شرۆڤە
فەڕۆخ نێعمەتپوور
نووسین رەوتی ناسینەوەی مرۆڤەکانە (بەهەر پلە و پایەیەکەوە) وەک مرۆڤ. ئەویکە لە ژێر توێژاڵی چڕی هەموو تەم و مژەکان و لە ژێر بارستایی قورسی هەموو جیاوازییەکاندا ئەوە مرۆڤەکانن خۆیان حەشارداوە یاخود حەشاریانداون. دەنووسین لەبەر ئەوەی وەک مرۆڤ سەرلەنوێ یەکتر بدۆزینەوە.
- توضیحات
- بازدید: 588
فەڕۆخ نێعمەتپوور
ئێمە دەنووسین لەبەر ئەوەی تەنیا لە رێگای نووسینەوەیە دەتوانین پێنج جووڵەی نێوان (شت و شت، شت و مرۆڤ، مرۆڤ و ئاژەڵ، مرۆڤ و مرۆڤ و سەرئەنجام دەروون و دەروون) لە پڕماناترین رووبەرەکانی خۆیدا بنوێنینەوە. نووسین کۆکردنەوەی ئەم پێنجە و گەمەیەکی قووڵی نێوانیانە.
- توضیحات
- بازدید: 574
فەڕۆخ نێعمەتپوور
نووسین دەستەمۆکردنی پووچگەراییە و گەڕانە لە کەلێن و کونەبەرەکانیدا بە مەبەستی دۆزینەوە و سازکردنی مانا. دەنووسین چونکە خودی نووسین مانای ژیانە و رووبەڕووبوونەوەیە لەگەڵ مەرگ. نووسین رەوتی بەردەوامی بەرهەمهێنانی مانایە لە بەرامبەر بەردەوامیی پووچگەرایی.
- توضیحات
- بازدید: 556
فەڕۆخ نێعمەتپوور
راستە یەکەمین هاندەری نووسەر بۆ نووسین خوێندنەوە نیە، بەڵام نووسین لەگەڵ خۆی هەڵگری خوێندنەوەیە و بۆیە دەبنە دوو جەمسەری لێکدانەبڕاو. نووسین ئەزموونکردنی ئەزموونی ئەوانی ترە بەڵام بەگوێرەی ئەزموونی نووسەر و بەگوێرەی ئەزموونی خوێنەر.
- توضیحات
- بازدید: 580
فەڕۆخ نێعمەتپوور
نووسین سەبتی گۆڕانە لە سەر کاغەز و دەستەمۆکردنیەتی بۆ ئەوەی بتوانین بە پێچەوانەی لۆژیکی سروشت بگەڕێینەوە سەری. نووسین لەقاودانی حەزی خۆشاردنەوەی بوون و ئاشکراکردنی رەوتە سەرەکییەکانیەتی.
- توضیحات
- بازدید: 567
فەڕۆخ نێعمەتپوور
زۆر جار نووسین باس لە بزربوونی ئیرادە و هەستی ئازادییە. ئەمەیش بەشێوەی حەتمی بەمانای بزربوونی ئەم چەمکانە لای نووسەر نیە، ئەوەندەی بە مانای خەسڵەتی زاڵی ناو کۆمەڵگایەکی دیاریکراون. نووسین هەندێ جار داننانە بە ملکەجبوونی مرۆڤ بە چارەنووسی خۆی.
- توضیحات
- بازدید: 581
فەڕۆخ نێعمەتپوور
ئێمە دەنووسین لەبەر ئەوەی دەخوێنینەوە. نووسین بەشێوەی سەرەکی گوزەرە لە هەناوی وڵاتی خوێندنەوەوە. نووسین گەڕانەوەیە بۆ دەقەکانی پێش خۆمان، بەڵام بەشێوەی ئەکتیڤ و چالاک؛ وەها کە بتوانین دەقی تریان لێ بەرهەم بێنین.
- توضیحات
- بازدید: 552
فەڕۆخ نێعمەتپوور
ئێمە دەنووسین لەبەر ئەوەی نووسین هەوڵدانە بۆ خۆدەربازکردن لە هەستکردن بە نامۆیی. نووسین بەسوبژەکردن و بەتاککردنی جیهانە. خوڵقاندنی جیهانەکانی ترە لە پاڵ جیهانی دەرەوەدا. نووسین رۆچوونە بە ناو پرسیارەکاندا بە بێ دۆزینەوەی وەڵامێک بۆیان.
- توضیحات
- بازدید: 689
فەڕۆخ نیعمەتپوور
ئێمە دەنووسین لەبەر ئەوەی نووسین (یان نووسەری) دەبێ بە بنەڕەتی 'بوون'. بوونێکە هەم وەک دەستپێک و هەم بە درێژایی ژیان. نووسین تەنیا ئەو کاتانە نیە دەنووسین، بەڵکو ئەو کاتانەیشە لە بوون وەک ئامراز یاخود وەک گشتییەتێک بۆ پرۆژەی نووسین دەڕوانین.
- توضیحات
- بازدید: 596
فەڕۆخ نێعمەتپوور
ئێمە دەنووسین لەبەر ئەوەی دەمانەوەی لە رێگای دەقەوە لۆژیک و یاسا و سنوورەکانی مێژوو تێپەڕینین و لە جیاتی دەقی وێنەئاسای مێژوو، دەقی زیندوو لە هەمان وێنە پێشکەش بکەین. نووسین باسکردن لە دیوە شاراوەکانی ژیانی کۆمەڵگا و تاکە.
- توضیحات
- بازدید: 508