تێدەسرەوێنێ و لە پۆل دەرم دەکا. کاکی مودیریش دەمنێرێتەوە بۆ ماڵەوە و، دەڵێ دەبێ بۆ سبەی لەگەڵ باوکم بێمەوە.
- توضیحات
- بازدید: 368
فەڕۆخ نێعمەتپوور
خۆشحاڵم کەبابیش خەیاڵە. لەبەر ئەوەی دەتوانی لەدەستی قوتار ببی. هەرچەندە بگەڕێتەوە و مێشکت داگیربکاتەوە، ئەوا بۆ ماوەیەکە. لەم کاتانەدا بەخۆم دەڵێم مێژوو خۆ هەر رابردوو نیە، داهاتوویشە، بۆیە بیر لە داهاتوو بکەوە. ئیتر بیرە لە ئایندە دەکەمەوە. ئایندەیش دەکرێ بە بێ کەباب بێت، وەک چۆن بە بێ هەموو ئەو بیرە مەزنە مێژووییانەیە کە وەک گوتم کاتی خۆی هەبوون. بەڕای من هەڵکەوتێکی سەیریشە کە کەباب و ئەوان پێکەوە لەدایکبوون و… بەڵام پێکیشەوە نەمردن. کەبابێک کە هەر ماوە و هەر بۆنەکەی لەهەندێ شەقام و کووچە و کۆڵاندا دێت و دەڕوا. نا… شتێک پێموابێ هەڵەیە.
- توضیحات
- بازدید: 248
عەلی حەمەڕەشید بەرزنجەیی
لەنەورۆزدا گشت ئاسوودەین... بەشداری ئەو یادە دەکــەین تێکەڵ دەبن هەموو دەنگێک... دەبن بەیەک هەمــوو ڕەنگێک وەکــــــو چیــا بەهێز دەبن... دژی زۆردار ڕادەوەســـتن مامــــەیـارە مامـــــەیـارە... لە لای هەمــوان شکـــۆدارە خـۆزگە خـۆزگە مامـــەیارە... کـــە جوانترین شوێنی شــارە دەیانکرد بە سەیرانگای شار... پڕ چیمەن و گــــوڵ و گوڵــزار ئەوســـا دەبوو بەجێی پشوو... هەمــوو کـــات ڕازاوە دەبــوو منداڵیش بۆ یـــــــاریکردن... بۆ خۆشیی و کــات بەسەر بردن بۆی دەهاتن لـــەگشت لاوە... یاری بکـــــــەن بە خــولیاوە خۆزگەی ئێمە ڕوون و دیارە
- توضیحات
- بازدید: 202
رەزا شوان
کە ئەم قـسانەم کرد، کاکم ساردبووەوە. بۆ ماوەیەک داما و بێـدەنگ بوو. وا دیاربوو قـسەکانـم کاریـلـێکـردن. بەزەیی بـە دوو کەوەکەیـدا هـات. ئیـنجـا زەردەخـەنـەیـەکی ناسکی کرد و باوەشی لێدام، سەرمی ماچکرد. چوو بە لای قەفـەزەکەوە و دەرگاکەی کردەوە و هەردوو کەوەکەی ئـازادکرد. کەوەکان دایان لە شەقـەی باڵ و هەڵـفـڕین و رۆیشـتن و لەچـاو ونبـوون. ئینجا کـاکـم بە پێـیەکـانی، قـەفـەزەکەی شکانـد.
- توضیحات
- بازدید: 208
فەڕۆخ نێعمەتپوور
یەکەمین پێش‌بینی ئەو ئەوە بوو کە هاوین، یەعنی چوار مانگ دووای زیندانی کردنەکەی لە ژێرخانەکە، میوانی تریان لە هەمان شارەوە بۆ دێ و ئەمجارە دەچن بۆ پارکی شار. لەوێ باوکی بەناچاری دەبێ بەستەنی بۆ میوانەکان و بۆ ئەمیش، کە ئەو رۆژە لە رووداوێکی سەیرو سەمەرەدا لەگەڵیان دەبێ، بکڕێ. ئەم کە یەکەم جارە لە ژیانیدا ئایسکرێم دەخوا، ئەوەندەی پێ خۆش دەبێ و ئەوەندەی پێ گەشکە دەبێ کە جورئەت دەکا داوای دانەیەکی تر بکا. دیسان لە دووای لێدانێکی باش بۆ ئێوارە دەیخەنەوە هەمان ژێرخان کە تیایا توانای پیش‌بینی کردنی داهاتوو تێیدا سەری هەڵدابوو.
- توضیحات
- بازدید: 213
فەڕۆخ نێعمەتپوور
شەو خەو بە نیگابانەکەی کۆشکی کرێملینەوە دەبینم. لەکاتی تێپەڕینی سەرۆکدا بە دزییەوە قۆپچەیەک لێدەکاتەوە و بۆمی فڕێدەدا. چ گەنجێکی جوان و قۆزە! دوگمەکەیش، بەپێچەوانەی هەواڵەکانی دوێ شەو، وەک ئەوەی خۆم قاوەییە. بەحەواوە بەدەم پێچ و لوولخواردندا لەبەر تیشکی چرا کلاسیک و گران بەهاکانی سەقفەکەدا دەدرەوشێتەوە. بەدەم بزەیەکی شێتانەوە خۆم هەڵدەدەم بیگرمەوە کە هەڵدەکەوم. قۆپچە قاوەیی و گران بەهاکەی کۆشکی کرێملینیشم لێ وندەبێ. خوایە من چ بەدبەختم! من چ بەدشانسم!
- توضیحات
- بازدید: 178
فەڕۆخ نێعمەتپوور
هەرچیم کرد و کۆشا، سوودی نەبوو. دایکم لێم مۆڕدەبووەوە و، دەیگوت رۆڵە تۆ چووزانی، تۆ هێشتا منداڵی و ئاگات لە دونیا نیە، دەیگوت تۆ نازانی کە ئەم حەیوانە بەستەزمانانە بەجۆرێک بە شتە نهێنییەکانی ژیان و خڵقەتەوە گرێدراون و بۆیە پێش لەئێمە ئاگاداری دەبنەوە. تەنانەت نموونەیەکیشی هێنایەوە و، گوتی کە ‘خا نەهیە’ی دراوسێیان گێڕاویەتییەوە پێش ئەوەی شەڕی نێوان ئێران و ئێراق هەڵگیرسێ، هەر بەو شێوەیە کەڵەشێری خزمێکیان بەنیوەشەو خوێندوویەتی و کەچی سەریان نەبڕیوە و هەفتەیەکی پێنەچووە شەڕ هەڵگیرساوە. گوتی ئەگەر سەریان ببڕیایە، ئەوا بۆ ماوەی هەشت ساڵ ئەو شەڕە دانەدەگیرسا و ئەو هەموو خەڵکە بێتاوان و بێگوناحە تیانەدەچوون!
- توضیحات
- بازدید: 224
فەڕۆخ نێعمەتپوور
زیندان وەک لەسەرەتادا خۆی دەنوێنێ، ئەوەندەیش ترسناک نیە. بۆیە دێمە سەر ئەو رایەی کە بۆ ئەوەی دڵ و دەروونێکی وەک فلیکس پەیدا بکەی، دەبێ چەند جارێک بتگرنەوە و بچیتەوە زیندان. ئاخر زیندان و، چۆنیەتی وەڵامدانەوەی بازجووەکان و خۆبینینەوە لە چواردیوارییە تەنگ و تەسکەکان ئەزموونی دەوێ. دانی پیادەنێم کە ترسابووم، هەڵبەت نەک ئەوەندە کە لەو دەرگایە دیسان زۆر خێرا بێمەوە دەر، یاخود ئەوەندەیش خۆڕاگر کە لە هەمان یەکەم چرکەوە بە هاورێ ترسنۆکەکەم بڵێم خۆڕاگر بە هاوڕێ، خۆڕاگر!… ژیانی ئەوەی ناوێ!
- توضیحات
- بازدید: 227
فەڕۆخ نێعمەتپوور
ئەوسا لە دەرگایەک گوزەرا و خۆی لە ژوورێکی تردا بینییەوە. زانی مردووشۆرخانەکەیە. بۆنە نامۆکە خەست و خەستر دەبووەوە. هەراوهوریا بەردەوامی مێشکی کاس دەکرد. یەک دووانێک دەیاننەڕاند و داوایان لەخەڵکی دەکرد بڵاوەی لێبکەن. بەڵام کێ گوێی دەدایە!؟ بۆ سارد، دونیای تەنیبوو. هەستی هێڵنج هیوای داگرت. گەر بۆنی توندی ئارەقی لەشەی پیاوەکانی دەورووبەری نەبایە، کە جاروبارە بەسەر بۆ ساردەکەدا زاڵ دەبوو، ئەوا بێگومان دەڕشایەوە.
- توضیحات
- بازدید: 218
