گەشتێکی شەبەقشەبەق
غەفوور ساڵحی
ئەمجار دەنگت هەر لە دەنگی خۆت نەدەچوووو. وەک شتێک حەپەسابووی: گوێم لێبگرە. ئاها پێم گوتی، ئەوڕۆ پێشهاتی سەیر چاوەڕێمە. ئێستا وا نیوەڕۆیەو، خەریکم نزیک دەبمەوە لەو شوێنەی کە لەدوورەوە وەک پلوورەهەنگ دەچێت. ئەزانی بۆ خۆم گەیاندێ؟ ئاخر کە لە دوورەوە تماشام دەکرد، بە هیوا نەبووم لەوە کوناوکونەدا جووڵەیەک ببینم. لای خۆم گوتم، بە زات و بێعەیبی خوا ئەوە شتێکە. جووڵە زۆرە لەو کونانەدا. بەڵام خۆ ئەو جووڵە، ناتوانێ جووڵەی هەنگ بێت. من چۆن دەتوانم لێرەوە جووڵەی هەنگ ببینم؟ ئەویش بەو چاوە کوێرانەی منەوە. ئاها، ئەوە خەریکم دەیگەمێ.
کاتیوشا
فەرهاد نێعمەتپوور
میلۆدیێکی کلاسیک هەست پێدەکرا. قژەکان دەشەکانەوە. کەوانەی لێواری گۆی زەوی لەبەردەستدا... باوەشێک بۆ پێداکردن. چەند ساتێک فڕین. هێزی تەقەی کاتیۆشا هەر ئەوەندەی بەرگە گرت. خێرایی بەرەو بەرزتر کەمتر دەبوووە. شۆڕبوونەوە دەستیپێکرد. نەرمەبا بوو بە گڤە گڤ. ترس هەموو جەستەی دەتەنی. قریشک و قاو، گوێی ئاسمانی کەڕ دەکرد. با، دڵۆپ یان فرمێسکی گۆشەی چاوەکانی لەگەڵ خۆی دەبرد. ترپەی دڵ... لەپڕ داچڵەکیم. پاڵم دابۆوە کەوانەی دانێک لە لولەکان و دەمروانیە داچوونی خۆر.
خەم مەخۆن!
فەڕۆخ نێعمەتپوور
ئەوسا رۆژە خۆشەکان دێن. ئەو رۆژانەی وا باران دەبارێ و کەچی ناتوانێ زەفەر بە سەقفی خانووەکەی ئێمە ببا. ئا، هیچ دڵۆپەیەک داناکا. تەنیا ئەوەندەی قاتەکان لێرە و لەوێ دەخووسێن. جاری وایە دایکم هەر هەموومان دەباتە دەرەوە،... بۆ ژێر باران. بۆ ئەوەی خۆمان جوان جوان بشۆین. بۆنی ساردی چیمەنتۆ و بۆگەنیوی جاڵجاڵۆکەکان لە جەستەم،... بەرەبەرە دەبنەوە. بۆ شەو پەردە شڕەکانی سەر کونەکان دادەدەینەوە و، خەوێکی خۆش دەمانباتەوە. ئاگام لێیە باوکم لە کونەکەی خۆیەوە بەئەسپایی وەک پشیلە دەگوازێتەوە بۆ لای کونەکەی دایکم و لە دووای مڵچە ملچ و زرمە زرم و سرتەسرتێکی چەند دەگەڕێتەوە شوێنی خۆی. ئەوسا پرخەی سامناکی هەڵدەستێ. بە خۆم دەڵێم باشتر کە هیچ درگا و پەنجەرەیەک لە نێوان کونەکاندا نیە... باشتر!
تاوس
ئاڵا محەممەدزادە
کاکەم ئەلێرە ڕائەکشا. چاوی لە میچەکان بڕیبوو. قسەی لە گەڵ نەئەکردم. گووتم تۆراوی؟ ئاخر زوو زوو ئەتۆرا، وەڵامی نەدامەوە. هەموو ڕۆژێک پارووم بۆ ئەگرت. هەر لە دەمیا ئەیهێشتەوە ئاوم پێدا بە لالێویدا ئەڕژایە خوار. سەرم لەسەر سەری ڕاگرت. پێکەنی، بەڵام قسەی لە گەڵ نەئەکردم. منیش کارم پێی نەبوو. کاکەم ئەیگووت کارت بە کاری کەس نەبێ، لە تەنیشتی لەسەر جێگەی خۆم ڕاکشام. تا ئەو کوڕە منداڵکارە هات، بانگی خەڵکی کرد. پەڕۆی سپییان بەسەر دادا و، بردیان.
ئەو وێنەیە
زەمانە محەممەدی
ئەو ماڵانە وەکو ئەلان نەبوون، چکۆلە بوون، دیوارەکانیان لە گڵ، حەوشەیان هەبوو، بانەکانیان کورت، هەموو سەربانەکان ئانتێنی تەلەفزیۆنی لێ بوو، شتومەکیان نەبوو، بەڵام دڵیان زۆر گەورە بوو. خەڵکی گەرەک جلوبەرگی جوانیان لەبەرا نەبوو. هەموو رۆژێک خەبەریان لەیەک بوو. یەکتریان ئەدی، بەخەمی یەکتر خەمبار بوون و بەخۆشی یەکتر شاد. یادی بەخێر کە من ئەچووم زۆر بۆم خۆش بوو. لەگەڵ دایەگەورەم ئەچووین بۆلای خەڵکی گەڕەک،... دائەنیشتین، قسەمان ئەکرد، شۆخیمان ئەکرد. بەراستی ئەو وێنەیە ئەو رۆژانەی بیرهێنانەمەوە، ڕۆژێک وەرە، ئەچین تۆش بیبینە!
ساعت لبخند
کاوە نعمت پور
دو روز است که عکس را در جیب شلوارم قایم کرده ام... آنقدرها هم که فکر می کردم بدقیافه نیستم. آخر می دانید این اولین عکسی است که از خودم تا به حال دیدەام. صدای رادیوی کهنەی دیپاک پیر را از لوله ی بالای سرم می شنوم که گوینده اخبار می گوید مقامات هلندی از نیروهای امنیتی ایالت مهاراشترا درخواست تعجیل در رسیدگی به روند پرونده ی گم شدن شهروند هلندی که دارای همسر و دختری ۱۰ ساله است می کند.
ئێوارانە ٤٣
سەردار جاف
ئەم ئێوارە لە جەژنە شەختەيەکدا / سەوزە داراکان بە لادا دەهاتن / گوڵەکان دەپوکانەوە / تارماييەکان دێوەزمەی بڕينەوەی هەناسەی من و تۆ بوون / بە سەر باڵی رچين دەچوون / پەنجەی پەنهان / لە ئاسمانی تەنهاييدا / بە سەر رۆحم لەرانەوە / گڵۆپ کزکز ....چراکان فوو لێکراون
ڕۆد ماکوین و قەسیدەی (گوێگرتن لە گەرمایی)
لە ئینگلیزییەوە: ناڵە حەسەن
سێبەرەکانی دوای نیوەڕۆ /کۆبوونەتەوە ، وەک ئەوڕۆژانەی / دەیانەوێت بڕۆنە ماڵەوە /پێش ئەوەی شەویان بەسەردابێ /لە سەرووی بەندەرێکی خۆڵەمێشییەوە / شارێک لە سەر خانوویەکی سپی دانیشتووە /چاوەرێ ڕووداوێک دەکات /هەموو بەلەمەکانیش لە نێویانەوە / بایەک هەڵدەکات / ئێمەش بەیەکەوە لە ماڵەوە گەرم دادێین / ناتوانم سەیری تۆ بکەم /بۆ ماوەیەکی درێژخایەن /لە دەرکەوتنت لە نیو شووشەکانی /پشت بارەکەوە
صفحه32 از419