ره‌سول سه‌فه‌ریانی
له‌ودیو دیواره‌کانه‌وه که ته‌نیا له‌وانه‌یه سه‌د متر ماوه‌ی ببێت، دایک هه‌لتروشکاوه. ده‌پاڕیته‌وه که ریی بده‌ن کوڕه‌که‌ی ببینێت. زه‌رد و لاواز، که‌س گوێی لێناگرێت. له‌زبانیشیان نازانێت. پاڵی تێوه ده‌نێن، ده‌یخه‌ن. ده‌سته سه‌رما تێشکاوه‌کانی له‌عه‌رزه‌که ده‌که‌ون. ئازار تا بن دڵی ده‌چێت.
لە ئینگلیزییەوە: سایتی قەڵەم
لۆرا سەری لێشێواوە. دەڵێ "ئەمە چییە من داوای حەمام دەکەم و کەچی ئەوان ژووری حەسانەوەم پێ پیشان دەدەن. من ژووری حەسانەوەم بۆچییە. من پێویستیم بە حەمامە." پاش ماوەیەک وازدێنێ. ماندووە لەم هەموو گەڕان و پرسیارکردنە.
فەڕۆخ نیعمەتپوور
بەڵام من دڵنیام گەر ئەم خانووە نەبێ، گەر ئەم دڵنیاییەیە و ئەم ئەشق و حەز و ئاسوودەییەی باجی لەم خانووەدا نەبێ، ئەوا دڵتەنگییەکانی ئەویش بۆ هەمیشە وندەبن. ئەو لەسەر خاکی خۆشحاڵییەوە، دڵتەنگییەکانی بەرەو دونیا بەڕێ دەکا. ئەم خانووە نەبێ، کۆترێ دڵتەنگییەکان نە شوێنێکیان هەیە بۆ فڕین و نە شوێنێکیان هەیە بۆ نیشتنەوە.
و. شاهۆ حەسەنپوور
دوو هێڵی تەریب لە سەر کاغەزەکە دەدرەوشانەوە و غەریبەکە بەو دەنگەی کە دەتگووت سەرمای بووە دەخوێنێتەوە: "کاتێ تەم و مژ و دووکەڵی ڕەش لە سەر سینگی بێتۆنی دیوار نیشت، لە ژێر شەتەکی خوێن و لەتە نینۆک، قژ و پێستی سەر و جەستە، رستەیەکی تێکەڵ پێکەڵ کە بە نینۆک هەڵکەندرابوو، دەدرەوشایەوە..."
قادر نیکپوور
کوڕە تاقانە تەواو سەری لێ شێوا بوو. بە ترس و لەرز و دڵەڕاوكێ توانی ئەوەند بڵێ: من کوڕه شازاده‌م، هاتووم کچه شازاده بخوازم. چاوه‌ڕوانیم ده‌کات، ده‌بێ برۆم بۆلای ئه‌و. کچەکان هەموو بە تێگڕایی دەستیان کرد بە قاقا و پێکەنین. قاقا و پێکەنین لە نێو کۆشک و وڵات دەنگی داوە.
لە ئینگلیزییەوە: سایتی قەڵەم
ئەمڕۆ رۆژێکی تایبەتە و ئێریکا زۆر لەسەر هەستە. بە هەڵاتن بەرەو ماڵەوە دەڕوا و بیر لە مامی دەکاتەوە. هەفتەیەک لەوە پێش لەگەڵیا بە تەلەفۆن قسەی کردبوو. مامی لە ئۆسترالیا دەگەڕێتەوە و سورپرایزێکی تایبەتی لەگەڵ خۆی پێیە.
فەڕۆخ نێعمەتپوور
دەرگایەکی فەرامۆشکراو! راست دەکا. دەرگایەکی فەرامۆشکراو. کەواتە من دەبێ دەرگایەکی فەرامۆشکراو بدۆزمەوە. بەڵام ناونیشانی ئەم جۆرە دەرگایە چۆنە؟ مێشکی خۆم دەکرۆژم. هیچم نایەتەوە یاد. کتوپڕ رستەیەک زەینم دەگرێ. بەپەلە دەڵێم "ئەها،... کلیلێک بۆ دەرگایەکی فەرامۆشکراو!... تکایە کلیلێک بۆ دەرگایەکی فەرامۆشکراو!" 
لە ئینگلیزییەوە: سایتی قەڵەم
دووای دوو مانگ کێڤین دایک و باوکی بانگ کرد بۆ ئەوەی سەیری ماشینەکەی بکەن. دایک و باوکی سەریان سوڕدەمێنێ. ماشینەکە زۆر جوانە. ماشینەکە سوور و درەوشاوەیە. ماشینێکی کایەی وەرزشییە. کێڤین دەتوانێ لەناویا دابنیشێ و لێی بخوڕێ!
خەبات ڕەسووڵی
ئەوجار بە دەنگی گریانی دایکم و وان وهۆش هاتمەوە. خوێنی سەرم راوەستابوو، بەڵام خوێنێکی زۆرم لەبەر رۆیشتبوو و زۆر بێ هێز ببووم. باوکم بە دەنگێکی نووساوەوە بەسەرهاتەکەی بۆ دەگێرانەوە. دوایەش گوتی هەر ئەوڕۆ لێرە دەڕۆین. ئەو خاکە دەفرۆشم و هەر نایەمە ئێرە.بە نووزە نووز گوتم: نا بابە پەلە مەکە.
لە ئینگلیزییەوە: سایتی قەڵەم
ئیستاکە جەین و لۆرا هەردووکیان خەمینن. خەریکن بەرەو ماڵەوە دەڕۆنەوە. هیچ کامیان جل و بەرگی نوێیان نیە، بەڵام دەزانن کە بۆ جارەکەی تر دەبێ رێزی روانگەی یەکتر بگرن.
فەڕۆخ نێعمەتپوور
ئەوسا لە دەرگایەک گوزەرا و خۆی لە ژوورێکی تردا بینییەوە. زانی مردووشۆرخانەکەیە. بۆنە نامۆکە خەست و خەستر دەبووەوە. هەراوهوریا بەردەوامی مێشکی کاس دەکرد. یەک دووانێک دەیاننەڕاند و داوایان لەخەڵکی دەکرد بڵاوەی لێبکەن. بەڵام کێ گوێی دەدایە!؟ بۆ سارد، دونیای تەنیبوو. هەستی هێڵنج هیوای داگرت. گەر بۆنی توندی ئارەقی لەشەی پیاوەکانی دەورووبەری نەبایە، کە جاروبارە بەسەر بۆ ساردەکەدا زاڵ دەبوو، ئەوا بێگومان دەڕشایەوە.
